\\استفسار ياكـــــــرام\\
السلام عليكم ورحمة الله وبركاته
بصراحه ان حاب اعرف اشلون الواحد ممكن يحجز طيران وفندق عن طريق النت
وهل هالشي فيه تأكيد؟
يعني مو ممكن يقولون لك اسفين حجزك ما تثبت؟
ابي شرح مفصل من اللي يحجزون عن طريق النت
واذا في مواقع استخدموها لا يبخلون علينا
شآآآكر لكم
التعديل الأخير تم بواسطة яέέⓜ ; 15-09-2009 الساعة 09:35 PM
яέέⓜ
المشاركة الأصلية كتبت بواسطة ماعادبدري
مرحبا اخوي ماعاد بدري
انا كل سنه اسافر يمكن عشر سفرات او اكثر
ومن خمس سنوات مادخلت سفريات
كل حجوزاتي طيران وفنادق عن طريق النت وموثوق فيهم
بعد الحجز يرسلون لك ايميل في نفس الوقت
هذا يعتبر ظمان ان حجزك اووكي
موقف :
مره حجزت فندق في زيلامسي في النمسا
جيت الفندق قالو مافي لك حجز بأسمك قلت لهم ممكن انتر نت اشوي
وفي مده خمس دقايق جبت لهم ايميل الحجز على طول تم توفير غرفه لي
مع الاعتذار لي
واليوم ان شاء الله بنزل لك شرح حجزت الطيران مع مواقع حجز فنادق بالشرح والصور
رووووووووووووووووووووووووووووووحمرحبا اخوي ماعاد بدري
انا كل سنه اسافر يمكن عشر سفرات او اكثر
ومن خمس سنوات مادخلت سفريات
كل حجوزاتي طيران وفنادق عن طريق النت وموثوق فيهم
بعد الحجز يرسلون لك ايميل في نفس الوقت
هذا يعتبر ظمان ان حجزك اووكي
موقف :
مره حجزت فندق في زيلامسي في النمسا
جيت الفندق قالو مافي لك حجز بأسمك قلت لهم ممكن انتر نت اشوي
وفي مده خمس دقايق جبت لهم ايميل الحجز على طول تم توفير غرفه لي
مع الاعتذار لي
واليوم ان شاء الله بنزل لك شرح حجزت الطيران مع مواقع حجز فنادق بالشرح والصور
عسى الله يوفقك دنيا واخره
مب راقد اليوم بآنتظر شرحك المفصل
الله لايهينك الشيخ
яέέⓜ
هلا اخوي ماعاد بدري
اسمح لي على التاخير
اول شي تدخل مثلا موقع www.booking.com
طبعا هذا الموقع حلو وموثوق فيه عن تجربه خمس سنوات
طريقه الحجز :
اول ماتدخل على الموقع يطلع لك كذا
في الصوره الاولى بالمربع الاصفر تختار اسم المدينه الي بتروح لها
وتحتها تذكر تاريخ دخول وخروج الفندق يعني كم ليله
وبعدها تظغط سيرش search
في الصوره الثانيه : تنزل في اخر الموقع وتختار اللغه الي تبيها
طبعا انا اخترت العربيه
الصوره الثالثه : تظغط على ا المنطقه الي تبيها فيها الفندقيعني مثلا london city
الصوره الرابعه : تطلع لك جميع الفنادق طبعا الي في حجز يعني غرف فاضيه
اما الفنادق المتروسه مايطلع لك وفي كل فندق انواع الغرف المتوفره ومميزاتها
واسعارها شوف الغرفه الي تبيها واظغط على الكلام الي مكتوب با الازرق
الصوره الخامسه : بتظهر لك الغرفه المختاره طبعا مكتوب الي في الدائره الحمره
الغرفه حد اقصى شخصين وسعر 7 ايام 985 يورو
وفي الجهه اليمنى مكتوب لك صفر وجنبه سهم
هذا عدد الغرف المطلوبه اذا تبي غرف واحده اظغط على السهم وحط رقم واحد واذا غرفتين اظغط رقم 2 وهكذا وفي اعلى الصوره تقدر تشوف صور الفندق مع الغرف
ان شاء الله يكون واضح وبعد قليل سأوضح لك الباقي
تكمله
في الصوره الي تحت :
اظغط على عدد الغرف جنب السهم
انا اخترت غرفه واحده
وبعدها اظغط احجز الان
