بغيت أركب حجر للبيت

[koko33]

بغينا تجارب اللي ركبوا حجر طبيعي ولا صناعي للبيت
بغيت اعرف احسن الانواع والاسعار وسعر التركيب وشي مميزات الحجر وهل هو أحسن من البلاستر
الله يعطيكم العافيه وما تقصرون

[malhamad]

في انتظار اهل الخيره في هذا الموضوع المهم جدا لشريحه كبيره للتشطيب
شكرا للجميع وين ابوحارب

[koko33]

الله يعطيك العافيه وأن شاء الله يفيدوننا أهل الخبرة في هذا المجال

[Chambray]

مميزات الحجر كثيرة اخوي وطبعاً افضل من البلاستر
عازل حراري
مايتحاج صبغ
ويعمر معك

وانا افضل الانواع بالنسبه لي الفلسطيني
خصوصاً حجر جماعين وحجر عصره وحجر بيرزيت

[شموخ دائم]

,

,


مرحبا اخوي

اكثر انواع الحجر استخدام في قطر

هو الحجر الاردني والحجر السعودي

ويجي منه انواع ودرجات واسعار متنوعه

في حجر اردني اسمه ( معان ) هو غالي كثير وقليل استخدامه

والاكثر انتشار هو الاردني ( طبزه )

في يجي منه انواع ساده وسطحه املس وفي يجي منه خشن يسمونه ( مسمسم )

واللوانه ودرجاته الاحمر الخفيف وفي منه البيج بدرجات وهو حجر طبيعي

ممتاز للمنازل والفلل

بتلاقي الفلل الي على طريق الجامعه كلها معموله من هذا النوع

طريقه التركيب تختلف من بيت الى بيت وهذي الطريقه الاكثر انتشار

http://www3.0zz0.com/2009/04/19/03/928340309.jpg


حجر ناعم
مقاس الحجر يجي 12 وينعمل لها تشطيف على الطرف فوق وتحت ولما نركب صف جديد يصير فواصل بينهم

http://www3.0zz0.com/2009/04/19/03/902098099.jpg

حجر خشن

وحول الشبابيك يسمونه ( شعاير ) ويجي ديزاينات مختلفه وسعرها اغلا من الحجر العادي

عموما سعر الحجر مع التركيب من 120 ريال الى 180 ريال

على حسب الشركه واسمها وجوده عمالها

والخيار لك وهناك الحجر الصناعي ارخص

الحجر مع التركيب يمكن تلاقيه من 80 ريال الى 120 ريال

والاحسن تركب الحجر بدون ما تعمل بلاستر على الطابوق على طول

والله يوفقكم يارب

,

,


اخوكم


شموخ دائم

[malhamad]

الف شكر على الردود الوافيه والى الامام ياشموخ دائم وmoyen orient

[أسد الجزيرة]

شموخ دائم شكراً لك على المعلومات

[koko33]

الله يجزاكم خير وما قصرتوا على الردود الطيبه

[المزن الرياني]

جزاك الله خير ياشموخ دائم على شرحك


للرفع لزياده الفائده

[مالك أمل]

انتبه من الحجر الصناعي