اللي عنده 300 الف ريال كاش-- وشلون يقدر يستثمرها

[ذيب زكريت]

السلام عليكم ورحمة الله وبركاته

بغيت مشوره منكم عن اشلون نقدر نستثمر مبلغ 300 الف ريال في مشروع مثمر

وله عوايد وايش نوع التجاره اللي ممكن تمشي في قطر بدون تعب وعوار راس

او ممكن شريك في اي مشروع وراس ماله قليل ونقدر نستفيد منه .

[ذيب زكريت]

كل اللي دخلوا وقروا الموضوع ما عندهم اي مشروع او اي اقتراح

[وارث العز]

انشاء الله اهل الخبرة يفيدونك والله يوفقك

[ذيب زكريت]

انا من دريت انك معلق وراد علي يا وارث العز من اسمك استانست حسبتك جايب لي فكره استثمار

واورث العز مثلك من التجارة او غيرها

[بوحمد1]

اذا كانت هذه الاموال دار عليها الحول طلع زكاتها وابشر بالخير من كل مكان وبتطرأ عليك الاستثمارت الطيبة وبالتوفيق ومبروك عليك الشهر الفضيل

[شموخ دائم]

,

,


مرحبا اخوي

الله يزيدك يارب ويبارك لك فيها

بالنسبه لي ما علقت على الموضوع لانك كتبت

بدون تعب وعوار راس

صعب تلاقي مشروع مافيه تعب او عوار راس الان

اذا فيزه الهندي الان لازم تقوم من صبح وتقابل اللجنه



موفق يارب

,

,


اخوك


شموخ دائم

[جنوب الدوحه]

مافي شي من غير تعب ولا عوار راس ..

لازم تسعى وتبحث ودور وتفكر .. واسال الله يعطيك .. والله ما يخيب ظنك صدقني

الله يوفقك ويوسع عليك ..

[رجل تعليم]

الله يوفقك اخي الكريم .... ما عندي فكرة صراحة

بس لو عندك صديق مثلا خارج قطر في بلد سائر في طريق النمو وتثق فيه ممكن يكون الإستثمار بالخارج أفضل


وبالتوفيق يا رب

[الفنان جراح]

الله يوفقك يارب..
سو لك مشروع خيري يهل عليك بالفوايد في الجنه ان شاء الله..

[ذيب زكريت]

اذا كانت هذه الاموال دار عليها الحول طلع زكاتها وابشر بالخير من كل مكان وبتطرأ عليك الاستثمارت الطيبة وبالتوفيق ومبروك عليك الشهر الفضيل

الحمد لله رب العالمين على النعمه اللي احنا فيها

من هالناحية لا تحاتي الوالد ما يقصر بس نسأل الله القبول و الله يبارك فيك على التذكير