*** إجازتي هالصيف غييير ( استراليا/سويسرا/ألمانيا/لندن) ***

[وطن]

الحمدلله ع السلامة اخوي
شكلها الرحلة ممتعة

تسجيل حضور ومتابعه

[RJ83]

هلا والله بوطن

[RJ83]

ثانياً: سويسرا : تحديدا في انترلاكن من 10-18/7/2009

منطقة رائعه وجميله ..لا الكلام ولا الصور تقدر توصف جمالها .. سبحان الله

اليوم الأول ,,,,,

طبعا وصلنا مطار زيورخ ومن هناك أجرنا سيارة .. وركبت النفيقيشن وحركنا الى انترلاكن..

وهذي صور من طريقنا الى هناك..






وهني وقفنا في استراحه قبل ما نكمل طريقنا خذنا كوفي وبسكوت


شوفوا الطبيعه والخضار اااااااااااه يا سويسرا.




شتذكركم هالبيوت؟؟..اتذكر لما علمونا في المدرسه نرسم بيت وكنا نرسمهم هالشكل.. بس دايما كنت اتسائل وينهي هالبيوت..الحين عرفت وين..


ركزوا عالبيوت اللي عالجبل


الله عاللون التركوازي.. ترى لون البحيره هذا خيالي في الطبيعه..


ونتابع الطريق...


قريب نوصل..


وصلناااا.. تقريبا بعد 3 ساعات بعد ما خربطنا شوي علشان نحصل البيت..

وهذي صورة البيت اللي عاليمين..اجرناه ب1600فرانك تقريبا لمدة 9 أيام..


أما الطبيعه اللي حول البيت شوفوا الصور واحكموا.. وجنب البيت على طول ملعب كرة قدم حق الفريج..
بيتنا اشتقت له


المنظر من اسفل من البلكونه..


المنظر الى الامام من البلكونه..وهذا الجبل دايما يمرون عليه البفر يرعون.. شكهم فللللله.. واحنا نقعد نتشرب كوفي او اي شي نتفرج عليهم ..


هذي صوره بالعرض من البلكونه.. وعلى فكره غرفة نومي اطل على نفس المنظر ..


من دريشة المطبخ ...


هذا البيت كان وايد اوكي ومكانه في انترلاكن اوست.. عشر دقايق مشي عادي تكون في الشارع التجاري في بدايته مجمع تجاري فيه سوبر ماركت كبيييير اسمه ميجروس.. معروف في سويسرا والمانيا بعد..

طريقة التأجير عالانترنت من موقع www.interlalen.ch موقع السياحة الرسمي لانترلاكن.. والحلو ان الدفع كان عند الوصول، يعني ما دفعت شي عالانترنت لان صاحبة هذا البيت كان هذا نظامها.. وكل بيت تختلف طريقة تأجيره في الموقع على حسب صاحب البيت..

الموقع فيه وايد اشياء مفيدة للي يبي يروح..

اوكي خلني اكمل شوي... وبكرة ان شاء الله ببدأ في اليوم الثاني..
بما انه كان اول يو وهو يوم الوصول، فاحنا اكتفينا بالمناظر الخلابه اللي شفناها طول الطريق.. دخلنا الاغراض البيت شغناه وكملنا اجراءات الدفع مع صاحبته..وعقب طلعنا شوي عالشارع التجاري رحنا ميجروس السوبر ماركت تشرينا شوية اغراض.. وبعدها تعشينا ورجعنا..
المطاعم طبعا اذا هي غاليه في اي مكان في اوربا حطوا في بالكم ان سويسرا بشكل عام اغلى..


ثاني يوووووم...
جهزنا الريوج وقعدنا في البلكونه احلى ريوج يومي عالطبيعه الخضراء..الكوفي والتوست والجبن...الخ


خلااااص ستوب هيييييييييييير .. اذا عجبكم قولوا لي عشان اتشجع واكمل بسرعه

[سهم عتيج]

كمل جزاك الله خير.. ماشاء الله عليك.. شكلك من النوع المغامر مش من النوع اللي يسافر لندن ويقعدون يتمشون فقط في اجوارود وقعدة على القهاوي ومايشوفون الدنيا

ماشاء الله سويسرا يبغيلها روحة السنة الجاية ان شاء الله

بس سؤال.. أجار البيت 1600 فرانك في اليوم ولا لكل المدة اللي قعدتوا فيها؟؟ وكم يساوي الفرنك بالريال القطري؟؟

[RJ83]

كمل جزاك الله خير.. ماشاء الله عليك.. شكلك من النوع المغامر مش من النوع اللي يسافر لندن ويقعدون يتمشون فقط في اجوارود وقعدة على القهاوي ومايشوفون الدنيا

