السلام عليكم
حبيت اني اكون عااادل
يعني شلون
مثل مااحطيت موضوع عن رحلتي في ربوع المملكه !!
فقلت ماايصير والله اترك بلادي قطر بدون صور ولا رحله ولا بطيخ !!
طبعا للاسف رحلتي المره هذي انتقاديه من الدرجه الاولى !
لاني دخلت مكان ! بس مو مكان عادي !! مكان مشوق كانك في مدينه تم اندثار اهلها !!
المهم رحلتي بداتها من مدينه الكيماويات ! (( امسعيد )) حيث ان اصل الرحله الى الطعوس !!
ولكن جذبني شئ خيالي !! احببت ان اعرفكم عليه !
بسم الله نبتدي
طبعا اين تقع مدينه امسعيد الصناعيه !
تبعد عن الدوحه بمسافه 40 كيلو متر تقريبا !
فيها اكبر ميناء صناعي للسفن القادمه لتحميل الغاز والنفط وغيرها من بترو كيماويات
طبعا الشباب يذهبون الى هناك لا للعمل !! بل للمتعه !!!!
نعم ففيها اجمل طعوس الخليج من ناحيه التناسق الفيسولوجي
بحيث انك تقدر تتطعس وتسبح بنفس الوقت !! جنبا الى جنب ودون حواجز
زين اكيد تبون تشوفون المكان الي رحته !!
تفضلوا
@@@@@@@@@
@@@@@@@
@@@@@
@@@@
@@@
@@
@
اكيد اغلبكم بقول وشو ذااا !!
شجايب المخلب وييين رايح قاص علينا !
انتظروا وووووشوووووفووووا
نعم انها هي سيييينما امييير !!
مااااذااا ؟؟
ماهي سينما امير ؟؟
هي اقدم سينما في قطر ! و كانت اكبر سينما !! حتى اخرجت الدوله السينما الجديده في ذلك الوقت سينما الخليج والدوحه !!
واهل قطر الاصلييين الي كانوا يروحون السينما يذكرون سينما الحوطه !! الي كانت على مااتقد في فريج النجمه شاشه قماش وجهاز مثل البرجكتر يطلع لنا الفلم زمان اول تحول !!
زين نرجع للسينما
اول مااتدخل السينما تشوف ذيك الصاله الواسعه
طبعا ااانا بديت تصويري من مدخل الدرجه الثالثه اقل شئئ خبركم ارخص خخخخخ
الدرج الي يوديكم فوووق هذا يودي الى الدرجه الثانيه !! (( الي بو 15 في سينما الخليج والدوحه !! الحين قلبوا السعر 20 كانه ))
الغريب ان تصميم السينما تصميم انقليزي بحت !! يعني صايره افضل تصميم من ناحيه التصميم الخارجي والداخلي واعتقد انا شخصيا !! انها افضل من السينمات الحاليه الي كل وحده اضيق من الثانيه !!
نلاحظ هذا هو الباب الرئيسي للدخول !! وهو مصنع من الخشب الاصلي المانع للصوت !
طبعا هذا باب الدرجه الاخيره مثل مااقتلكم (( الدرجه السياحيه ))
تشوفون الباب للحين بصحته وبعافيه ولا كانه المكان مهجور من سنين !!
مممنوع التدخيين يا شباب
نشوف هنا حق المطافي ! لم يتم استعماله حتى الان لكن محموعه من المخربيين فلوه وعفسوا الخرطوم حق الماي !!
دشينا داااخل
ونشوفلكم المسرح الروعه (( لو تخيلناه طبعا ! ))
بنشوف قااعه مدرجه وقلت لصديقي قم نصعد فوق ونطقها صوره !
نشوف هنا مدخل الدرجه الثانيه وفوق مدخل درجه العائلات !!
وهذا هو المدخل من الجهه الشماليه للمبنى
وهذا الدرج المخصص لهم !!
درج تعبان بس يعني استر للعائلات
وهذا على نهايه الدرج تلقى المدخل من الجهه الشرقيه !!
شوفوا الدمار الي حاصل بالصاله !!
هذي طبعا مثل استراحه لدرجه العائلات !!
توديك الى الحمامات (( الله يعزكم )) وتودي لغرف التحكم في السينما !!
قلنا داام وصلنا الى هنا خلنا نكمل !!
ورحنا الى ....
افففففففففف رييحه لا تقولون شئ خيالي !!
مع انه مهجور بس شكله الى الان يستخدمونه !!
المغاسل اصليه ههههه مب موضه هل اليومين صيني ومعلق !! شوووفوا الفن
ثم اتجهت الى الغرفه المجاوره (( طلعت غرفه الشاي ))
استغربت انا !! قلت حتى السينما فيها غرفه للشاي
لما نزلنا تحت شفتلكم كرسي لحاله شوفوا كم ميييتيين سنه متيبس محله !!
تتوقعون من يجلس عليه الحين ؟؟
قلنا خلاص بنمشي لان الدنيه ظلمت وتدررررون اماكن المهجوره ررررعب
ماشفنا الا المفاجاه الكبرى !!!
كتب مدرسيه لشخص مهمل الظاهر شااارد من المدرسه !!!
ياااريت ابو صاحب الكتب يضبط ولده !! خلوه يذاكر بييتهم احس من السينما !
لاتعليق
وهذي هي الصاله لاصحاب الدرجه الثانيه !!
السينما من الخارج !! وذيك الفتحه الي على يدك اليسار الي طلعت منها انا !!! (( خبرك الباب مسكر ! ))
وهذا مدخل الدرجه السياحيه من الخارج !
المبنى من الخارج بشكل عام !
وهنا بنشوف اروع واحلى صوره الي يحبها قلبك انت وياه
مبنى عمال قطر للبترول (( صديقه البيئه ))
ان شاء الله استانستوا على الموضوع ولكم منا الف شكر
اخوكم مراسل المنتدى المخلب
رحله جديده في مدينه الدوحه وضواحيه قررررريبا وحصريا على قناه شبكه الاسهم القطريه انتظرونا !