السلام عليكم ورحمة الله وبركاته
مرحبا اخواني واخواتي ..
لدي رأس مال لا بأس به والحمدلله وأنا بصراحه مب فاضي أسوي مشروع وأدريه بنفسي ..
للي عنده المقدره لادارة مشروع في هذه المجالات
1.( بيع وشراء الهواتف)
2.( بيع وشراء الريسيفرات والساتالايت )
3. ( مغسلة ملابس بأنواعها)
4. ( بقاله )
أو أي مشروع أراه بنظري بأنه يستاهل أستثمر فيه..
وأنا بتكفل برأس المال كامل وبالنسبه للأرباح سوف نتكلم بتفاصيلها لاحقا"
أرجو الجديه في الطرح لأني فعلا" جاااااااد
,
,
بالتوفيق اخوي الكريم
الله يوفقك يارب
نصيحتي لك تتفق مع من بيشاركك بالجهد
ان يكون له نسبه ارباح تتفقون عليها من الربح
وتفهمه انه ليس شريك بالموجودات والاصول والسجل .. الخ
حتى اذا صرت تدفع المصاريف من ايجارات ورواتب واقصاد سياره ان وجد
وبعد كم شهر اذا ما مشى الحال لاقدر الله
تقدر تستبدل الشخص بمدير أخر
دون مشاكل وما يطالب بالموجودات على اعتبار انه شريك !!
هذه الامور دائما تصير
حبيت انصحك من واقع تجارب والله يوفقك يارب
اخوك
شموخ دائم
تسلم اخوي وما قصرت
وبصراحه هذا الي أنا أفكر فيه لأن فعلا" اذا مانجح الشخص في هذا المجال بشوف غيره يدير هذا المشروع
وتسلم اخوي وبيض الله وجهك
الله يوفقك أخوي، والله عندي مشاريع كثيرة وكلها بإذن الله تعالي ناجحة ومب تقليدية.. بس محتاجة راس مال وتفرغ، وأنا ماعندي راس مال كافي، وكلش ما أقدر أتفرغ.. الله المستعان..
إن شاء الله تلقى من يعابل واحد من هالمشاريع، وموفقين بإذن الله..
اللهم لا إله إلا أنت سبحانك إني كنت من الظالمين..
وش هي الضمانات لديموته الشراكة ... يمكن تربح وتحس أنك استغنيت عن الشريك وينقال له فمان الله
تسلم اخوي وبارك الله فيكالمشاركة الأصلية كتبت بواسطة sad-o-bas
وعسى الله يوفقك في تجارتك في الدنيا والاخره
مرحبا اخوي
أنا الي أعرفه ان الي يدفع رأس المال هو اللي يطلب ضمانات
وأنا قايل في بداية كلامي اني غير متفرغ نهائيا" لادارة اي مشروع واذا الي بيدير المشروع رجل فيه خير ويجتهد ويخاف الله بالطبع ماراح أنهي خدماته..
أو ان شفت انه انسان راعي لف ودوران بقبضه الباب
نصيحه ياخوي
افتح مشروعك بنفسك ووظف لك مدير براتب وبنسبه
ولا شريك ولاهم يحزنون
اذا شفت مامنه فايده قبظه الباب واستبدله بواحد ثاني
ترى انا مسوي كذي في مشاريعي
وبالتوفيق طال عمرك
اخوي انا بفتح مشروع ان شاءالله ولازم يكون الي ماسك المشروع مدير مجتهد وكفؤ في نفس الوقت
وياليت الي يعرف مدير كفؤ ويخاف الله يعطيني تفاصيله واذا يبي عموله بعد أنا حاضر
وجزاكم الله خير
شيك الخاص اخوي
نقوم بخدمه رجال الاعمال في قطر من سجلات ورخص وتأشيرات واستشاره مشاريع حسب قوانين قطر شكرا للتواصل عالخاص
ربي إن كان رزقي في السماء فأنزله وإن كان في الأرض فأخرجه وإن كان بعيدا فقربه وإن كان قريبا فيسره وإن كان قليلا فكثره وإن كان كثيرا فبارك لي فيه اللهم امين
ضوابط المشاركة
رد مع اقتباس