المشاركة الأصلية كتبت بواسطة مستثمره جديده
رجحت _ سوف _ لاسيما _
الصراحه اشم ريحة تسكيته للمعلمين علشان يفتكون من الأزمه اللي بتصير يوم الاحد وسيل
الاحتجاجات اللي راح تحصل في هذا اليوم ممن وقع عليهم الظلم وتم الحاقهم اجباريا بدورات
تأهيليه ولا سيما ان بعضهم قضوا اكثر من 15 سنه بالتدريس او بالعمل الاداري بالمدارس
الحكوميه .. هم فاكرين ان الموظف القطري تهمه الماده والفلوس علشان جذيه من يشوفون
العالم محتجه او ثائره من الغضب جابوا طاري الرواتب والزيادات وحطوا لك دراسه شطولها
وندرس الزياده وسوف تجتمع لجنه لدراسة الزياده وسوف وسوف الخ... من قال لهم ان احنا
ماشفنا خير وتغرينا الماده ونفضلها على راحتنا واستقرارنا الوظيفي ..
اذا كانوا يفتكرون ان احنا تغرينا الفلوس فهم غلطانين .. احنا اشتغلنا سنين بالتدريس
عمرنا ماطالبنا بزياده عل الدورات اللي خذناها او على ساعات الدوام الاضافيه اللي
نقعدها ايام الامتحانات واللي كنا نداوم خلالها من 7 الى الساعه 3 لتصليح الامتحانات
هذا دليل على ان الماده اخر شي نفكر فيها ..
احنا مانوقف ضد التطوير ولكن مش بهذي الطريقه الاستبداديه ..
نتمنى ان نرى حل منصف ومرضي للمدرسين والاداريين الذين تم اخراجهم من
مدارسهم بحجة انهم فائض يجب تأهيله من جديد للعمل بالمدارس المستقله ..
ليش مايخلونهم يداومون في مدارسهم ويدربونهم على التطوير اللي ذبحونا فيه .. لازم
دورات ومحاضرات ودروس يوميه بالجامعه وبمراكز التدريب !!!
ارجوا انكم اتكونون يد وحده
وكلامج صحيح
حسبي الله ونعم الوكيل
لا حول ولا قوة الا بالله
|
رد مع اقتباس