بخصوص محل حميد تريم شسالفته ؟؟

[الوفـى طبعي]

السلام عليكم ورحمة الله وبركاته

ياجماعه الي يعرف محل حميد تريم الي صوب العسيري شسالفته يبيع العطور اصليه ولا تقليد

لان عطر كريد عنده بـ 390 ريال وفي بارس غاليري بـ 628 الفرق كبير وواضح

معنى العطر الي في تريم نفس الي في بارس غاليري حكم بالظبط مادري شسالفه!!؟

[فلفل حار]

قالوا لي الربع من قبل ...

واستغربــت من فرق الاسعــار ...!




وانا معاكـ في الســؤال ...

[قطراوي للأبد]

ما شاء الله فلفول مراقب كل المواضيع .. مادش موضوع إلا انت قبلي p=

[طموحي عالي]

اي والله ترى كل شي

والريحه نفس الريحه واتم بالملابس >>> شنو القص مادري

انا في ناس قالوا لي بسوق واقف نفس عطورات باريس غاليري بس الفرق مو وايد حده 100 او 150 ريال

[يغار الحلى]

انا سمعت انها اصلية وياخذونها من الوكيل بس فرق ف السعر بينهم وبين باريس غاليري بس مادري اذا صج ولا ..

[فلفل حار]

ما شاء الله فلفول مراقب كل المواضيع .. مادش موضوع إلا انت قبلي p=

شكلكـ بتصكنــا عيــن بترقدنــا في القبـــر ... ههههه

انطر ردي في موضوع الكورفيتــ ...

[لولوتي]

انا ما صرت اشتري عطورات وبعض انواع البخور الا من عنده
طبعاً عقب ما حسيت بالفرق الكبير بين اسعاره واسعار المحلات الثانية

وموجود عنده كل شي، وبنفس جودة المحلات الثانيه

لكن شنهو السر ودي بعد أعرف

قولولي اوكي

[Locale]

حتى في مكياجهم كم مره شفت ممكيجات ف الصالون ياخذون من هناك
وكله يقولون احنا ناخذ المكياج من لبنان

[سويسرا]

السبب في الاجار بس

ونص المحلات الكبيره تاخذ منه وتبيعه غالي لان اجار محلاتهم غاليه مثل السلام وغيره

هذا اللي اعرفه

[جنوب الدوحه]

اغلب السلع الي في المحلات التجاريه تكون اغلى من المحلات الخارجيه لأن الاجار يفرق ولازم يغطي فــ يرفع من سعر المنتج ..

لكن لازم نتاكد من جودة المنتج


تقبلوا مروري