تقرير رحلة بانكوك موضوع منفصل

[خشوف]

اليوم الثاني قمنا الساع 9 وقلنا بنروح اسواق الباتونام(Pratunam) قلنا للفندق يدخل لنا تاكسي ركبنا التاكسي اول ماركبنا يقول تبون اوديكم مصنع الذهب مصنع الجلود سفاري يرفعون الضغط غصب تروح ، قال بوصلكم 20 بات المجمع بس بوديكم مصنع الذهب مجانا بيموتون عشان النسبه الي يعطونهم المهم قلنا له خلاص ودنا لانه اصلن بخاطري اشتري طقم وشغابات زياده لخواتي بعد المصنع رحنا اسواق الباتونام(Pratunam)

ماصورت بس هاذي معلومات عن السوق








شرينا من عندهم ملابس وشناط ومكياج وكريمات روعه السوق


بعدها ردينا الفندق

عدال فندقنا بالضبط بقالة سفن ايلفن طبعا كل شي مكتوب عليه حلال





شرينا جبن وروتي وعصاير وكرت تعبئه نسيت اقولكم انه شرينا كرت اتصالات 80بات والاتصال الداخلي مجانا عندهم

وصلنا غرفنتا وارتحنا وعقب طلبنا غدا لانه ماتفطرنا من مطعم اسمه مطعم اليمن للمندي

طلبنا مندي دجاج ولحم روعه




وقعدنا نرتب وحده من الشناط عشان نشحنها انترست حدها بس مازادت عن 36كيلو الله يسامح الخطوط القطريه الكيلو الزياده ب70ريال المهم كلمنا مكتب الشحن قال انه مصكر واليوم الثاني بيفتح وانتفنا معه انه يجي الفندق الصبح ياخذ الشنطه وسألنه عن الكيلو ب 7ونص بس مايقبل الوزن اقل من 45 كيلو قال له زوجي مب مشكله بنعطيك شحن 45كيلو ، المهم طلع الشحن ب350او اكثر والتخليص الجمركي حقهم ب500 وقطر خذت علينا بعد 200 تخليص جمركي المكتب بشارع العرب سوي 3 مديرهم ماليزي مسلم يتكلم عربي لانه الاخ كان عايش بالسعوديه


عقبها رقدنا

[خشوف]

اليوم الي بعده نشينا من الرقاد الساع 9 تفطرنا بالغرفه شاي حليب + سندويش جبن واتصلنا للمكتب الشحن قلنا له تعال خذ الشنطه ، خذ الشنطه وقال تعالوا المحل خذوا الوصل وادفعوا ركبنا تاكسي ووصلنا هناك عقب ما وصلنا طلب الجواز وكنا حاطينه بالفندق ردينا الفندق مشي وردينه المحل بعد بتكسي

وخلصنا سالفة الشحن وقال لنا تعالو الساع 5 استلموا رقم الطرد وهذي صورة المحلات الي بنفس شارع المحل حق الشحن


















بعد ماخلصنا قلنا بنروح السوق الصيني ركبنا تاكسي قلنا نبغي نروح السوق الصيني قال غصب تروحون مصنع المجوهرات او الجلود زوجي عصب نزل من التاكسي

ركبنا تاكسي ثاني قلنا له نبي نروح السوق الصيني طلع حرامي الاخ يكلم بالتلفون الا خالفوه جاء الشرطي سوى نفسه يطلع فلوس ويفر راسه ورى يقولولي عطيني فلوس ماعندي طنشته و طبعا زوجي كان مشغول يكلم تلفون دفع التكسي من عنده لانه كان خايف من الشرطة المهم لما وصلنا السوق نزلنا من بعيد ويقول ادفعوا مبلغ المخالفه عصب عليه زوجي وعطاه بس المبلغ الي اتفقنا عليه من البدايه

صور من السوق الصيني










عندهم الاكسسورات والساعات والشناط والادوات المدرسيه والنعل رووووووووووعه







بعد السوق الصيني رحنا مجمع طوكيو و ام بي كي




تمشينا وتسوقنا وتعشينا

من مطعم مسلم اكله حلال












الحمام الله يعزكم عندهم بفلوس



في هالمجمع ضاع مني اهم كيس الله كريم


بعد المجمع ردينا شارع العرب وشرينا نعل شبابيه وخذنا وصل الشنطه وشرينا لعبه بصورها لكم بعدين


ردينا الفندق وجهزنا اغراضنا الشناط ورقدنا الساع 2

[خشوف]

نشينا الساع 4ونص وجهزنا اغراضنا وصلينا طلعنا من الفندق لما وصلنا المطار الجو كان مطر وروعه


وصلنا الكونتر للقطريه قالوا لنا نزلوا من الشنطة 10 كيلو لازم الشنطه ماتتعدى 32كيلو وعطونا بس36كيلو عشان العمال مايقدرون يشيلون الشناط قالو لنا اشتروا شنطه اوكيس دلونا على محل المهم شرا زوجي كيسه وقدام الناس فتحنا الشنطة ونزلنا وخففنا وزن الشنطه عقب خلصنا من القطريه رحنا نتفطر شاي وكراسون عقب تمينا بالانتظار ساعه


طيارتنا من بعيد



هذا الممر الي يودينا الطياره


الطياره الحمدلله واسعه وجديده







من شباك الطائرة


الطياره تمشي بالمدرج



هنا خلاص بنطير



وهنا لما طرنا مع السلامه تايلند








يتبع

[خشوف]

هذا فطورهم


خريطة



وهنا دخلنا من جنوب قطر



هذي طيارتنا عقب ماوصلنا

[عاشق النيسان]

يعطيك العافيه على الصور الرائعه

[الزيبق]

والله يا خشوف انك كفيتي ووفيتي والله يسعدك ويبارك لك في حياتك الزوجيه ومني نصيحه اخو اكبير بالنسبه لزوجك كوني انتي وياه على الزمن لا تكونين انتي والزمن عليه والله يرزقك بالذريه الصالحه واهتمي به وبكل شي في حياته مثل ما اهتمتي بادق التفاصيل في شهر العسل والله ايوفقك انشالله

[بوخالد911]

يسلموو

لا هنت للتقرير الجميل

والله يسعدكم

[simsim1963]

بصراحه تقرير جميل بارك الله فيك

[شويهينــه]

الحمدلله عالسلامه

اختي خشوف عيشتينا الجو معاكم

الله يبارك لكم ان شاء الله وتتهنون في حياتكم الزوجيه

[مـــحـــمــد]

الله يعطيج العافيه خشوف

على التقرير الحلو والمفصل عن تايلند

الحمد لله على سلامتكم

بس نبي نعرف وشو الكيس الي ضاع منج في المجمع ؟؟؟