2) اوانك تبي تعيد جدولة مديونيتك بحيث يقل القسط الشهري عليك..المشاركة الأصلية كتبت بواسطة عابر سبيل
و تفضل ان يتم ذلك بواسطة بنك اسلامي؟
هاذي مشكلتي اني قسطي مرتفع في بنك ربوي وابي بنك اسلامي يشتري مديونيتي ويقلل علي القسط؟
|
2) اوانك تبي تعيد جدولة مديونيتك بحيث يقل القسط الشهري عليك..
و تفضل ان يتم ذلك بواسطة بنك اسلامي؟
هاذي مشكلتي اني قسطي مرتفع في بنك ربوي وابي بنك اسلامي يشتري مديونيتي ويقلل علي القسط؟
سبحان الله العظيم سبحان الله وبحمده
الله ايعينك على مديونيتك و ايسهلها عليك اخوي
شوف....هاي اسمها العادي (اعادة جدولة) للمديونية..
يعني انك الشي الاهم عندك تحقيقه هو تخفيض قيمة
القسط الشهري...لمواجهة ربما اعباء مالية جديدة في حياتك!
و باكلمك من هالمبدأ سواء رحت لبنك اسلامي ولا عادي.
اعيد لك ما قلته ان هالعملية فيها زيادة تكلفة عليك و بيزيد مبلغ مديونيتك
الاجمالي عن طريق زيادة ارباح/فوايد البنك اللي بتنقل له مديونيتك!
في هالحالة...الحل لكي تقل عليك اقساطك هو بان تكون المدة طويلة اكثر
من مدة قرضك الحالي.
خلنا انقول ان مديونيتك 500 الف و باراباح(فوايد) 25 الف ريال سنويا
يعني على 8 سنوات المفروض ان مديونتك الحالية هي
700 الف ريال بقسط شوي فوق ال 7 الاف ريال!
و خلنا انقول انك مسدد بحدود ال 200 الف ريال و باقي لك
500 الف ريال.
يعني البنك الثاني لو بيراعيك و بياخذ عليك 20 الف سنويا كارباح..
فيعني عشان ايقل القسط الى حدود ال 5 الاف ريال..
لازم اتكون المدة الجديدة حوالي 12 سنه.
و بالتالي بتكون حسبة المديونية الجديده بحدود 500 الف + 240 الف ريال
ارباح بنكية.
الحسبة النهائية تطلع عليك اخوي هالشكل:
500 الف القرض اوالمديونية الاصلية.
د فعت للبنك الاولي 200 الف
و بتدفع للبنك الثالي 240 الف اضافية ( مثال طبعا)
بتطلع في الاخير دافع لك 940الف ريال..
و المدة الكلية انت تحسبها!
هاي كلها ارقام افتراضية عشان تحسبها صح و تشوف
المسألة من ناحية مالية تسوى عليك و لا لا!.
اما انتقالك لبنك اسلامي فهو مسألة حتمية بارك الله فيك
عشان تطلع من اي شبهه.
بس حقيقة انك تنتقل و تنقل معك اعادة جدولة لدينك الثقيل الحالي
اخاف تستكره في الاخير اسم اي بنك اسلامي..
يعني..مو معناته انه اسلامي فما راح ياخذ عليك ارباح و و و...
هاي اللي ابي انبهك عليه.
اما عن طرق البنوك الاسلامية في توفير الحل..فهنالك طرق متعدده
(و من سبقني وفاك في الشروح) و تقدر تسأل اي بنك مباشرة وبيفيدونك.
بس نصيحة اخوي...لو تقدر باي وسيلة ما تعيد جدولة اي دين احسن لك.
و في نفس الوقت انك تروح لبنك اسلامي هو ابرك لك!
اتمنى اني وضحت لك جوانب تفيدك..بس في الاخير اخوي/مضارب حريص
القرار بيدك.
(الارقام كلها افتراضية من عندي..يمكن تطلع اكثر او اقل..
بس المهم تنتبه لطريقة الحسبه
عشان تقدر تتخذ قرارك النهائي).
و بالتوفيق..اتمنى اني قدرت اخدمك و لو بشي بسيط..
واسال الله ان يعينك على هذا الدين الذي اهمك..
هاي من طيب معدنك انك تتضايق من حمل هم الدين...
و استعين بالله في دعاؤك هو بيده كل الخير لنا و لك!.
