المصاعد الكهربائية افضلها واسعارها !!!! لاهنتوا

[عابر سبيل]

تسلم يالشرق الاوسط على المعلومات..
و اهم شي اني اقرا اسمك صح و اعرف معناه...

اعتقد ما كنت بروحي اللي فاهمك خطا يا Moyen..
و زين اني غلطت

ع العموم....عن الزيت و ريحته...
حتى المصاعد اللي لها موتورات و سلاسل
او حبال معدنيه...

تحتاج تزييت و تشحيم و اتطلع شوية روايح من هالشي؟.


شخصيا ادور عن الشي اللي به اقل انتربشن/انقطاع
لاسباب الصيانة الدورية...
يعني بالبيت ما تبي عمال الصيانة كل شهر
داقين عليك الباب..
لو عمارة او مبنى اداري..
شي ثاني...

طبعا و قبل هالشي..
ادور عن الكفائه او الجودة و ال effeciency

[سهم طايش]

من خلال التجربة في منزلي اشوف ان الmitsubishi افضلهم من جميع النواحي خصوصا الصيانة و التعامل و الاداء بحيث ان الاعطال تكاد تكون معدومة و الحمدلله بفضل الصيانة الشهرية للمصعد من قبل الشركة 0

* يفضل ان يكون اختيارك للشركة قبل عمل الخرائط و الشروع في البناء لأن كل حجم مصعد يحتاج الى مقياس و عمق معين عند الحفر و عمل الخرسانات و ذلك عن طريقة زيارة مقر شركة المصاعد مع مهندسك الاستشاري و اخذ جميع المقاسات قبل البدء في عمل الرسومات الهندسية 0

* نصيحة في حال اختيارك للمصعد الافضل ان تختار مصعد حجم 8 اشخاص اوسع و اشرح لك خصوصا انك ستقوم بعمل ديكورات داخلية للمصعد فكل هذا سيأخذ حيز بعد التنفيذ 0

* طريقة اختيار المصعد من الداخل ستكون عبارة عن خيارات موجوده عند الشركة و كل خيار له سعر معين يزيد و يقل حسب نوعية اختيارك 0

* اذا رغبت بعمل ارضية رخام للمصعد من الداخل فيجب ابلاغ شركة المصاعد قبل التصنيع لان الارضية اللي يركب عليها الرخام تكون مختلفة عن الارضية العادية 0

* يفضل عمل درج خارجي للمنزل لعمال المصعد لتفادي دخولهم المتكرر كل شهر لعمل الصيانه0

* غرفة المصعد فوق السطح يفضل ان تكون مكيفة للتبريد على مكينة المصعد هذا على حسب طلب مهندس المصاعد 0


لا تترد بتركيب الاجود حتى لو كان السعر غالي شوي

كل التوفيق لك اخي الكريم

[Chambray]

* غرفة المصعد فوق السطح يفضل ان تكون مكيفة للتبريد على مكينة المصعد هذا على حسب طلب مهندس المصاعد 0

هل للمصعد غرفه مستقله ؟ غير البئر الي مقاسه 2 × 2 ويمر بجميع الطوابق ؟
انا البئر يمر من الطابق الارضي حتى البنت هاوس ..
والبنت هاوس مكيف طبعاً
فهل احتاج إلى شئ آخر ؟؟
ولا كل شئ تمام ؟؟
العمق من الطابق الارضي كم العمق المطلوب ؟؟؟؟
والارتفاع حتى آخر طابق كم المطلوب ؟
يعني لو وصل المصعد لآخر طابق كم الارتفاع المطلوب بعد حتى سقف المصعد ؟ هل 3 متر يكفي ولا ازيد ؟
يبيله زيارة لمهندس المصعد مرة اخرى ..

[Chambray]

تسلم يالشرق الاوسط على المعلومات..
و اهم شي اني اقرا اسمك صح و اعرف معناه...

اعتقد ما كنت بروحي اللي فاهمك خطا يا moyen..
و زين اني غلطت

ع العموم....عن الزيت و ريحته...
حتى المصاعد اللي لها موتورات و سلاسل
او حبال معدنيه...

تحتاج تزييت و تشحيم و اتطلع شوية روايح من هالشي؟.


شخصيا ادور عن الشي اللي به اقل انتربشن/انقطاع
لاسباب الصيانة الدورية...
يعني بالبيت ما تبي عمال الصيانة كل شهر
داقين عليك الباب..
لو عمارة او مبنى اداري..
شي ثاني...

طبعا و قبل هالشي..
ادور عن الكفائه او الجودة و ال effeciency

والله هذا الي قاله لي مهندس المصاعد ..
بخصوص الصيانه كل المصاعد تحتاج صيانه ومافي مصعد مش محتاج صيانه دوريه
وهذا افضل لك وللمصعد لحياه اطول ..

[أم وضحى]

استفسار بسيط


اذا ركـّبت مصعد في البيت ..

- ماتخاف من انقطاع الكهرباء ( كما هو معتاد ) ويكون شخص داخل المصعد ؟

- وشنهي المخاطر المتوقعة من المصاعد ؟

[Chambray]

استفسار بسيط


اذا ركـّبت مصعد في البيت ..

- ماتخاف من انقطاع الكهرباء ( كما هو معتاد ) ويكون شخص داخل المصعد ؟

- وشنهي المخاطر المتوقعة من المصاعد ؟

هلا اختي
المصاعد العالميه مثل موستبيشي - كوني - اوتيس .. إلخ
فيها نظام سيفتي ، بحيث لو انقطعت الكهرباء المصعد اوتوماتيكياً ينزل لآخر طابق ويفتح الباب .. وهذا النظام موجود في المصاعد العالميه
ولو مافتح الباب وتوقعنا الاسوء في زر متصل مع الشركة لخدمة الطوارئ

[مطنش]

عندنا kone من شركة qnes .. مممتاز ورائع شغلهم ومثل ماقال ..
فيها نظام سيفتي ، بحيث لو انقطعت الكهرباء المصعد اوتوماتيكياً ينزل لآخر طابق ويفتح الباب..

[مطنش]

هل 3 متر يكفي ولا ازيد ؟


اعتقد 4 او 3 ونصف يكفي وزياده

[qmmf]

شرايكم في شركة المعمورة عندهم مصاعد ماركة ايطالية واسعارهم تقريبا من 80 الف الى 100 الف وماتحتاج المكاين غرفة فوق السطح فقط تكون تحت على الارض جنب المصعد او تحت الدرج(السلم) لان حجم المكاين صغير.

[موضي قطر]

الموضوع مهم انا قاعدة افكر فيه بس يارت تفيدونا عنkone من شركة qnes

وين مكان الشركة واسعارها