شنو أفضل نادي صحي للنساء ؟

[nouar]

عندك صحتي ..

ومركز الثريا ...

بس ميزه صحتي انه ممكن تروحين في اي يوم تريدينه .. والمكان واسع

[أم جود]

شكلي بشترك في كيرفز

بسألكم في نادي فالخليج الغربي

او ذاك الصوب ؟.؟... راقي

شسمه ؟؟؟؟؟

[sapphire]

أم جود يمكن تقصدين " كلاود 9 "

هذا موقعهم
http://www.c9spa.com

[Marazeem]

ألاحظ انكم بس تتكلمون عن الأجهزة ؟ ليه ما فيه حصص أيروبك ولا بيلي دانس ولا غيرهم ؟

[Marazeem]

حبيبتي نوار .. صحتي سكروه وينج وينه ؟

[Cute Mother]

حبيبتي نوار .. صحتي سكروه وينج وينه ؟

أعتقد بدلوا اسمه من " صحتي " إلى " مركز توليب " ..

رقم المسؤولة عندي للي يبيه .. !

[..الاميرة..]

فيه عندج بعد اسباير مبنى خاص بالنساء فقط ..

وفيه حصص منوعه من اجهزه وايروبك ودانس ويوغا يعني متنوع ..

وإذا بغيتي تشتركين بالسباحه فيه عندهم وحتى للمبتدئين لهم نصيب يتعلمون ..

[شويهينــه]

ألاحظ انكم بس تتكلمون عن الأجهزة ؟ ليه ما فيه حصص أيروبك ولا بيلي دانس ولا غيرهم ؟

ايه كيرفز بس اجهزه مافي حصص ايروبيك

هو نضامه ان الاجهزه تكون على شكل دائري وانتي تلفين على كل الاجهزه

وبين كل جهاز والثاني فيه ستاند انتي تسويين حركات ستيبز بسيطه عاد انتي والحركات اللي تسوينها

والمده في كل خطوه 30 ثانيه فقط

وتلفين مرتين على كل الاجهزه

انا الصراحه اشوفه ممتاز وتحرقين دهون بسرعه

وكل شهر ياخذون قياساتج وبتشوفين الفرق

[بوخالد1001]

افضل نادي صحي للبنات
كلاود 9 انا صار لي فيه 5 شهور ...
امان...ومحد يشتكي منه....ويطبقون ارشادات البلديه .....
يوجد فيه
قاعتين لدورس الرياضه
وبركة سباحه ...وهناك حصص لرياضه المائية

ومساج

وتنظيف بشره

واستراحه تحتوي على بليارد وشاشه بلازما كبيره بجانيها جميع افلام السينما الجديده
بالاضافه الى خدمة الاكل والشرب

وقاعات لتعليم الرقص بانواعه الشرقي والغربي

وغرفة ساونا وبخار

وقاعتين كل قاعه فيها جميع الاجهزة الرياضيه الجديده

نادي وصالون رااااقي جداااا واسعاره في متناول الجميع
اختكم
ام خالد

[شاهيناز]

Marazeem

الماسه عند صالون لندن الي عند تقاطع رمادا


كلود ناين مانصحكم فيه جربته مكان ضيق واسعاره مبالغ فيها وفي نفس الوقت ممكن يتصلون فيك يقلون غيرنا المدربه انتظرو لين تجي مدربه جديده حتى لو دافعه اشتراك جديد


مافي احسن من القمه وصحتي بس للاسف سكروهم

كيرفز للكسالي مب حلو وبعد المدربات كلها نص دقيقه تجلسين على الجهاز تقول الحركه خطئ ويتفلسفون كل وحده لها طريقه وتحاول تتفلسف خاصه اذا لبنانيه
مافي احسن من الفلبينيات

نبي صالون برفوشنال واداره قويه مب كل شوي يسكرون
بس للاسف مافي في قطر