الف مبروك والله يوفقك ويرزقك من اوسع الابواب
والله شاهد انك ما قصرت مع من راسلك برسائل خاصة
بالمبارك عليك وتستاهل الخير
اخوك توني بادي معاهم وعلى الله ماطول السالفه
بخصوص بدل الأثاث هاذي ماعندي فكره عنها , هل هي عن طريق بنك التنمية او عن طريق العمل ؟ وهل تعتبر منحه أو من ضمن القرض ؟
تنورنا الله ينور عليك
الله يبارك فيك اخوي حمد .. وفالك المليار ان شاء الله يالغالي .
انا حاظر لك ولكل الاخوان والاخوات الاعضاء يا بوفيصل
ويعل ربي يوفقك ويوفق الجميع ان شاء الله .
تامر أمر يالغالي .. وحاظرين للطيبين .
وأبشرك .. ان شاء الله امورك بتخلص بسرعه بمجرد تكمل جميع المستندات المطلوبة منك .. وبمجرد تسلم اوراقك كامله .. بتاخذ الشغله معاهم كحد اقصى 10 ايام وبتلاقي الفلوس نزلت بحساب الي شريت منه العقار .
اما بخصوص منحة بدل الأثاث يالغالي .. فكما هو مسماها : ( منحه ) من ابونا بومشعل .. عطية ما وراها جزية .
وبتستحقها بعد ما تنزل الفلوس في الحساب مباشرة .
وكل الي عليك انك تروح لبنك التنمية لما تنزل الفلوس .. وبيعطونك كتاب موجه لادارة الاسكان الي قريبين من محطة بترول الاندلس .. وتعطيهم هالكتاب وبيحولون معاملتك للمالية .. وبعدها بحوالي اسبوع .. ترجع لهم مرة ثانية عشان تستلم شيك بمبلغ وقدرة / 50.000 ريال قطري .
وذلك عن ( منحة بدل أثاث ) .
بالتوفيق ان شاء الله .. وعقبال ما تبشرنا انك خلصت امورك وياهم على خير ان شاء الله .
بيض الله وجهك و جعلها في ميزان حسناتك
وان شاء الله نبشركم با لأخبار الطيبه
نسيت اسالك اخوي
بعد ادخال بيتك على الدولة واستلام مبلغ بنك التنمية ....
هل ستذهب الى ادارة التخطيط وتطلب تعويض بدل الارض ؟
وما قيمة التعويض ؟
ووجهك ابيض يالغالي
بالتوفيق ان شاء الله
لا يا بوفيصل
ما راح اطلب تعويض بدل الارض يالغالي لان حسب النظام المتبع .. لا استحق هذا القرض .
مليون و 200 حلوين وانا اخوك ههههههههههه
بسنا فلوس يا حسين
تستاهل الطيب يالغالي والله يبارك فيك ان شاء الله .
شكرا لمرورك الكريم .
يا مرحيا اخوي مضارب مبتدىء
بالنسبة يالغالي لقيمة القسط الشهري على مبلغ المليون و 200 الف ريال هي : 3745 ريال
وعلى 35 سنه .
وبالنسبة للبداية وايش تسوي .. لا تشيل هم كلش يالغالي .. راجع الخاص عندك .. وفالك طيب ان شاء الله
اخوي شيك الخاص
يعطيك العافيه مقدما ^_^