يالربع عندي راس مال ....!!!

[أنت]

مبارك عليكم الشهر
يالربع انا عندي سلفه من الدوام سلفت الزواج 50الف وسلفة المعيشه 25الف يعني 75الف
تنصحوني اخذهم ودش مشروع بس ماعرف شنو المشروع فيدوني الله يرحم والديكم

[بـن عدوان]

طويل العمر شوف مشاركتي:

هممممممممم

اخوي مافكرت تفتح مغسله سيارات ؟

الايجارات صحيح غالية

بس في الرخيصة بعد بتحصلها حوالين الدوحة

مثلا لو الباب بــ 7,500 اشوفه زين

انت محتاج 3 أبواب * 7,500 = 22,500 ايجار المغسله الشهري

حسبة الاغراض ماقدر احدد لك اياها لانه يعتمد على اللي انت تبيه

معدات غسيل + معدات تنشيف + معدات تلميع .. الخ

عدد العمال انت تحدده


لو نقول الغسيل بــ 25 ريال

وفي اليوم جاتك 80 سيارة ( طبعا لازم تضبطها مع العمال انه غسيل السيارة لازم تاخذ الدقايق اللي حاطها في بالك )

مثلا نقول السيارة الوحدة غسيل مع تنشيف تاخذ 10 دقايق

الساعه الوحدة 6 سيارات * الباب الثاني = 12 سيارة في الساعه

ساعات العمل انت تحددها ونقول مثال 10 ساعات في اليوم

12 سيارة * 10 ساعات = 120 سيارة في اليوم

25 ريال * 120 سيارة = 3,000 ريال في اليوم

3,000 * 30 يوم = 90,000 ريال المدخول وليس الصافي

90,000 - 22,500 ايجار المحل = 67,500 ريال

67,500 - رواتب العمال - صيانة معدات - كهربا - ماي - ايجار سكن العمال ... الخ

بعدها بيطلع لك الصافي واعتقد بيطلع لك شي محترم ..

بس هالمدخول متى بيجيك ؟؟

لما انت تكون موجود في المغسله في اغلبية الاوقات او تحط بديل يكمل عنك

ومن رايي تخلي كل غسلة بفاتورة على اساس الحسبه ماتضيع

ومن رايي بعد اللي يجمع 5 فواتير الغسلة السادسة بلاش

هالشكل راح تضمن زباين اكثر وتضمن اللي يجي يغسل ياخذ الفاتورة ^_^

حتى لو حصلت الايجار اغلى شوي بس بعد بيكون عندك مدخول ممتاز .

والعمال عوّدهم على النسبه ولو كانت قليلة بالاضافه الى راتبهم عشان يشتغلون عدل


في البداية اللي تدفعه ايجار المحل + المعاملات الوزارية (سجل تجاري، الرخصة ..الخ ) + المعدات اللازمه + ديكورات المغسلة

ملاحظة: الأرقام والاعداد اللي شفتها هذي افتراضيات وامثله بس متوقعه

والله تعبت من كثر ما اكتب ههههههههه

اسمح لي يمكن بتحصل حرقات او يمكن بتطلع الحسبة عندك غلط او يمكن اني نسيت شي تراني موااصل

والله يوفقك ان شاءالله

وان شاءالله هالمشاركه تفيدكــ

والله يوفقك ان شاءالله ..

[أنت]

الله لا يهينك
بس ياخوك الخول يبي اكثر من راس مالي

[واقع]

شوووووووف لو في فكرة براسي وتدخلي دخل حلو مارااح اقولها لاي عضو بالمنتدى

بمعنى يمكن 75000 تفتح فيها مشروووع صغير مو شرط كبير من اول مره ممكن تاجره سيارات ممكن تجارة الكترونيه ممكن اشياااء كثيره
يعني خل المخ يفكر شنو السوووق محتااج

ذكرتني مره تواجهت مع شخص وقالي انا شريت كونتينر هالسالفه بدايه التسعينات ب10000دولار يحتوي على 10000 جينز (ستوك) يعني الحبه على دولار في بعضها بها عيووب بسيطه بالصناعه وبعضها جيد وجاابه الدووحه وبااعه على 2.5دولار اذا ماخانتني الذاكره بالجمله للمحلات يعني 9 ريال وتعال شوووف المحلات بكم تبيعه ب15 و 20 بالمفرق ايامها العسيري وفالح وواقف

يعني اخوونا دخل ضعف راس ماله بهالصفقه بس تعب تعب بالتوزيع وخذ له كم شهر

اخوي التجااره يبيلها حركه امسك جريده الخليج الامارااتيه اخر 2 صفحتين راح تحصل كونتينرات للبيع وموغلط انك تجرب وتنضرب مره لكن المره الثانيه بتوقف على ارجوولك

اللي خلاني اذكر هالموضووع ان هالشخص ماشاء الله عليه ماايفووت الفرصه في كل شي سيارات ملابس اكل محلات صغيره اي شي مايعوووق بس يبيلها مراااكض

هل تعتقد لو في عضو عنده 75000 ريال وتدخل له مبلغ حلو شهريا بيقولك عشان تتقاسم معاه الكيكه ؟؟!

