قال صلى الله عليه وسلم : « لئن أمشي في حاجة أخي حتى أقضيها، أحب إلي من أعتكف في مسجدي هذا شهرًا».
نتكلم بشكل مختصر عن اصدارات ويندوز 7 اللي لها استخدامات معينة ...
أولا Enterprise :
هذي النسخة مخصصة للشركات والمؤسسات وهي تقريبا نفس اصدارة Ultimate...
ثانيا Home Basic:
تشبه اصدارة Home Premium لكن بمواصفات أقل ... طبعا هذي النسخة ما راح تنباع الا مع الكمبيوترات ... وهي تستهدف الدول النامية ...
ثالثا Starter (البدائية):
أما هذي النسخة اسم على مسمى لأنها بدائية بمعنى الكلمة ... وتقريبا ما فيها أي مواصفات خاصة حتى شكل الوينوز راح يكون العادي بدون المؤثرات الخاصة ... لدرجة انك ماراح تقدر تشغل أكثر من 3 برامج في نفس الوقت ... هي تستهدف اللابتوبات الصغيرة اللي يسمونها Netbook ... وطبعا ما تقدر تشتريها الا مع اللابتوب ...
الفرق بين 64 bit و 32 bit
ما راح ادخل في التفاصيل لكن بذكر الاشياء الاساسية اللي تهمنا :
1) الفرق يعتمد بالدرجة الاولى على مواصفات الكمبيوتر اللي عندك ... وبالاخص البروسيسر ...
في الغالب ... اذا كان الكمبيوتر جديد راح يكون 64 أما اذا كان قديم راح يكون 32 ...
شلون تتأكد ... روح للكنترول بانل Control Panel... وبعدين System ... وبعدين اختار Advance ... وبعدين Environment Variables ... وانزل بالسهم تحت ... ( شوف الصورة اللي تحت) ...
إذا كان مكتوب x86 ... هذا معناه كمبيوترك 32 bit ...
أما إذا كان مكتوب x64 ... هذا معناه ان كمبيوترك 64 bit ...
2) ويندوز 64 ما راح ينزل على كمبيوتر 32 ... لكن ويندوز 32 ممكن ينزل على كمبيوتر 64 ...
لكن الفرق الاساسي ... انه ويندوز 32 ما يدعم أكثر من 4GB RAM ... يعني حتى اذا كان كمبيوترك 64 ومركب عليه 6GB رام مثلا بس نزلت ويندوز 32 (حتى لو كان xp) ... ما راح يشوف أكثر من 4GB ... يعني الباقي راح عليك وما استفدت منه ...
3) البرامج ... الحين راح تحصل انه من أي برنامج عندك النوعين 64 أو 32 ... إذا البرنامج 64 ماراح يشتغل على كمبيوتر 32 ... أما برامج 32 راح تشتغل على أي نوع من الكمبيوترات 64 أو32 ...
الحين التوجه ان كل البرامج راح تتحول الى 64 ...
هذا أهم الفروق ... طبعا أنا انصح اذا كان الكمبيوتر 64 انك تنزل عليه ويندوز 64 ...
التعديل الأخير تم بواسطة fhd4 ; 22-10-2009 الساعة 04:14 PM
شكراً على الشرح الوافي و الكافي
انا شيكت على كمبيوتري قبل لا تدخل بالتفاصيل وطلع 86 واستانست على بالي كمبيوتري 64 بت
بس عقب ما قريت التفاصيل طلع 86 = 32 بت
قال صلى الله عليه وسلم : « لئن أمشي في حاجة أخي حتى أقضيها، أحب إلي من أعتكف في مسجدي هذا شهرًا».
أفضل وأسرع وعملي أكثر من Vista بعد التجريب
تسلم على الموضوع
يعطيك الف عافيه اخ فهد عالشرح والتوضيح والافادة
انا نزلت ويندوز7 عدي وجربتو من شي اكتر من شهرين
واستخدامه كتير سهل وسلس وعم استناه لينزل واشتريه
ننتظر منك كل جديد