مادري فيني انفلونزا الخناير ولا شفيني تعبت من المرض

[ورقــة أمــل]

السلام عليكم ورحمة الله وبركاته،،


اخواني وخواتي صار لي 4 ايام عندي صخونة مستمرة وارهاق شديد في الجسم وصداع خذت ابرتين فولتارين ودوا خافض للحرارة ومافي فايده

رحت كذا مرة عيادة الدوحة سوو لي تحليل حسبالي تحليل حق الانفلونزا وقالو لي مافيج شي اعراض عادية وامس يوم رحت لهم قالو لي احنا اصلا منسوي تحليل الانفلونزا لازم تروحين مستشفى حمد

رحت مستشفى المؤسسة قالو لي مشتبه فيج الانفلونزا وعطوني تامي فلو مع اجازة اسبوع

خذت تامي فلو اليوم الصبح وقست حرارتي بعد مرتفعة


مادري شسوي انا مابي اروح حمد واترقد ويبهدلوني يمكن مافيني انفلونزا يمكن شي ثاني وانا مافيني اعراض ثانيه مثل الاسهال والترجيع وانتو بكرامة مافيني الا الم في كل الجسم وصداع وصخونة وارهاق والاحتقان بسيط جدا حتى ماحس فيه.

اتمنى من اللي صاده هالمرض يجاوبني او على الاقل دعوة بالشفاء لاني تعبانة حدي ماقدر حتى اتحرك...

ورحم الله والدينكم

[ريد قطر]

الله يشفيج ان شاء الله هاي عادتهم ما يقولون ويرجعونهم للبيت ان شاء الله مب الإنفلونزا

[شجرة الدر]

عااادي اختي استمري على تامي فلو تحمللي تقطعينه ،،

وعليج با لفكس هذا فايروس انفلونزاموسميه ،،

لان انفلونزا الخنازير يسبب ضيق شديد بالنفس ،،

[هند88]

الله يشفيج بس استمري على التامي فلو

[ورقــة أمــل]

الله يشفيج ان شاء الله هاي عادتهم ما يقولون ويرجعونهم للبيت ان شاء الله مب الإنفلونزا

مشكورة عالدعاء اختي

عااادي اختي استمري على تامي فلو تحمللي تقطعينه ،،

وعليج با لفكس هذا فايروس انفلونزاموسميه ،،

لان انفلونزا الخنازير يسبب ضيق شديد بالنفس ،،

نسيت اذكر هالنقطة

عندي ضيق تنفس شديد احس اريتي تعورني

[ابن السيد]

الف سلامه عليج اختي واما تشوفين شر
انا رايي تتابعي مع المستشفى ابركلك لان هذا من الاخذ بالاسباب
واتبعي ارشادتهم اول باول عشان ما تدهور الحالة لا قدر الله
وان شاء الله ربي يعافيج ويشفيك

[3beed]

خطاج الشر .. وان شاء الله ما بج اللا العافية

[شجرة الدر]

نسيت اذكر هالنقطة

عندي ضيق تنفس شديد احس اريتي تعورني[/quote]

إنشاء الله ماعليج شر وعطي المضاد فرصته يمكن هاذي حساسية صدر لان باقي اعراض انفلونزا الخنازير الحمدلله مب موجوده فيج ،،
عليج بالعصاير وبالفكس والله مفعوله عجيب ،،
اكثري من الصدقه والدعاء ،،

الله يشفيج يارب وطمنينا عليج ،،

[bluelion]

أختي انصحج تروحين المستشفى ....

[لوردغاليري]

اسم الله عليج فديتج
في عدوينج الي مايحبونج



حبيبتي لاتهملين روحج روحي طواري حمد فديتج
مايرقدونج ولا شي ولا بهدله
يسون لج تحليل مدته40دقيقه ويقولولن الله لا يقول
اذا h1n1
وان شالله مافيج
يعطونج المظاد في الوريد اسرع من الشراب ويعطونج شراب ويقولون لج لاتخالطين حد لمدة5 ايام
وبس
لاتخافين ولاشي
هذي وحدة من ربعي سولها نفس الشي واكاهي طيبه ومافيها شي
نفس حالتج بالظبط والله 5 ايام وتنقز مثل الارنب
وماعليج شر ابد
ان شالله
فديتج طمنيني