*** إجازتي هالصيف غييير ( استراليا/سويسرا/ألمانيا/لندن) ***

[RJ83]

هلا والله ...


شخباركم .. إن شاء الله كانت إجازتكم الصيفيه حلوه
تدرون عاد زين اني ما كنسلت سفرتي عشان الانفلونزا لان البلدان اللي رحتهم ما كان في اي اثر للمرض الحمدلله رحنا ورجعنا سالمين..

المهم..
الوجهه : برسبن في استراليا/ انترلاكن في سويسرا/ روست في المانيا/ زيورخ في سويسرا/لندن)
التاريخ :6 /7/2009-4/8/2009 )
انتظروا التقرير المفصل .. اتمنى يعجبكم..

ومبارك عليكم الشهر

[moon-99]

[بوخالد911]

اووكي

اهم شي استراليا

وحيااك شووف تقريري بتوقيعي

[بوعلي2]

بالانتظاااااااااااااااااااار

[شويهينــه]

وين التقرير انا داشه بسرعه بلحق على الصور

[فـــــواز]

انترلاكن في سويسرا/ روست في المانيا/ زيورخ في سويسرا

صراحه عرفت تختار خاصه انترلكن جنه ربي في الارض

في انتظار تقريرك يالغالي

[أم البنات]

ننتظر التفاصيل مع أن كل منطقه ذكرتها بجهه

بس شدخل أستراليا لأوروبا وشلون رحت لندن

[RJ83]

هلا ..

بسم الله نبدأ..
مسار الرحلة الكامل كالتالي:
أولاً: (( برسبن .. استراليا من 5-9 /7/2009 ))

1- ((برسبن في استراليا)) الذهاب: عن طريق الخطوط القطريه 6 ساعات مع ترانزيت في سنغافوره 6 ساعات ثانيه والتبديل للخطوط السنغافوريه الى برسبن بعد 6 ساعات -
العوده : كانت عن طريق الخطوط الاماراتية 15 ساعه الى دبي مع ترانزيت 3ساعات .. لقاء الاصدقاء والاكمال الى مطار زيورخ في سويسرا 6 ساعات .. وبعدين اجرنا سياره وتقريبا 3 ساعات الى انترلاكن .. طبعا انا هلكت ذاك اليوم ..



ترى سفرة برسبن في استراليا ما كانت موجوده في خطتي .. لانها في الاساس سفرة بزنس 5 أيام بس وما صورت فيها غير الحيتان في رحلة عالمحيط طبعا.. وهي الصور الوحيده اللي كانت خارج نطاق البزنس..
بس بشكل عام برسبن منطقة سياحية جدا.. وجوها رائع في شهر 7 ولو انه موسم شتاء عندهم ولكن مب شتاء قارس نفس مناطق استراليا الثانيه..

منظر الحيتان كان شي فوق الخيال .. بحط لكم الصور والموقع المنظم لرحلات مشاهدة الحيتان اللي رحنا عن طريقه الرحله..

من دريشة الفندق.. فندق جراند جانسلور.. 4 نجوم..



وهذي صور رحلة مشاهدة الحيتان..

الحين بنروح نركب البوت اللي تشوفونه وهو من نوع خاص لمشاهدة الحيتان..


جان يطق المطر.. الرحلة لين منطقة تجمع الحيتان استغرقت حوالي نص ساعه .. وطبعا هذا بالسرعه القصوى للزورق.. وبصراحة طار فينا عالمحيط حسيت نفسي في سباق الزوارق السريعه وهو يناقز ويرتد .. بس عجييييييييييييييييب


هذا الزورق من داخل.. طبعا مثل ما تشوفون في طاولات طعام لان الرحله من ضمنها الغدا..وعلى فكره ترى عطونا قبل ما نحرك حبه عن دوار المحيط.. اكيد سمعتوا عن دوار البحر اللي تقدر تتحمله.. بس الدوخه اللي على المحيط مضمونه .. على ضمانتي، انا خذت الحبه وحسيت شوي بدوخه مع اني خذتها وانا مكابر ما كنت ابي اخذها.. يفضل اخذها على العموم وسعرها ب1 دولار استرالي...


وهذا ظهر أحد الحيتان الصغيره..


وهذيلا حوتين يسلمون عليكم


وهذا جاي يسلم من قريب


وهذا غيرهم بعد.. على فكره الصور ما تعبر عن سحر الواقع.. لانه شي نفس الخيال وفي صور كثيره ما قدرت اخطفها لان اللقطة تصير بسرعه والحيتان يفاجئونك كل مره تحصل حركه وكل مره يطلع من صوب.. يعني اتشوف بس ما تلحق تصور ..


وهذا توه مسوي حركه جمبازيه ونزل .. واضح في الصوره ارتداد الماي بعد هبوط الحوت القوي.. ما لحقت اصوره وهو ناط برع بكامل جسمه تقريبا.. لكن تقدرون اتشوفون بالضبط اللي اقصده من الموقع اللي بضيفه تحت بعد هذي الصور..


هذا صورته من داخل من مكاني.. لاني مت من البرد برع كان هوا ومطر..حتى اني مرضت ثاني يوم


هذا لما رجعنا..


مثل ما قلت لكم هذي الصور الوحيده في برسبن/استراليا اللي كانت خارج نطاق البزنس.. بس المنطقة في واييييد اشياء وامكان رائعه بحط لكم موقع المنطقة السياحي..

هذا رابط موقع الشركة اللي تسوي رحلات مشاهدة الحيتان.. وعلى فكره الرحلة شاملة اتوصيل من باب الفندق ذهابا وعوده..
أضغـــــــــــــــط

وهذا رابط الدليل السباحي للمنطقة ..
أضغـــــــــــــط

كملت ..

انتظروا ثانياً.. انترلاكن في سويسرا اااااااااه يا انترلاكن.. انصح الجميييييييييييع بصراحه للذهاب طبعا في الصيف .. سبحاااااان الله جنة في الارض...

[RJ83]

ننتظر التفاصيل مع أن كل منطقه ذكرتها بجهه

بس شدخل أستراليا لأوروبا وشلون رحت لندن

استراليا كانت بزنس يعني لازم اروحها..ومن هناك على طول رحت سويسرا بالخطوط الاماراتيه طبعا ترانزيت في دبي .. اما لندن رحتها عن طريق الخطوط البريطانيه من زيورخ

[sood mhamed]

انا رحت برسبن وقولد كوست