جزاك الله خير اسير الدوحة على مساعدتك لأخوانك
|
جزاك الله خير اسير الدوحة على مساعدتك لأخوانك
اللهم لك الحمد كما ينبغي لجلال وجهك وعظيم سلطانك
وعليكم السلام ورحمة الله وبركاته ...المشاركة الأصلية كتبت بواسطة أم وضحى
مسموحة اختي ومن حقج تسألين وتستفسرين ...
- اصلا احنا نسافر للصين عشان نوفر ... ونضرب عصفورين بحجر ... التوفير مع الجودة ...
- انتي متوقعة كم بيطلع الشحن والجمارك ؟؟؟ الشحن يمكن 10 الاف ريال ... وقت الذروة ... والجمارك يمكن 5 الاف ريال ... ((يعتمد على الاسعار اللي تقدمينها للجمارك)) ...
- صعب اقولج كم سعر المتوسط ... لكن سعر التوفير قد يصل الى النصف تقريبا واكثر ...
يعطيج العافية اختي ...
وجزاك اخوي خير الجزاء ...
وهدفي من هذا الموضوع ... هو اعمام الفائدة ... على الجميع ...
ومشاركة خبرتي في هذا الموضوع مع الكل ....
يعطيك العافية اخوي ....
السلام عليكم ...
قد يسأل الواحد نفسه ... انا قررت اروح الصين ... واشطب بيتي من الصين ...
وبعد ماخلص التشطيب ... افرش البيت من الصين بعد ...
شلون وكيف .... ووين اروح ,,, ؟؟؟
أسئلة كثيرة تدور بذهن الجميع ...
اولا ... وين نرووح فالصين ...؟؟؟
هناك منطقتين فالصين ...
الاولى بجانب شنغهاي ... وتسمى المدينة ... ايو ....
وهذي المدينة مشهورة ومعروفه ... برخص بضايعها ... ولكن على حساب الجودة ...
والمنطقة الاخرى ... تسمى كوانزوا ... وهي بيت القصيد ...
كوانزوا ... تعتبر المنطقة الاقتصادية ... في المنطقة الجنوبية من الصين ...
مدينة كبيرة وضخمة ... وتعتبر احدى اكبر المدن فالصين ... وسوف تستضيف هذي المدينة العام القادم الالعاب الاسيوية السادسة عشر ....
اغلب التجار على مستوى الخليج يقصدون هذي المدينة لقصد تجارتهم ...
مش اغلب تجار الخليج فقط ... بل اغلب تجار العالم ...
كوانزو مدينة تجارية بحته .... فيها مطاعم عربية بالهبل ....
يعني لو تروووح هناك ماتحاتي الاكل .... تقدر كل يوم تضربها بالخمس .... ((لو بقيت)) ...
طبعا ... احنا لما نروووح هناك ... نروح نشطب ... يعني نشتري بلاط ,, وادوات صحية للحمامات ... وخلاطات ... الخ ...
الميزة فالصين .... هو التخصص ....
لغرض التشطيب ... نتجه عادة .. الى مدينة بجانب كوانزو تدعى فوشان ...
فوشان ... هي مدينة السيراميك .... مدينة كلها مصانع سيراميك وبورسلان ... ولوازم الحمامات ... من مغاسل وخلافه ....
هالمدينة ... لو راح تدش كل محل فيها .. يمكن تحتاج الى شهر او شهرين ...
طبعا ... في محلات نفس الدوحه ... تشتري من المصنع وتبيع ... ((مفرق)) ...
لذا يُنصح دايما بالذهاب الى المصانع .. والتعامل معها ... حيث انه توفر عمولة الموزع ..
وتتعامل مع المصنع مباشرة ... وتقدر (( اذا يصير)) انك تحط مواصفاتك الخاصة ....
وللحديث بقية .....
يعطيكم العافية ..
بيض اللــــــــــه وجهك ........ يأســــــــــير الدوحة
عز الله انك ماقصرت في موضوعك للأعضاء.........بالردود
أن شاء الله ناوي أأثث من الصـــــــين......لبيتي قريب......وبنحتاج خبراتك وتجربتك للصين
يمكن مالحق بالموضوع بس حط في بالك.......اني براسلك بالخاص علشان أستفسر بعض الأشياء قبل المغادرة
تحياتي لك يالغالي.......
بصراحة فعلا بيض الله وجهك اخوي اسير الدوحة والله يعطيك العافيه على الموضوع والمعلومات والمساعدة للكل والله يجزاك خير ....
وفالك التوفيق
تلفزيون قطر
عزيز وغالي اخوي ...
وبيض الله وجهك اخوي ...
وانا جاهز اخوي ... وفالخدمة ....
وصدقني ,.... سأكون سعيدا لمساعدتك ....
ولن أخبل عليك باللي اقدر عليه ...
وفي انتظار رسالتك الخاصة ...
يعطيك العافية ...
ولا هنت يا رب ...
وبيض الله وجهك اخوي ووجه كل من يقرأ الموضوع ...
وانا حاضر وفالخدمة ...
يعطيك العافية ...
وتسلم عالمرور ...
السلام عليكم ...
استكمل معكم ... حوارنا عن مدينة فوشان ...
يُفضل التعاقد مع سيارة خاصة مع السائق .. وتكلفة السيارة مع السائق تقريبا 150 ريال ...
طبعا ... التاكسي ... موجود ... لكن صعب تحصل تاكسي يرضى يرجعك الى كوانزو في نهاية اليوم ...
هناك محلات تبيع سيراميك وبورسلان اسباني .... لكن اسعارهم .. مقارنة بالاسعار اللي هناك تعتبر غالية ...
ودائما ... لا تياس ...
والسبب لان المعروض هناك ... كثير .. وبالهبل ..
التنقل بين الاسواق بالسيارة ... ومرات المشوار ياخذ من 10 دقايق الى ربع ساعة ...
وربما اكثر ...
لاتوجد مطاعم عربية في مدينة فوشان ... لذلك ... يُنصح دائما بتناول الافطار ...
وتاخذ معاك تصبيرة ... عشان تسكت الجوع ... لو احتجت الى ذلك ...
هذا اللي في بالي عن مدينة فوشان ...
واذا عندكم اي سؤال ... فتفضلوا ..
وساحاول الاجابة قدر ماستطعت ...
تسلم اسير الدوحة على التوضيح الحلو
تصدق من زمان وانه خاطري اروح اشوف الصين بس متردد وما لقيت حد يخاويني
وبأذن الله بروح لها قريب
حبيت اسأل بالنسبة للتعامل مع البائعين في المحلات !
كيف طريقة التفاهم معاهم سهلة ولا فيها شربكة وجمبكه ؟<<< يعني تتلعوز معاهم ولا
اللهم لك الحمد كما ينبغي لجلال وجهك وعظيم سلطانك
ضوابط المشاركة
رد مع اقتباس
