-
سؤال لأهل الاستيرات ( تكاليف الشنحة ) !
السلام عليكم ورحمة الله
عندي سؤال واللي عنده معلومة ياليت يفيدني فيها ... حاب استورت بضاعة من برع طبعا بضاعة تجارية
وش التكاليف اللي بتفرض علي من حين قدوم الشحنة للدولة !
-
,
,
مرحبا اخوي
ما حددت البضاعه عن طريق البر او الميناء ؟؟ في فرق
اذا عن طرريق الميناء
طبعا راح تحط مخلص بضاعه ( منفيس ) مكتب التخليص ممكن يكلفك 500 ريال
وعندك طبعا ( جمرك ) 4 % واحيانا 3% من مجموع قيمه الفواتير
وقانون التعرفه الجمركيه لدول مجلس التعاون 5 % من مجموع الفواتير المقدمه
هناك بعض السلع معفيه من الجمارك زي الفواكه والخضروات وصناعه دول مجلس التعاون
معفيه من الجمارك
وهناك سلع عليها 100% جمرك زي التبغ ومشتقاته
وهناك مبلغ تدفعه يسمونه ( ارضيه ) تدفع على المكان الي تنزل فيه بضاعتك في الميناء
الى حين اخراج البضاعه ( لاتحتاج دفع ارضيه اذا عن طريق البر )
راح تحتاج نقل البضاعه ( نقليات )
راح تحتاج ( مخزن ) لتخزين البضاعه
,
,
اخوك
شموخ دائم
التعديل الأخير تم بواسطة شموخ دائم ; 12-10-2009 الساعة 04:10 PM
-
مشكور ياشموخ على التوضيع وكفيت ووفيت
بالنسبة للبضاعة فهي أدوات مكتبية وعن طريق الميناء
سؤالي بارك الله فيك هل الجمرك ٤٪ غير عن التعرفة الجمركية ٥٪ يعني المجموع ٩٪ يستوي !
-
,
,
مرحبا اخوي
راح تدفع مره وحده اما 4 % او 5 %
على حسب مكان البضاعه اذا راح يطبقون عليك شروط مجلس التعاون
راح تدفع 5 % من مجموع الفواتير
على سبيل المثال اذ بضاعتك بـ 100 الف
راح تدفع 5000 ريال
اهم شي اخوي فواتيرك واوراقك صحيحه ومرتبه ومختومه
من المكان الي استورتها منهم
انا اقصد ما تكون البضاعه بـ 100 الف ومكتوب بالفواتير 50 الف
راح يقيمونها ومايمشون على الفواتير اذا حسو ان فيها تلاعب
ويطبقون عليك غرامه
الله يبعد عنك الغرامات وعن الجميع
بالتوفيق والله يرزقك بالرزق الحلال
,
,
اخوك
شموخ دائم
-
عز الله أنك كفيت ووفيت
لاهنت يالشيخ وعساك ذخر
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
رد مع اقتباس