السلام عليكم ورحمه الله وبركاته
عندي مبلغ بسيط من المال والصراحة صايرة افكر بالمستقبل ودي احسن دخلي وافكر بحياة العيال ومااعرف ابتدي من وين وكل مااقول بسوي شي اقول اخاف اخسر وتروح علي فلوسي واندم
فشنو اكثر شي مضمون حتى لو ايدخلي ربح بسيط
السلام عليكم ورحمه الله وبركاته
عندي مبلغ بسيط من المال والصراحة صايرة افكر بالمستقبل ودي احسن دخلي وافكر بحياة العيال ومااعرف ابتدي من وين وكل مااقول بسوي شي اقول اخاف اخسر وتروح علي فلوسي واندم
فشنو اكثر شي مضمون حتى لو ايدخلي ربح بسيط
اللهم لا تحرمني سعة رحمتك، وسبوغ نعمتك،وشمول عافيتك، وجزيل عطائك،ولا تمنع عني مواهبك لسوء ماعندي،ولا تجازني بقبيح عملي،ولا تصرف وجهك الكريم عني برحمتك يا أرحم الراحمين
؟؟؟؟؟؟؟
اللهم لا تحرمني سعة رحمتك، وسبوغ نعمتك،وشمول عافيتك، وجزيل عطائك،ولا تمنع عني مواهبك لسوء ماعندي،ولا تجازني بقبيح عملي،ولا تصرف وجهك الكريم عني برحمتك يا أرحم الراحمين
حطيها وديعه في بنك اسلامي وفايدته ممتازه للمده اللي انتي تبي تحددينها سنه سنتين ....
والوديعة هي
انج تحطين مبلغ معين عندج في البنك
وهم يشتغلون لج بالفلوس
وبنهاية المدة اللي انتي تحددينها
3 شهور او 6 شهور او سنة او اكثر
يرجع لج المبلغ كامل + نسبة الارباح
وبالتوفيق لج
الوديعة عليها عائد بسيط جدا ولكنها مضمونه..
كل راس مال وله مشروع مناسب .. يعني على حسب كم راس مالج ممكن بعدها تحددين المشروع
الله يوفقنا واياك
اختي ممكن تبتدين بشغله بسيطة لان راس المال الي عندج بسيط
اعطيج اقتراحي وانا اشوف وايد صراحة انجحو في هالمشروع ..
لو كنتي تجيدين الطبخ .. انصحج تجيبين شوية عاملات وتاخذين رخصة مطعم وتسوين طباخ في البيت
مثل بوفيهات او اكلات شعبيه او حلويات .. هالمشروع وايد بنات اسبقوج فيه ومدخولهم ممتاز
خصوصا لو كان الاكل حلو ..
وغير في ناس تسوي عقود شهرية ريوق وغيره .. مشروع بسيط راس ماله بسيط بس اهم شي النظافة والطعم والاسعار المعقوله
اختي بالنسبة للمبلغ اللي عندج حطيه وديعة في مصرف قطر الاسلامي لمدة سنة وتجدد تلقائي.... والله يرزقج من واسع فضله....
شوفي أختي ، أنا من وجهة نظري المتواضعة أشوف مبلغ 50,000 ريال في هالوقت ما تفتح مشروع ولا تسوي شي ، بالعكس بتخسرين فلوسج ، وإقتراحي هو نفس ما قالوا الأخوان تحطينها وديعة في بنك إسلامي لمدة 3 شهور وتا خذين أرباحها وبعيد تردين المبلغ مرة ثانية وديعة أحسن لج ..
والله يرزقج الرزق الحلال الطيب .
اللهم آتنا في الدنيا حسنة وفي الآخرة حسنة وقنا عذاب النار
أستغفر الله الذي لا إله إلا هو الحي القيوم وأتوب إليه
تبين نصيحتي دخليه في الورة
أشتري عراوي 2009 بأ 60.000 وكل شهر 4000 ريال
لمدة 6 اشهر قابلة للتجديد وإذا ماجددوا أقلبيها باسم عيالج ودخليه مرة ثانية وهكذا