ماشاء الله سويسرا يبغيلها روحة السنة الجاية ان شاء الله

بس سؤال.. أجار البيت 1600 فرانك في اليوم ولا لكل المدة اللي قعدتوا فيها؟؟ وكم يساوي الفرنك بالريال القطري؟؟

هلا والله .. ترى صج جبتها انا من النوع المغامر ما احب التمشي والقعده من دون هدف
البيت 1600 فرانك المده كامله فيه غرفتين وصاله ممكن ترقد فيها بعد وحمام الله يعزك ومطبخ وبلكونه وطبعا السكن في الطابق العلوي، أما الطابق السفلي واللي هو معزول تماما عن الطابق السفلي تسكن فيه صاحبة البيت مع زوجها كبيره في العمر وتساعد اذا بغيت منها شي.. وترى فييه اسعار اغلى وفي ارخص.. بس هذا مكانه عجيب من كل النواحي، المنظر الخارجي.. قريب من الشارع التجاري.. وقريب على طلعة الطريق السريع .. اذا بغيت تزور بعض المدن القريبه من انترلاكن، وهذا اللي سويناه
بالنسبه لسعر الفرانك بالنسبة للريال... 1 فرانك= 3.2 ريال هي القيمه الثابته غالياً.. ممكن يزيد الى 3,4 او ينقص الى 3,1 ..

وان شاء الله بكمل تقرير انترلاكن اليوم..

[شبيــه الريح]

عجيب يبيلك اتاجر بورش على نفس العلامه اللي انت حاطها وروح ياسلام والله شي مارحت زيلامسي

[RJ83]

عجيب يبيلك اتاجر بورش على نفس العلامه اللي انت حاطها وروح ياسلام والله شي مارحت زيلامسي

كان خاطري اخذ سيارتي معاي وزيلامسي من المشاريع الجايه..

[عبدالرحمن]

متابعين لك يالشيخ واحلى شي تسونه انكم ماتخلون شي تحبون تستكشفون دايما بس سؤالي لك الشيخ تاجير السيارة والتعامل مع النفيغشن شلون سهل؟؟؟ لاني على كثر سفراتي لسويسرا والمانيا وفينا كله ناجر سياره مع سايق لانه في بالنا هذا افضل وهو دليلة بس صراحه انا خاطري من السنه الجايه اجر سيارة فحبيت تذكرلنا شلون التعامل مع النفيغشن هل هو سهل وايد؟؟؟؟ وكملنا باقي الرحله يالذيب وخصوصا لندن

[بوعلي2]

خوش صور يعطيك االعافيه والحمد الله على السلامه

[RJ83]

متابعين لك يالشيخ واحلى شي تسونه انكم ماتخلون شي تحبون تستكشفون دايما بس سؤالي لك الشيخ تاجير السيارة والتعامل مع النفيغشن شلون سهل؟؟؟ لاني على كثر سفراتي لسويسرا والمانيا وفينا كله ناجر سياره مع سايق لانه في بالنا هذا افضل وهو دليلة بس صراحه انا خاطري من السنه الجايه اجر سيارة فحبيت تذكرلنا شلون التعامل مع النفيغشن هل هو سهل وايد؟؟؟؟ وكملنا باقي الرحله يالذيب وخصوصا لندن

هلا اخوي.. ترى السواقة بالنفيجيشن وايد احسن تاخذ راحتك وتستكشف الاماكن واتسوق كأنك من أهل البلد.. الجهاز اللي عندي هو الجارمن تعلمت عليه من سنه وبسرعه لانه سهل وفيه كل شي.. غير الطريق يطلع لك الاماكن السياحيه واسماء المطاعم اللي هي وايد مفيده لان مرات تقدر تعرف اسماء المطاعم الحلال من اسمائها.. ومواقف السيارات المطارات محطات القطار واماكن السكن مثل الفنادق..يبين لك اماكن الزحمه ويعطيك الطرق البديله اذا غلطت او الطريق مسكر او شي..وغير انك تقدر تستخدمه وانت تمشي يعني انا دايما انزله معاي لما نوقف السياره في مكان وننزل مشي احطه على وضع المشي ونستكشف كل مكان يعني هو المرشد لنا حتى لو كنت راكب سيكل.. انا جربته اول مره في الصيف اللي طاف لما رحت فرنسا من عقبها ما صرت استغنى عنه في اي سفره..والسنه هذي ساعدني اكثر بعد لاني قعدت شهر برع البلاد
نصيحتي خذ لك واحد وجربه قبل مده من سفرك علشان يصير استخدامه مألوف عليك ولين ما يجي وقت السفر لاتحاتي..