$$$$ صادني موقف في مركز الريان الصحي $$$

[$$$$$$]

السلام عليكم ورحمة الله وبركاته


حبيت ارويلكم حكايتي مع مركز الريان الصحي , اليوم رحت عندهم الساعه 3:30 العصر الله يكفيكم الشر فيني احتقان وكحه , لما وصلت المستشفى لقيته زحمه استغربت , وسالت احد المراجعين , عن سبب هالزحمه , قالي مثل ماتعرف للحين ماوصلوا الوظفين الاستقبال ولا الممرضين ولا الدكاتره , المهم جلست لين الساعه 4 ولا بطلوا الاستقبال الا الساعه 4 : 10 , ولما افتحوا الاستقبال الموظفات الله يعطيهم العافيه اسلوبهم قاسي وناشف مع المراجعين , ماعلينا اخذت رقم وتوجهت للدكتور , حصلت قدامي شايب مع ولده داشين عند دكتور قاله الشايب بس الولد عنده زكام , رد الدكتور وقاله للحين ما اعرف الرقم الي يدش عندي , قال الشايب للحين مافي حد وصل من المراجعين وانت فاضي ساعدني خلني اخلص بسرعه , وانا واقف قلت حق الدكتور اذا انت فاضي خلصه مافي زحمه للحين بقصد اني اساعد الشايب , رد علي الدكتور وقالي انت ماتعلمني شغلي , رديت عليه قلت انا ماعلمك شغلك , لاكن هذا شايب كبير في السن يعني له الاولويه , رد وقالي للحين ماوضحولي اي لون من الكروت عشان اخلص المراجعين , (تعرفون كل دكتور له لون ) , ورد بكل استهزاء وقال انتظروا برى لين يبين اي لون كرتي عشان استقبل المراجعين ,

يعني قهر اذا دكتور المفروض يكون قدوه للغير , ويكون اهتمامه للمراجعين كبير , مش مثل رد الدكتور هذا .

ياليت اذا في حد يعرف قسم الشكاوي التابع لمستشفى حمد العام لتقديم شكوى ولتبين مستوى دكاترتهم.

اسمحولي على الاطاله لاكن من القهر الي فيني , وكيف طريقة التعامل من قبل هذا الدكتور
للمراجعين .
انا كلمت بداله مستشفى حمد العام وقالولي باجر الصبح اتصل فينا وبيحولونك على الجهه المختصه

[م. عبدالعزيز]

اول شي سلامتك وماتشوف شر ...

ثاني شي بالنسبة لمركز الريان،، اي واحد اللي ورا الحديقه ؟؟ اذا هو ترا هالمركز يحتاج تغيير 180 درجه في كل شي فيه

[بنت سيف]

السلام عليكم ..

الموضوع تراه مب هين ..

بصرف النظر عن قوانين المركز الصحي .. من ألوان كروت .. وغيره ..

المفروض الدكتور يكون فيه انسانية وآدمية ..
يعني مب غلطة الرجل الكبير إن المركز ما يفتح على الوقت ..
وما يصير يخلون الناس تنطر ..
المفروض .. الدكتور يحترم السن ..
والكبار في السن يبغي لهم مراعاة في التعامل الأخلاقي ..


الله المستعان ..

بنت سيف

[$$$$$$]

اول شي سلامتك وماتشوف شر ...

ثاني شي بالنسبة لمركز الريان،، اي واحد اللي ورا الحديقه ؟؟ اذا هو ترا هالمركز يحتاج تغيير 180 درجه في كل شي فيه

الله يسلمك يالغالي وماتقصر , هلا فيك اخوي الغالي بخصوص لمركز الريان الي قريب من دوار الفروسيه

[$$$$$$]

مشكوره بيت سيف على ردج وانا معاج ومؤيد لكلامج

[hemoud123]

اجر وعافيه يا خوي
مركز الريان الصحي فيه مشكله بالنسبه للاطباء اللي فيه , كل الناس ت
شتكي من سوء معاملتهم ونفوسهم الشينه, والسبب احد اثنين لا ثالث لهما :
اما ان رواتبهم يشوفونها ضعيفه وحقهم مهضوم
او انهم يشوفون انفسهم اكبر من انهم يعملون في هذه المراكز يعني الواحد منهم يحس ان مكانه الطبيعي في ويلنغتون هوسبيتال او في كليفلاند اوهايوهوسبيتال , مع انه ناجح بالعافيه وشهادته الله اعلم من وين

[الهـواوي]

يريت وزير الصحه

والله اي واحد تجي معه شكوه وسوء تعامل تفنيش

وترى صار لي موقف مع واحد قطري كان رايح المركز الصحي في شعبية خليفه وكان معه العجره
يبي يضرب فيها دكتور يوم نشدت رجل الأمن قالي انه الدكتور طول السانه على امه وامه كبيره في السن بس يقول انه حلو المشكله لان الدكتوره استوى مثل الفار وخذ له كمن كف على كلام رجل الامن القطري

[الألماسي]

وشـو اللـي يمنع وزيـر الصحه انه ياخذ جوله مفاجئه للمستشفيات و المراكز الصحيـّه . .!

كلش . . كلش مشغول . .!!

يسوي له لجنه خاصه تتابع سير العمليه الصحيّه تتبع مكتبه و يجتمع معاهم مره بالشهر . . حتى مو اسبوعياً . .!!

أجر و عافيه أخوي و ما تشـوف شـر

[تفوق الوصف]

يريت وزير الصحه

والله اي واحد تجي معه شكوه وسوء تعامل تفنيش

وترى صار لي موقف مع واحد قطري كان رايح المركز الصحي في شعبية خليفه وكان معه العجره
يبي يضرب فيها دكتور يوم نشدت رجل الأمن قالي انه الدكتور طول السانه على امه وامه كبيره في السن بس يقول انه حلو المشكله لان الدكتوره استوى مثل الفار وخذ له كمن كف على كلام رجل الامن القطري

وين عايش هذا يضرب دكتور ؟!


في غابه احنا ..

الدوله ما فيها قانون ؟

[ودي أكون]

اجر وعافيه اخوي ..

والله حالتنا حاله مع الدكاتره اللي مالهم نفس ع اي شي ..

وتسلم ع نقلك للقهر مع الرموز