السلام عليكم ورحمة الله وبركاته ..
اخواني واخواتي .. عندي أرض مساحتها محترمة .. ناوي أبنيها خلال الايام القليلة القادمة بمجرد استلم الخرايط من المكتب الاستشاري .
نوع المشروع : فلة ( استثمار )
بس بتكون شغل محترم .. كل الغرف ماستر .. ملحق خارجي كبير .. مجلس خارجي كبير مع مغاسلة طبعا بالاضافة للمجلس الداخلي للفله .
انا فلوسي كاش .. وفي حسابي الجاري في البنك .. يعني ما راح يكون فيه أي تأخير في السيولة للمقاول أبدا .. وحاليا انا ادور على مقاول سمعته تكون طيبه .. وله ماضي محترم .
كلمت أحد المقاولين الي بنوا عنده ناس من قرايبي .. وقال لي :
ببني لك عظم فقط في 10 شهور !!!! والعذر انه مضغوط في الفترة الحالية .
قلت له اعتبرني ما اتصلت لك .. لان 10 شهور للعظم كثير من وجهة نظري .. وخصوصا ان فيه بعد العظم تشطيب وهذا يحتاج لوقت ايضا .. والي خلاني الغي الفكرة معاه ان فلوسي كاش فلماذا كل هذا التأخير ؟؟
رجاء من الجميع .. الي يعرف او مجرب مكتب مقاولات محترم ينصحني فيه و لا يبخل علي بالمعلومة .. واكون شاكر له .
وياليت يقول لي بالمرة كم السعر تقريبا للمتر عظم .. وكم السعر تسليم مفتاح ؟
لاني افكر اسوي تسليم مفتاح واشتري راحتي .
كفاية عوار راس .
في انتظار الردود وجزاكم الله خير .
مالكم أمل