همسة اخيرة:
لا يمكن تصحيح قرار خاطيء
بقرار خاطئ.. فقط ادفع ثمن قرارك الخاطئ
و تعلم منه للمستقبل!.
تحية.
*
*
،،
عَنْ أَنَسٍ ، أَنَّ نَبِيَّ اللَّهِ صَلَّى اللَّهُ عَلَيْهِ وَسَلَّمَ قَالَ :
" لَا عَدْوَى ، وَلَا طِيَرَةَ ، وَيُعْجِبُنِي الْفَأْلُ ،الْكَلِمَةُ الْحَسَنَةُ، الْكَلِمَةُ الطَّيِّبَةُ "
اذا خربانه خلاص على الاقل اروح بنك اسلامي ويكون راتبي حلال على الاقل ولا اشرايكم؟
سبحان الله العظيم سبحان الله وبحمده
همسة اخيرة:
لا يمكن تصحيح قرار خاطيء
بقرار خاطئ.. فقط ادفع ثمن قرارك الخاطئ
و تعلم منه للمستقبل!.
تحية.[/color][/right][/QUOTE]
كلامك من ذهب
والله يفك راعي الموضوع من الديون
الشيخ نصيحتي لك حاول تتم على نفس البنك قد ما تقدر طلعتك من البنك راح يزيد مديونيتك
انت انووي انك تطلع من البنك الربوي بس نيه صادقه وبدون ما تاخذ سلفيات ثانيه او فيزا او غيره
وربك بيسهل عليك ان شاء الله
وهالي سويته نويت اني اطلع من البنك بس أخلص مديونيتي ومن يومها ما خذيت منهم ريال
والحمدلله الفرق واضح
والله يسهل عليك وعلينا
ان صمتي لا يعني جهلي بما يدور حولي ..
ولكن ما يدور حولي لا يستحق الكلام...
مشكور اخوي amigo عالتوقيع
ليش ما فيه جهة تساعد المواطنوون بشراء المديونية في البنوك التجارية وتحويل راتب المواطن الى بنك اسلامي وتقسيط المبلغ وبدون فائدة
ترى لو زكاة الشركات والبنوك تجمع ويعمل في هذا الاقتراح كان انحلت مشكلة المديونيات لدى المواطن
انا مع اخوى الخور فى اقتراحة
وثانى شيى البنوك الاسلامية تشترى القروض الربوية عادى ما في اي شيى بس بشرط يكون القسط ما يتعدا نص راتب مثال :- يعنى اذا راتبك 10000 ريال يجب ان يكون القسط 5000 ريال ما يتعدا نصف راتبك وهذا قرار من المصرف المركزى بس ممكن انه يزيد فى حال اذا ما عندكم اى التزامات ثانية على راتبك كخصم شيكات او غيرة .
انا على الوطني ورحت للبنك الاسلامي وطلبت شراء المديونيه وعلى شان التحايل قالوا لي بنسجل باسمك اسهم وبن بيعهم لك وانت تروح تسدد وتحول راتبك لنا طبعآ طلبوا مني رهن عقاروللاسف ماعندي عقار حر
طبعآ زاد القسط وزاد المبلغ بس حلال ياليت عندي عقار لنه حتى لو زاد راح يكون مرة واحدة مش مثل الوطني اللي ماينزل من القرض شي
تصدقون القرض في 11-2006 والقسط 9400 واليوم مانقص من القرض غير اقل من عشرة الاف اقسم بالله
جرب بنك الدوحة الاسلامي .. وان شا الله تتوفق
اللهم لا تدع لي ذنبا الا غفرته ولا هما الا فرجته
This is my choice
*
*
،،
عَنْ أَنَسٍ ، أَنَّ نَبِيَّ اللَّهِ صَلَّى اللَّهُ عَلَيْهِ وَسَلَّمَ قَالَ :
" لَا عَدْوَى ، وَلَا طِيَرَةَ ، وَيُعْجِبُنِي الْفَأْلُ ،الْكَلِمَةُ الْحَسَنَةُ، الْكَلِمَةُ الطَّيِّبَةُ "
نصيحتي اخوي انقل بنك اسلامي ، البنك الاسلامي على الاقل مايقدر يرفع سعر الفائدة فالارباح اللي بيحطونها على القرض راح تكون ثابتة .
والله يوفقك ويسهل امورك
ضوابط المشاركة
رد مع اقتباس
