أنا أعتقد اكثر واحد راح للرياض , الدمام , الاحساء بخصوص التشطيب
كل مارحت للدمام او الرياض و اقول لهم ابي اوصلهم قطر ..يقولون ياخي روح لفرعنا في الاحساء اوفر لك بخصوص الشحن والقرب
اللي بقوله لكم ... ان جميع الفروع موجوده بالاحساء .. مطابخ , سيراميك , رخام , ادوات صحيه,اكسسوارات ماركات , ماعدا الحجر الطبيعي انا اخذته من الرياض.
بخصوص المطابخ ...( مطابخ العليان) في شارع الظهران بالاحساء تفصل عندهم ويركبونه لك في قطر ..بس اهم شي تاخذ المقاسات بعد تركيب السيراميك على حوائط المطبخ.
وانا مفصل عندهم مطبخين لبيتي كلفتني 64000 الف ريال
نصيحه لاحد ياخذ من الدوحه اي شي لتشطيب البيت ماعدا الاشياء الضروريه مثل ..الدرايش ..الابواب ..الصبغ ... وبعض الاشياء البسيطه
هنا جشع من التجار ورافعين الاسعار ... دبل عن السعوديه
والله يوفق كل اخواني اللي مقبلين على البنيان ,,, والله توسوس ايام التشطيب ؟؟!!!