@@ الي حصل بيت ويبي يدخله لبنك التنمية .. يتفضل يدخل @@

[حمد]

أبشركم

المليون و 200 الف ريال

نزلت في الحساب
والباقي الحين استلام شيك بدل الأثاث : 50.000 ريال .

قالوا لي خلال الاسبوع القادم بيكون جاهز .. وتعال استلمه .

على بالهم بخليه لهم .. ما لهم أمل


الحمدلله رب العالمين .. احنا بنعمه مالها مثيل .. وكله من فضل الله سبحانه وتعالى وخيره .. وخير ابونا وقائدنا الشيخ حمد بن خليفة ال ثاني حفظه الله ورعاه وأطال بعمرة يا رب .

انا اعتبر نفسي مريت بتجربة تاريخية .. وخلصت منها .. والوعد مع بنك التنمية بعد 35 سنه ( يالله السلامة ) لما ينفك الرهن الي على البيت

واي اسأله بهالخصوص .. انا حاظر وفي الشوفه .

بالتوفيق لكل مواطن ومواطنه ان شاء الله .


مالكم أمل .

مبروك وتستاهل

[BuFaisal]

الف مبروك والله يوفقك ويرزقك من اوسع الابواب
والله شاهد انك ما قصرت مع من راسلك برسائل خاصة

[باتريوت]

بالمبارك عليك وتستاهل الخير

اخوك توني بادي معاهم وعلى الله ماطول السالفه

بخصوص بدل الأثاث هاذي ماعندي فكره عنها , هل هي عن طريق بنك التنمية او عن طريق العمل ؟ وهل تعتبر منحه أو من ضمن القرض ؟

تنورنا الله ينور عليك

[خليفـة]

مبروك وتستاهل

الله يبارك فيك اخوي حمد .. وفالك المليار ان شاء الله يالغالي .

الف مبروك والله يوفقك ويرزقك من اوسع الابواب
والله شاهد انك ما قصرت مع من راسلك برسائل خاصة

انا حاظر لك ولكل الاخوان والاخوات الاعضاء يا بوفيصل
ويعل ربي يوفقك ويوفق الجميع ان شاء الله .

بالمبارك عليك وتستاهل الخير

اخوك توني بادي معاهم وعلى الله ماطول السالفه

بخصوص بدل الأثاث هاذي ماعندي فكره عنها , هل هي عن طريق بنك التنمية او عن طريق العمل ؟ وهل تعتبر منحه أو من ضمن القرض ؟

تنورنا الله ينور عليك

تامر أمر يالغالي .. وحاظرين للطيبين .
وأبشرك .. ان شاء الله امورك بتخلص بسرعه بمجرد تكمل جميع المستندات المطلوبة منك .. وبمجرد تسلم اوراقك كامله .. بتاخذ الشغله معاهم كحد اقصى 10 ايام وبتلاقي الفلوس نزلت بحساب الي شريت منه العقار .

اما بخصوص منحة بدل الأثاث يالغالي .. فكما هو مسماها : ( منحه ) من ابونا بومشعل .. عطية ما وراها جزية .
وبتستحقها بعد ما تنزل الفلوس في الحساب مباشرة .
وكل الي عليك انك تروح لبنك التنمية لما تنزل الفلوس .. وبيعطونك كتاب موجه لادارة الاسكان الي قريبين من محطة بترول الاندلس .. وتعطيهم هالكتاب وبيحولون معاملتك للمالية .. وبعدها بحوالي اسبوع .. ترجع لهم مرة ثانية عشان تستلم شيك بمبلغ وقدرة / 50.000 ريال قطري .
وذلك عن ( منحة بدل أثاث ) .

بالتوفيق ان شاء الله .. وعقبال ما تبشرنا انك خلصت امورك وياهم على خير ان شاء الله .

[باتريوت]

بيض الله وجهك و جعلها في ميزان حسناتك

وان شاء الله نبشركم با لأخبار الطيبه

[BuFaisal]

نسيت اسالك اخوي
بعد ادخال بيتك على الدولة واستلام مبلغ بنك التنمية ....
هل ستذهب الى ادارة التخطيط وتطلب تعويض بدل الارض ؟
وما قيمة التعويض ؟

[كاتم المواجع]

تستاهل ومبروووك

[مضارب مبتدئ]

أبشركم

المليون و 200 الف ريال

نزلت في الحساب
والباقي الحين استلام شيك بدل الأثاث : 50.000 ريال .

قالوا لي خلال الاسبوع القادم بيكون جاهز .. وتعال استلمه .

على بالهم بخليه لهم .. ما لهم أمل


الحمدلله رب العالمين .. احنا بنعمه مالها مثيل .. وكله من فضل الله سبحانه وتعالى وخيره .. وخير ابونا وقائدنا الشيخ حمد بن خليفة ال ثاني حفظه الله ورعاه وأطال بعمرة يا رب .

انا اعتبر نفسي مريت بتجربة تاريخية .. وخلصت منها .. والوعد مع بنك التنمية بعد 35 سنه ( يالله السلامة ) لما ينفك الرهن الي على البيت

واي اسأله بهالخصوص .. انا حاظر وفي الشوفه .

بالتوفيق لكل مواطن ومواطنه ان شاء الله .


مالكم أمل .

الف مبرووك اخوي,,,,, بس سؤال اخي الكريم كم قيمة القسط؟

بالنسبة لي رحت بنك التنمية وعطوني الاوراق مثل ماقلت اخوي بس ما اعرف من
ابدا وش اسوي الحين؟؟؟

[خليفـة]

بيض الله وجهك و جعلها في ميزان حسناتك

وان شاء الله نبشركم با لأخبار الطيبه

ووجهك ابيض يالغالي
بالتوفيق ان شاء الله

نسيت اسالك اخوي
بعد ادخال بيتك على الدولة واستلام مبلغ بنك التنمية ....
هل ستذهب الى ادارة التخطيط وتطلب تعويض بدل الارض ؟
وما قيمة التعويض ؟

لا يا بوفيصل
ما راح اطلب تعويض بدل الارض يالغالي لان حسب النظام المتبع .. لا استحق هذا القرض .
مليون و 200 حلوين وانا اخوك ههههههههههه
بسنا فلوس يا حسين

تستاهل ومبروووك

تستاهل الطيب يالغالي والله يبارك فيك ان شاء الله .
شكرا لمرورك الكريم .

الف مبرووك اخوي,,,,, بس سؤال اخي الكريم كم قيمة القسط؟

بالنسبة لي رحت بنك التنمية وعطوني الاوراق مثل ماقلت اخوي بس ما اعرف من
ابدا وش اسوي الحين؟؟؟

يا مرحيا اخوي مضارب مبتدىء
بالنسبة يالغالي لقيمة القسط الشهري على مبلغ المليون و 200 الف ريال هي : 3745 ريال
وعلى 35 سنه .
وبالنسبة للبداية وايش تسوي .. لا تشيل هم كلش يالغالي .. راجع الخاص عندك .. وفالك طيب ان شاء الله

[SPIRIT_OF_QATAR]

اخوي شيك الخاص
يعطيك العافيه مقدما ^_^