السلام عليكم ورحمة الله
حبيت أحذر الأعضاء عند أستخدام الصراف الآلي للبنك التجاري القطري
على الكل عند سحب أي مبلغ التأكد منه وأنت قدام الصراف (تحت الكامبرا) قبل لاتدخل الفلوس بجيبك وعشان تعرفون السبب أقروا قصتي
من تقريبا ثلاث أسابيع ماكان في جيبي إلا 5 ريال فقط وكنت محتاج فلوس وقلت أسحب من الصراف الآلي
طبعاً كأي واحد دخلت البطاقه وأخترت المبلغ طلعت الفلوس حطيتها في البوك وتوكلت على الله بس للأسف لما طلعت الفلوس حصلت الفلوس ناقصه او بالأصح بدال ما يكون في جيبي 500 ريال طلع في جيبي
الخمس ريال (مالت حلال)
ورقتين من فئة الخمسين
وأربع ورقات من فئة الـ 1 ريال !!!! بدال الـ 100
طبعاً الوقت بين سحب الفلوس ولما رجعت طلعتهم من جيبي ما تعدى النص ساعة على طول أتصلت في بنكي وخبرتهم وقالولي انهم بيشيكون وبيردون علي هالكلام من فتره
خلال هالفتره كلمت أحد أصدقائي في البنك التجاري وقلتله الموضوع قالي عادي أصلا معظم الصرافين عندنا لما يعدون الفلوس عشان حطونها في المكاين يفصلون خدمة التشيك على التزوير لانها تاخذ وقت في التشيك وأحتمال يكون مخلوط بيت الأوراق فئة 100 ريال وفئات 1 ريال أو أي فئة ثانيه
ونطرت طول هالفتره على اساس اني انتظر المبلغ يرجعلي بس للأسف من كم يوم كلموني البنك وخبروني انهم طلعو الشريط وتأكدوا أني ما عديت الفلوس قدام الصراف وعلى قولتهم ان الفلوس اللي عندهم في الصراف الآلي صحيحه وما لي أي شي عندهم !!
وعشان محد يطيح بنفس الموقف اللي صادني وماراح اسامح بهالمبلغ اللي راح مع انه مبلغ تافه بس من حقي وفلوسي حبيت اكتبلكم القصه عشان تتأخدون الحذر وأتعدون الفلوس أول ما تطلع من الصراف الآلي