قرض كبار الموظفين

[roadrunner]

السلام عليكم ورحمة الله عليكم جميعاً ..


بالنسبة عن قروض كبار الموظفين ... مب المفروض انها تنزل هالأيام ؟؟ بتاريخ كم تنزل بالظبط؟؟؟
احترق قلبي ... ابي اشوف بعيني كم بينزل .. لأن في اشاعه قويه تقول القرض زاد من 600000 الى 800000 .. وفي ناس تقول ان القرض سوه مليون .... مادري ياجماعة ... في حد عنده خبر عن هالموضوع.




ودمتم سالمين

[Euro_2005]

i Hope Its True

[مغروور قطر]

مبرمجنا هل الاشاعه من سنه قالو عنها وقالو 900 الاف بس لو فيه زيادة بيطلع في الجرايد ماكو شي للحين

[راعي البورصه]

الله يسمع منكم

[العنان]

بس مافي خبر اكيد عن موعد نزول القروض , وهل بيكون هناك زياده بعد في قروض الجنير؟

[KHALIFA]

الاسامي الاسبوع الجاي بإذن الله
شيك في الجرايد مع التفاصيل


ومافي زياده في قيمة القرض

[عزيز]

يالربع ممكن اعرف كيف طريقه أخذ قرضه الجونير؟ وكم المبلغ ؟ وشلون اقدر اخذه ؟ انا توني اربع سنين من اشتغلت بس عمري ماسألت عن قرض الجونير

ممكن تفهموني وتعطوني الاخبار ياجماعه الخير؟؟ علما اني موظف في القطاع الخاص

وألف شكر مقدما

[sulai6i]

اخ عزيز اعتقد انك تقصد الإنتفاع بمساكن شعبيه

اذا كانت عندك ارض وتبي تبني عليها قطعت نصف المسافه اما اذا ما عندك ارض فمشوارك طويل
روح على ادارة الإسكان اللي مقابلة الأولى للتمويل او مقابله مسجد ابو عبيده
وهناك في الإرشيف تقدر تقدم الطلب ..




شباب بخصوص قرض كبار الموظفين .. كل سنة نسمع انه بيزيد وترى كلها اشاعات
انا توني مستلم القرض من كم شهر والحين في مرحلة البناء .. نفس الشي 600 الف ما تغير
مع ان البناء يكلف الدبل !!!

[Qatari 1980]

والله ما ندري من نصدق

لكن نتمنى يزيدون قرض كبار الموظفين

[عزيز]

اخوي واذا الارض عندي؟؟شسوي بعد ؟؟ افدني افادك الله والله ماعندي خلفيه بهالسوالف

واكون شاكر لك اخي الكريم

تحياتي لكم