اغلب الاعضاء حاليا بصدد تشطيب البيوت الخاصه لهم وهذا مالمسته من المواضيع المطروحه ومن فتره لفتره احصل مواضيع عن المطابخ او حتى نتذاكرها بالمجالس واسعار التفصيل وافضل مكان وووو الخ
المطابخ انوااع اذا قلت انا مفصل ب13000 وواحد قال مفصل مطبخ ب 30000 اكيد في فرق بمعنى ان سعر تفصيل اي مطبخ يعتمد على عده عوامل وهي المحدد الاسااسي للسعر منها على سبيل المثال لا الحصر :
نوعيه الماده المستخدمه المنيوم او فيبر وسماكتها
الالمنيوم اذا كان محلي او مستورد ونوعيه الطلاء اللي على الالمنيوم نفسه الماني - محلي ....
المفصلات ايطاليه وبين قوسين مو كل ايطالي ايطالي حاليا بالسووق يرجع لامانه صاحب المحل
السلال في نوع صيني وفي نوع اوروبي من ايكيا وعليه ضمان ضد الصدا
نوعيه الرخام المستخدم طبيعي معالج صناعي محلي او امريكي ويعتمد اذا كان عليه خط ديزاين من الطرف
سماكه الفيبر المستخدم 3 ملي 1.5 ملي 5 ملي كلها تحكم بالسعر
الطاولات التحضيرية
اللي انا لقيته شخصيا بالدوحه اغلب محلات خط سلوى ناااااااااار وتفتقر الى الاشكال والالوان مقارنه بالسعوديه واذا لقيت اللي تبيه يطلع لك مبلغ جاامد
حتى اشكال الفيبر بالسعوديه كثيره عندك خيارات عديده وليست محدوده مقارنه بالسوق المحلي
وعلى فكره بعض المحلات من اللي على خط سلوى هو بنفسه يورد من السعوديه ومن البحرين ويزيد عليك بالسعر تماشيا مع الاسعاار بالسوق المحلي
واخبر واحد قال لي راح اجيب لك هالمطبخ من ايطاليا ويبيله 5 شهور
وقيمته 50000
انا راح اترككم مع الصور هذي فقط لمحل واحد بالحسا وفرعه الرئيسي بالريااااض وعندكم عده محلات وخيارات بالحساا واغلبهم يوصلوون للدوحه والافضل واللي انا سويته شخصيا فصلت المطابخ والبانتري وخزائن الملابس لغرف النوم من نفس المحل ل 3 فلل
هذي الصور لباب الخزانه من الفيبر
وهذي المنيوم
وهذي بقية الصور
اتمنى اني افدتكم بتقريري المتواضع واللي عنده معلومات لايبخل علينا وعلى الاخوان والاعضاااء للفايده العامه