بخصوص افضل بنك لزياده فتره قرض

[hamoor4ever]

السلام عليكم اخواني

سؤال موجه لاصحاب البنوك واللي لهم خبره في هالمجال هل فيه بنك يعطي فتره لتسديد القرض على فتره اطول من 7 سنوات ، بصراحه اخواني بعد قانون الموارد البشريه صارت عندي لخبطه في التسديد بسبب نزول الراتب فهل في حد قدر يحصل على بنك يحل له المشكله مع العلم ان المطلوب فقط هو تحويل القرض من دون زياده على مبلغ القرض اي فقط لتقليل القسط الشهري

ياليت لي عنده فكره يفيدني بالشغله هاذي

وشكرا

[ذويبان]

مرحبا اخوي

اذا بغيت نصيحة مجرب

خلك على وضعك كم سنه وتخلص وتفتك ان شاءالله

هالحركه ماراح يسويها لك الا البنوك الربويه وصدقني

انك راح تندم طول عمرك

انا كنت في بنك اسلامي ونقلت والحين متوهق وباقي على القرض

14 سنه تخيل من 6 الى 18 وراح منها 4 سنوات والقرض

مكانك سَر ما ينقص.

والله يعنا ويعينك ويعيين اخوانا المتوهقين.

[qatar.1995]

ان شاء الله تالقى حد ايجاوبك

[السهم الملتهب]

نصيحة :

أبعد عن البنوك الربوية

خصوصا بنك قطر الوطني وبنك الدوحة

أن تورطت معهم لا سمح الله بتندم طول حياتك وبتنقلب حياتك الى جحيم


أنتبه نصحناك وكيفك

خلك على المصرف أو الدولي الاسلامي عشان الله يبارك لك فيما سعيت فيه


والله يوفقك

[مساهم عادي]

مثلا ماقالوا الزملاء....

تحمل تحول قرضك الى بنك ربوي....... والا بتتعلق بالدين دول عمرك..

ولا يغرك الكلام المعسول منهم إنهم بيجدولون الدين على 15 سنة مثلا وبخفضون القسط... مستقبلا بتكتشف انه هالكلام كذب في كذب.... وانه المدة الفعلية لسداد القرض متغيرة وغير ثابتة والله العالم القرض بينتهي في اي جيل من أولادك واحفادك...بعد مايخذون عشرين ضعف القرض الأصلي...


الحين الناس بالعكس تحول قروضها بالبنوك الربوية الى إسلامية ... علشان يعرفون شنو اللي لهم واللي عليهم...