سعر ثياب القرنقعوه ليمت آب!!

[سهم مديون]

تخيلوا سعره وصل الى 140 ريال في السوق للثوب الواحد وفي ازدياد بمناسبة قرب ليلة هذه المناسبة الحقوا ماتلحقون !!
الله يعين اللي عنده عشر اولاد وشبسوي .....

[استغفرالله]

اشترو ثياب يديدة للعيد

شحادكم تشترون للقرنقعوه

هو مب عيد ولازمه ثياب يديدة

[black@white]

وصل السعر الى 250 ريال واكثر

[شيزكيك]

في وحده تبيه ب350 ريال وفي محل يبيع نفسه ب200 ريال شوفوا الفرق بس والبنت والمحل يايبين

البضاعه من الكويت شوفوا عاد هناك بكم

[ANONYMOUS]

خذت للعيال ملابس من المغرب.. حق 4 اطفال بـ 100 يورو..

[بنت ابوها 19]

بصراحه اشوف ماله داعي

شلي حادكم توزيعات ولبس

ترا اله قرنقعوه
وبدعه بعد ..

[PoBox]

*
*

سبحان الله نفس البورصة
مهملين الاسهم ، ومن يطق السهم لمت اب ضرب مضارب عليه باسعار عالية

ماناكل بيض
من يرتفع سعره نلاحقه ملاحق

[أم وضحى]

بصراحه .. استغرب هذا الاهتمام المبالغ فيه بالنسبه للقرنقعوه سواء توزيعات او ملابس !!!!


قلبوها من مناسبه بسيطه الى هيااااط لابعد الحدووود ..


توزيعات بـ 30 و بـ 50 ريال ..

شدعوه اذا تبون تحييون التراث احيوه ببساطته وبمثل ماهو بدون هالاضافات والتكلف اللي ماله داعي ..

الله يرحم ايام ماكان القرنقعوه يوزعونه بالباديه الصغيره ..

فقد معناه وبساطته ..

[الشقيان]

عيل انقص علي

انا شريت حق العيال على 270

من وحده في منتدى قطري

[PoBox]

قلبوها من مناسبه بسيطه الى هيااااط لابعد الحدووود ..

شدعوه اذا تبون تحييون التراث احيوه ببساطته وبمثل ماهو بدون هالاضافات والتكلف اللي ماله داعي ..

المناسبة فعلا صارت مناسبة للفشخرة
خصوصا بين البنات
كل وحده اكبر من الثانية وجايبه معاها سلة فيها بلاوي ملفوفة مالها علاقة بالقرنقعوه ، وتوزعها على الموظفين !
=<< واهم شي تاق على جنب فيه ماركة معينة او اسم محل راقي !