في الصوره التاليه :
تكتب بياناتك الشخصيه
وبعدها تكتب تابع
وبس تطلع لك صفحه ثانيه كمل البيانات واظغط تحت حجز
وبعدها في نفس الوقت يجيك ايميل هو تاكيد الحجز لك وبسسسس
[URL=http://www.up4mb.com/up][IMG]
اذا حبيت تغير العمله للفندق من خلال الموقع
الحجز مثلا عن طريق الخطوط القطريه
تدخل الموقع http://www.qatarairways.com/global/ar/homepage.html
بتطلع لك صفحه نفس هذي
طبعا واظحه تكتب الوجهه ومن مطار الى مطار
وتاريخ الذهاب والعوده وكم شخص واعمارهم ودرجه السفر
وبعدها اظغط على كلمه بحث
بعد ماتظغط على كلمه بحث تطلع لك الصفحه التاليه
تحت نقطه على الدرجه الي تبيها وتختار المبلغ الي يناسبك
وتحت بين لنا وقت اقلاع الطائره والتاريخ والعوده
وبعدها تظغط على زر استمرار في اليسار تحت
وبعد ماتظغط استمرار تطلع لك الصفحه التاليه
طبعا فيها بيانات السفر والتاريخ والوقت والسعر
تحت في المستطيل العنابي اذا عندك رقم امتياز اكتبه مع الرقم السري
عشان تضاف لك الاميال وبعدها اظغط استمر كعضو
اذا ماهندك رقم امتياز اظغط على استمر كزائر
وبعد ماتظغط على زر عضو او زائر
بتطلع لك الصفحه التاليه
اكتب بياناتك الشخصيه كلها
وبعدين اظغط استمر وكم باقي البيانات والفيزا وغيرها
ويجيك ايميل تأ كيد الحجز
والله يمكن اتقول انه صعب لكن كذا مره بتاخذ يدك على الحجز
بالنسبه لمولقع حجز الفنادق
انا احجز من فندقين
1- www.booking.com
2- www.hotels.com
بالنسبه لموقع hotels.com
هذا هو الموقع بالصوره
لتحويل للغه العربيه تنزل في اخر الصفحه وتظغط على كلمه see all
وبعد الظغط على كلمه see all
تطلع لك الصفحه التاليه وتختار عربي الي في المستطيل الاسود
بتطلع لك الصفحه بالعربي بهذ الطريقه
لتغير العمله بالريال القطري او اي عمله اخرى هنا
وبس بعدها اختار الفندق والبيانات الثانيه
نفس طريقه الموقع الاول
اتمنى لك التوفيق ارجو ان اكون افدتك بشي
واي شي ثاني حاظرين
مازيد على كلام اخوي غير البشر
لكن هناك ملاحظة يغفل عنها البعض يرجى الانتباه لها
بعض الفنادق تعطيكم عروض خياليه وبسعر متميز جداً طبعاً المصداقيه موجوده ولاخوف من ذلك
لكن المسألة مسألة دفع المبلغ ، فالعروض الخاصه يخصمون المبلغ كامل بعد اتمام عملية الحجز ( وليس لك الحق في المطالبه بارجاعه )
اما بخصوص العروض الاخرى العاديه فهناك من يخصم اول ليله وهناك من الفنادق لاتخصم اي مبلغ حتى وصولك للفندق وهناك من الفنادق لاتخصم نهائياً حتى عمل شيك اوت تطلب منك اما الدفع عن طريق نفس البطاقة المتواجده عندهم ام الدفع كاش ..
ولا ننسى ان الغاء الحجز متوفر في العروض العاديه وليس الخاصه
قبل الوصول ب 48 ساعه مجاني
و قبل 24 ساعه مجاني في بعض الفنادق
لكن قبل ذلك يتم خصم اول ليله من عدد الليالي المحجوزه
فقبل الحجز يرجى التأكد من وصولك وسفرك
وبالتوفيق ..
أشهد ان لا إله إلا الله محمد رسول الله
سبحان الله وبحمده سبحان الله العظيم عدد خلقه ورضاء نفسه وزنة عرشه ومداد كلماته
غير البشر
شااكر لك هالمجهود
وعسى ربي يبارك فيك ويعطيك الف عافيه
яέέⓜ
ضوابط المشاركة
رد مع اقتباس
