لقاح الانفلونزا الموسمية يضاعف خطر الإصابة ب‍‍‍‍‍‍ـ «الخنازير»

[الصيـاد]

دراسة كندية: لقاح الانفلونزا الموسمية يضاعف خطر الإصابة ب‍‍‍‍‍‍ـ «الخنازير»



وينيباغ - الرياض - موسكو - يو بي أي - أ.ش.أ -
ربطت دراسة كندية جديدة بين اللقاح ضد الانفلونزا الموسمية وتضاعف خطر الاصابة بفيروس اتش1 ان1 المعروف ب‍‍ «انفلونزا الخنازير».
وافادت صحيفة غلوب اند مايل الكندية ان تقريرا يخضع حاليا للمراجعة اشار الى ان الاشخاص الذين لقحوا ضد الانفلونزا الموسمية هم عرضة اكثر بمرتين للاصابة بانفلونزا الخنازير.
ولا يسمح للعالمين دانوتا سكورونسكي من مركز كولومبيا البريطانية للسيطرة على الامراض، وغاستون دو سير من جامعة كيبيك بالتعليق على اكتشافهما قبل نشر الدراسة. وتقوم لجنة دولية حاليا بمراجعة بيانات بحثهما.
وحتى الآن، انحصر وقع هذه الدراسة على كندا فقط، حيث قامت وزارات الصحة في مقاطعات كيبك والبيرتا وساشاتشيوان واونتاريو ونوفا سكوتيا، الأحد بتعليق التلقيح ضد الانفلونزا الموسمية لجميع الاشخاص دون 65 عاما.

احترنا

لقاح الانفلونزا الموسمية اللي بالمدارس هو اللقاح اللي نفسة بالتقرير

والدليل انة الدولة قالت بيوصل اول الشهر لقاح ضد الخنازير ( مع تغير المسمي )

فكرت لقاح عادي المذكور بالورقة بعد هالتقرير بديت اشك انة لقاح h1n1

غيرت راي مب موافق علي تطعيمهم

من توكل علي الله فهو حسبة

[alphaqatar]

يزاك الله خير أخوي على هالمعلومه

وأذا كانت صحيحه الله المستعان

[الطيبة كلها]

واي وقعت على اوراق بناتي بالشويفات بالموافقه الحين بخلي ريلي يروح يسحب الاوراق جزاكم الله الف خير

[black@white]

ما اعتقد ان يغيروا اسم التطعيم عشان الناس تطعم من وين جاكم هالتاكيد
اعتقد لازم نرقى بتفكيرنا شوي
من راي يكفي اشاعات وبلبلبه في هالمواضيع الناس مو ناقصه والكل متوتر بصراحه في هالوقت

[M!ss_P!nk]

تعبنا من هالمواضيع .. بليز لحد يأثر على الاهالي .. بروحهم اللي فيهم يكفيهم

[دنيا جديده]

لاحووووووووووووول ولاقووووووة الابالله

[قناص الخليج]

انا سئلت دكتور قالي لقاح الانفلونزا الموسميه مافي خوووف منه

لكن لقاح انفلونزا للحين مش مجرب

وبعدين لو تخفون من هل المواضيع والله واحد من الربع راجع من امريكا يقووولي مافي ضجه مثل الى عندنا بالدوحه الامور ماشيه احسن مايكوووون لكن احنا عندنا حب التخويف والموامره و ... و... و....

الشي الثاني والمهم ان عيالنا ياخذووون هذا اللقاح بجدول التطاعيم وقبل ظهورانفلونزا الخنازير والحمدالله مافيهم شيء

[aljaber1]

والله ما ندري احترنا في امرنا
لو القرار يخص الشخص بنفسه بيتخذه وبيتحمل عواقبه
اما الابناء لو حصل لاقدر الله اي مضاعفات او لم تفعل
وحصل مكروه ستصبح مؤنب الضمير طوال العمر
اين دور الصحه في ارشاد الناس وتوجيههم
وسائل الاعلام لماذا الصمت لما لاتستضيف المختصين
من اصحاب الاختصاص وتوضيح الامور للعامة

[qatar919]

لا حوله ولا قوة إلا بالله

من قال 3 مرات صباحا و مساء:

بسم الله الذي لا يضر مع اسمه شيء في الأرض و لا في السماء و هو السميع العليم"
فإنه لا يضره من أمره شيء

(حديث للرسول صلى الله عليه وسلم)

توكلو على الله وكل واحد يعلم اعياله هالكلامات وان شاء الله مايصيبه شي

[غــلآ عمــري]

يآنـــآآآس ليش هالاشآعــآآآت

آنآ وحده آشتغل في مستشفى حمـــــــــد والابر هذي هي نفسهآ اللي خذنآهآ بالحج يعني بس (للانفلونزآ العآديـــه)

ليش تحبوون تكبرون الموآضيـــع وآي آشآعه تصدقونهآ

اللي مآيبي يتطعم هو حر بس لآيلوووم النآآس آذآ جآه المرض..

كم وآحد فيكم خذ تطعيم الانفلونزآ قبل الحج والا العمره ..(هل صآر فيــه شي) آو حس بآعرآض جآنبيـــه..؟؟؟ "آتمنى آلرد من اللي جربوهآ.."

بذمتكـم لمآ التطعيــم يكون فيــه آي خلل هل مجبورين نعطيــكم آيآآآه ترى الاروآآح مو لعبـــه..

وبآلاخيــر (آلله آلحآفـــظ)

آسمحولي على هالكلآم بس آلصرآحه ترفعوون الضغط.. لمآ يوصل (مصل h1n1) لآحد يآخذه..وآصلآ لمآ يكون فيــه آمرآآآض مآرآح آحد يتطعـم..