(هلا بالطيب الغالي)...
هلا بالطيب الغالي ؛؛؛ عزيز وشوفتك منوه
ترى ماجى على بالي ؛؛؛ اشوف اعيونك الحلوه
هلا يا مطول الغيبه ؛؛؛ من اقليبي أهلي به
يطير الطير بالعالي ؛؛؛ ومرد القدره إتجيبه
رقص من شوفتك قلبي ؛؛؛ بصدفه ساقها ربي
بلى ميعاد يا حبي ؛؛؛ تلاقى قلبك وقلبي
ومن شفتك تناظرني ؛؛؛ تغير كل ما فيني
لا عاد اكثر تحيرني ؛؛؛ ترى ما فيني يكفيني
صغير وخله يدلل ؛؛؛ احبه ولازم أتحمل
يقول أنه يخاصمني ؛؛؛ وينوي القول ولا يفعل
ولا يخفى عليك خافي ؛؛؛ احبك يا ذهب صافي
ولو تأمر على روحي ؛؛؛ ترى بحقك ما هو كافي
(هلا باللي له الخافق)...
هلا بالي له الخافق يهلي من الفرحه وروحي به تهلي
اذا شفته ولو بالنفس ضيقه تفرج كل همي واضمحلي
رفيع الشان عن درب الدنايا نضيف العرض عن ماعاب جلي
واذا صفا بدرب الحب وافي واذا عاهد بوعده ما يخلي
انا في عالم الاحلام هايم مدام اني بظله مستظلي
واذا جد النوى سامرت طيفه قرير العين وانور به محلي
ملك من كل حسن مايريده تخيل وافظل الباقي على الى
يحسبون انهم بالزين أيه وهم حاشو الا مايخلي
احسب الحب حب قد مظالي واثر ماكان من حب تسلي
الين الله رماني في طريقه ذقت الحب صدق وطحت كلي
(ولعتني)...
ولعتني وخلتني أنشد النـــاس
فضحتني ما بــــين ربعـــــــي الاثنين
يا صاحبي من عقبك البال منحاس
أصفق بكف الكف واشكي من البين
لا تحسب أن الصد والهجر نـــوماس
ترى الخطاء مسموح بين المحبين
أسقتني مــر العـــذابين في الكاس
وحرمت عيني لذة النوم يا زيـــن
حبك لقاء بالروح من غير مقياس
ما قلت لي أيش غيرك يا ريش العين
لا بأس يا سيد الغنادير لا بــــاس
مقبول ما جاء منك يا كــــامل الزين
(وقف)...
وقـف تـرا لـي مـع شفايفـك ميعـاد
بينـي وبيـن المـوت معسـول ماهـا
طـــق الـلـثـام ولا تـبـيـن لـحـسـاد
لا لا تـخـلـي كـــل عـيـنـن تــراهــا
فـي شفتـك جمـرٍ حَمَـر فيـه وقــاد
اغليـت انـا لـون الجمـر مـن غلاهـا
اخـاف مـن واهــج شفـايـاك يــزداد
يـحـرق ورود الـخـد واهــج سنـاهـا
رمشٍ علـى جـال النواعيـس صيـاد
ذبـح القلـوب الـي يتعـرض حمـاهـا
عقلي وقلبي منك في حرب وجهاد
واخــاف دق القـلـب مـيـل خطـاهـا
(ودعتك الله يا مسافر)...
ودعــتك الله يا مســــافر وناوي الفراق
ما قــــدر الله يكـــون
من يوم نويت السفر قلبي تقطع وضاق
يا خلي ما هو سوى
لمــن نـــظرة للسفر البر والبــحر ضــاق
وقــــلت : يالله تعود
والله لو يزعلوا البــصرة وأهل العـــــــراق
أنت القمـر والنجـوم
ودعــــت يا هاجسي مالك ومال الضنون
الحــب ما له دوى
البارحة يا حبيبي زادت عليّ الشجون
قلبي أنشغل وانكوى
(وين أنت يا سيد المزايين)...
وين أنت يا سيد المزايين وين أنت 00وين أنت يللي شوفتك من حياتي
عز الله انك في عــذابــي تــفــنــنـت00خليتني بين الرجا والمماتي
مال الجروح اللي في قلبي دواء ألا انت00 بعدك يعذبني وقربك غناتي
أن ما حصل وصلك تراني تعذبت00 ونت السبب وعيونك الناعساتي
ما تدري انك في مصيري تمكنت00 وتلفت روحي يا شبيه المهاتي
ليتك معي يا نور عيني تجملت00 قبل الرحيل وقبل وقت الفواتي
اتمنى تعجبكم
رد مع اقتباس
لا ضاقت الدنيا عليك وتشاويـــــت ..
المشاركة الأصلية كتبت بواسطة اّل ثاني 77