وانت قدها
تقبلي تحيااتي

[ANONYMOUS]

سو فيها اي شي.. ماعدى انك تدخلها البورصه

[عبدالرحمن]

اشتر سيارة ودخلها الورة كامري ولا التيما

[w.qatar]

اشتر سيارة ودخلها الورة كامري ولا التيما

هالفكره حلوه بس ممكن تفاصيل اكثر يعني وين نعطيها كروه و لا من بالضبط ؟

[The future]

مبارك عليكم الشهر
يالربع انا عندي سلفه من الدوام سلفت الزواج 50الف وسلفة المعيشه 25الف يعني 75الف
تنصحوني اخذهم ودش مشروع بس ماعرف شنو المشروع فيدوني الله يرحم والديكم

توكل على الله وتزوج

[عبدالرحمن]

هالفكره حلوه بس ممكن تفاصيل اكثر يعني وين نعطيها كروه و لا من بالضبط ؟

لا في مكتب من الدوله اسمه اعتقد منظمه استئجار السيارات مش متاكد من الاسم مكانه في سوق العسيري الطابق الثاني بالتحديد فوق متجر تريم قدام محلات لاري للصرافه بس قبل لتشتري السياره اسالهم هل يبون ولالا يمكن عندهم اكتفاء وكم بيعطونك
انا شخصيا لي صديق صارله سنوات يتعامل معاهم وكل 6 شهور ولا سنه يبدل بين سيارته لانهم ياخذونها من 6 شهور لين سنه وجزاة الله خير دايمن يقولي دخل سيارة عندهم تراه فيها خير وانا كله اقول عقب بس من كم شهر.............
انا قلت بدخل سياره عندي جي اكس ار 2008 وقلت بشوف شالمطلوب عطيتهم صوره من الملكية وصوره من بطاقتي الشخصيه وعطيتهم رقم جوالي ماخذت كم يوم الا متصلين لي واعتقد قالولي وين بتروح سيارتي اللجنه الاولمبيه بس طلبو على اسوي تامين شامل للسياره وبيعطوني صافي 6000 في الشهر وقالي رفيجي الاندكروزر عادي يقعد سنه بالراحه هذا كلامه لي ... المهم قلت بامن تامين شامل وبعطيهم السيارة بس مادخلتها صراحة لسبب بسيط
واحد من ربع قالي كلمه وحده قالي حرام عليك سيارتك يديده يمكن يدعم فيها الي بيستخدمها ولا ينقلب ولا شي مايسوى عليك الي بيعطونك اياه هونت ويمكن الله يوفقكك ولا تصير فيها شي يعني مافي شي مضمون
سوري على الاطاله بس حبيت اذكر التفاصيل

[العنيد000]

لا في مكتب من الدوله اسمه اعتقد منظمه استئجار السيارات مش متاكد من الاسم مكانه في سوق العسيري الطابق الثاني بالتحديد فوق متجر تريم قدام محلات لاري للصرافه بس قبل لتشتري السياره اسالهم هل يبون ولالا يمكن عندهم اكتفاء وكم بيعطونك
انا شخصيا لي صديق صارله سنوات يتعامل معاهم وكل 6 شهور ولا سنه يبدل بين سيارته لانهم ياخذونها من 6 شهور لين سنه وجزاة الله خير دايمن يقولي دخل سيارة عندهم تراه فيها خير وانا كله اقول عقب بس من كم شهر.............
انا قلت بدخل سياره عندي جي اكس ار 2008 وقلت بشوف شالمطلوب عطيتهم صوره من الملكية وصوره من بطاقتي الشخصيه وعطيتهم رقم جوالي ماخذت كم يوم الا متصلين لي واعتقد قالولي وين بتروح سيارتي اللجنه الاولمبيه بس طلبو على اسوي تامين شامل للسياره وبيعطوني صافي 6000 في الشهر وقالي رفيجي الاندكروزر عادي يقعد سنه بالراحه هذا كلامه لي ... المهم قلت بامن تامين شامل وبعطيهم السيارة بس مادخلتها صراحة لسبب بسيط
واحد من ربع قالي كلمه وحده قالي حرام عليك سيارتك يديده يمكن يدعم فيها الي بيستخدمها ولا ينقلب ولا شي مايسوى عليك الي بيعطونك اياه هونت ويمكن الله يوفقكك ولا تصير فيها شي يعني مافي شي مضمون
سوري على الاطاله بس حبيت اذكر التفاصيل

يكسروون السياره ودعمات وحوادث وبعد سنه يمكن ماتجيب نص سعرها بعد

مايسوى عليك كل شهر سولها سيرفس بدل زيت وغسلها ورجعها اسأل مجرب

وبالتوفيق يالغالي