(( نصيحه )) البنك البريطاني الاسلامي

[THE END]

يا جماعة الخير صلوا على النبي اذا البنك خسران ليش يفتح فروع واذا خسران ليش الاسهم بالملايين يشترونها ولا بالاسترليني واللي يتابع البورصه الحين يشوف يوميا عمليه الشراء غير طبيعيه


واذا 5000 ما تعورك خلها وانساها مب غلط يعني بورصة الدوحه اللي احنا فاهمين شي غير الاشاعات اللي ما تنفع ...........................

هذا رايي ولكم القرار

[cappuccino]

انا الصراحه شاك في هذي الاسهم بس ناطر خلهم يفتحون فرع في قطر بعدين اشوف الخساره او الربح واحكم على البنك لانه لو فتحت في بلاد مسلمه بيكون الاقبال عليه جيد وما في بنك يفتح في قطر ويخسر

[مارجن]

مررررررحبا


والله مافيه مثل سوقنا والشركات الجديده بتهل وحده تلو الاخرى ليش تشترون في دول غربيه لويصير شي روحت فلوسكم وانا لا انصح انك تستثمر في بلد غير بلادك قدام عينك ويالله يالله .خلكم مع بورصتنا وراح تعينون الخير كله .والله يوفقنا جميعا.
ويسلم لنا بومشعل راعي المكرماتي

اسئلي عن الموئسسين

[مارجن]

يربع

انتو ولله الحمد عندكم بنوق اسلاميه

اخوانكم المسلمين في برطانيا 2 مليون وين يحطون افلوسهم

[أحسينوه]

أرى من وجهة نظري (بعيدا ً عن وضعية هذا البنك إن كان خسران أم لأ ) . إنما أعتقد أن التريث في

الفتره الحاليه مطلوب . وعدم الإستعجال في شراءه . لأن السبب الرئيسي وراء إرتفاع سعره من ريالين

إلى 6 وثم نزوله وصعوده . كله بسبب توجه أغلب شعب قطر لشراءه . وبطل هذه اللعبه هو بنك الدوحه !

وأعتقد الحاله التي تعيشها بورصة الدوحه هالأيام ستجعل الكثير ( اللي لسه ما شروا سهم البريطاني

الإسلامي ) هذه الحاله راح تخليهم يتأنون قليلا ً ويعيدون النظر في مسئلة شراءه . لذلك أتوقع هبوط

قادم لسعر هذا السهم . فالواحد يشتريه بـ 2 ريال أفضل من أن يشتريه بـ 6 أو 7 ريالات .

وجهة نظر لا أكثر . انا كنت رايح أشتريه الإسبوع اللي فات . بس سحبت المبلغ في آخر لحظه والحمدلله

أن الأمر لم ينفذ .

[الشقيان]

والله مافيه مثل سوقنا

[شخبوط]

الاخ الكريم ابو سعود
اذا كان هذا البنك خسران فما هو تفسيرك لمشاركة مؤسسات لها خبرتها وشخصيات لها وزنها على المستوى العالمي وهل تعتقد ان هذه الشخصيات سوف تضع اموالها من اجل الخسارة اذا كنت انت تحافظ على العشرة ريالات فإن هؤلاء التجار وهذه المؤسسات يحافظون على الريال الواحد - صحيح ان السعر الحالي مرتفع ولكن ارجو ان تفكر كيف سيصبح السعر بعد سنتين وخصوصا ان البنك سوف يفتح عشرة فروع هذه السنه- هل تعتقد ان هذه الفروع ستتم بدون دراسه وهل تعتقد ان البنك تم انشاءه بدون دراسه واخيرا انظر الى نمو البنوك الاسلاميه الآن واكبر مثال البنك الدولي الاسلامي احد الشركاء الرئيسيين .

صح السانك اخوي
والله صدق صديقك الصدوق
ترى موقع البنك الاسلامي البريطاني على الانترنت يقولك ان بعض المؤسسين استقالو حتى يقدرون يبيعون اسهمهم الممتلكينها لانه من احدى قوانينهم ان المؤسسين مايقدرون يبيعون الاسهم
ويوم ارتفع السهم 90 بني يعني 6 ريال ونص طبعا اصبح تسعين ضعف ثمن الشراء
يعني ملين صاحب السهم المؤسس
ولو لاحظت انه واحد من المؤسسين مااستقال ولكن خفض عدد ونسبة امتلاكه للأسهم وطرحها في السوق وهاذي النسبة مااتذكر ولكن فوق الــ2 مليون وستمية الف وشي سهم
يعني بعد هالمؤسس استفاد من اسهمه
مافيها شي الناس تبي تستفيد ولكن سؤوال
لو كان البنك فعلا بيوصل 2 استرليني وللا اكثر، ولو كان البنك فعلا يقدم خدمات فظيعه وخطيرة وغير عن باقي البنوك ليش المؤسسين اللي استقالو استقالو؟؟؟ ليش ماتمو على السهم
لا وكاتبين سبب الاستقاله "لمتابعة اعمالهم الخاصة"
يعني كل يشوف حاله في ترحاله
وافضل تابع السوق البريطاني على الاقل سنة كامله دون شراء و اسأل المجربين في السوق العالمي و لا تتسرع
والدوحة افضل من لندن وغيرها
اتوكل على ربك واسحب طلبك وفلوسك

[الناصح القنوع]

الاخ شخبوط رغم كلامي السابق عن البنك إلا انني تأثرت بكلام الناس عن انسحاب بعض المؤسسين وبعت جميع اسهمي و بأرخص سعر اعترف انني اشتريت وبعت بخسارة وخسارة كبيرة جدا فقط لاني تسرعت وشريت وبعت بدون اي تفكير انصح جميع الاخوة والاخوات بالشراء او البيع بعد تفكير عميق وعدم تسرع في اي خطوة

[الطرف الخجول]

[b]مشكور ابوسعود على النصيحه وانا مبتداء ومحتاجه لنصيحه واشكرك

[بوحظين]

هذا البنك جيد على المدى البعيد..... بس لا تستعجلون عليه
ترى بورصة لندن مافيها لمت أب ولا داون ......