حبيت أستشيركم في حاجــه :) حياكم

[بوخالد2]

السلام الله عليكم ورحمته الله وبركاته

اختى لاتنضربين مثلنا احنا 5 تريلات ونضربنا فيها في الشركه اللى شرد راعيها تحملي بس

[الرميله]

اسمحوا لي لان ردي شوي قاسي
راح يسهل لي عملية القرض والتسهيلات
يسهل في عينه اي تسهيلات يا بو تسهيلات انت
وهذا انتو تغترون بالاشكال
امبين عليه النعمه


انا ماابغي احلف
لكن لو تاخذين وتمشين في هذا المجال
راح تاكلين اصابعج مب اظافرج من الندم
وهذا مجال جنسيه معينه ( ....)
وكلهم عصابااااااااااات

[بوحمد2]

السلام عليكم ورحمة الله وبركاته

كيف الحال يا جماعه الخير .. !!

عساكم على القوة ... بصراحه ماعرفت وين احط هذا الموضوع ولقيت افضل مكان هنــا

اليوم تقابلت مع شخص في الدوام من جنسيه أسيويه كان يتكلم بخصوص تجاره تأجير الشاحنات على الشركات وكان يتكلم عن المردود المـادي وإن سوق هذه التجاره بالذات ماشي طول السنه وان عنده شاحنتين مأجرهم ووالده عنده حول 52 شاحنه وبيني وبينكم يبين عليه الخير ما شاءالله والله يوفقه....

يعني بالعربي شدني كلامه ... ومن خلال حديثي معاه أبديت له رغبتي في التجاره وزياده مدخولي المادي ... المهم قال انه راح يشرحلي بشكل عام عن هذه التجاره خلال الفتره القادمه بإذن الله ... وراح يساعدني في الدخول في هذا المجال إن ربي وفقني .وراح يسهلي موضوع الفيزا والقرض لو فكرت اخذلي شاحنه وأستأجرها.. وأتفقت معاه على اجتماع لمناقشه هذا الموضوع

زبدة الكلام ..

انا متشوقه لمعرفــه جو هذه التجــاره .. ولكــن ليس عندي أدناة دون أو حتى خلفيه بسيطه عن هذا الموضوع .. فا يا ريت الي عنده اي خلفيه عن هالموضوع يفيدنــي .. واذا كان فعلآ الموضوع جيد أو مشكوك فيه .. يعني ودي ابرز له أسألــه على الأقل استفيد منها في الأجتماع!!

لأني انا في كلا الحالتين راح أسوي معاه اجتماع وراح نناقش هذا الموضوع ... ولكني وددت أن أضع الموضوع هنا بين يديكم لثقتي الكبيره فيكم وفي ارائكم (( وما خاب من استشار )) ..


أخــتكــم ذوق

لللللللللللللللااااااااااااااااااااااااااااااااااا طقي بعيييييييييييد نصيحه

[ذوق]

تسلمون أخواني على النصايح...وماقصرتوا...وفعلآ استفدت منكــم وايد...(( يكفي ان وفرنا قرابه النص مليون من هذا الحوار المجدي )) .......... والله يوفقكم دنيا وأخره يا رب


أختكم

ذوق

[طير شلوى]

فكي عمرك اختي
ولاعليج من كلام الاسيوي هذا يبي يورطج

[المحاميه]

بكم التريلا؟ وشلون الواحد يحصله عقد؟

[قطري طموح]

والله ياذوق انا نويت ادخل هذا المجال وكنت ناوي اشتري لي تريلات كاش ووضعت الامر موضع الجد وقبل ان اضع ماخططته موضع التنفيذ كنت حريص على ان استفيد من تجارب وخبرات من سبقوني وبعد السؤال والتحري والله اكتشفت ان مافي احد ربح من هذي التجاره غير القله من الناس ولا اعرف كيف ، وعرفت ان النصابين في هذا القطاع اغلبهم على شاكلة هذا الاسيوي اللي تعهد انه سيسهل لك القروض .

[ريد قطر]

حبيبتي انا رفيجتي متزوجة اقنعت ريلها وخذت منه فلوس مع انه ما كان عاجبه وخذت شاحنه وناويه بعدها تاخذ الثانيه لان مردودها المادي حلو بس سنه وبعدها صار الي صار المهم ما تهنت فيها شرد .والحين متحسفة على لفلوس ومتفشلة من ريلها

[هام السحاب]

لو فيها خير كان ماشفتي ولا تريله واقفه
الصناعيه تطفح تريلات

[بزنس وبس]

يااختي الصراحه اغلب شغل التريلات واقف

الا اذا كنتي بتوقعين عقود مع شركات او تعطينها سايق

وبالتوفيق ان شاء الله