السلام عليكم ورحمة الله وبركاتة ,,,
حبيت أطرح هذة المعلومات للفائدة ,,
يوجد ملف أكسل مضغوط في المرفقات فية نفس الجداول المعروضة في الصور
هذة الأسعار لمكيفات السبلت لأغلب الشركات الموجودة في قطر
سويت هذة البيانات لأني كنت محتار في المكيفات ,, ولين الحين وأنا محتار
بصراحة ما إستقريت على نوع معين
كل هذة البيانات مأخوذة من الشركة نفسها
يعني مريت على كل هذة الشركات بنفسي وسألت مسؤولين المبيعات
والي يحير أكثر أنك لو طرحت سؤال في المنتدى ,, كلن بيغني على ليلاه وبيمدح مكيفة الي هو مجرب
بس بصراحة حسيت أن الأغلبية ما يمدحون LG كلش نادراً ما أحد يمدحة ,,
وإلمكيفات إلي يمدحونها بكثرة وقليل ما تجد أحد يذمها هي :
ترين + دايكن + فوجي + أو جنرال + متسوبيشي
بس أسعارها غالية بالنسبو لواحد يبني بيت العمر
البنيان يقصب الظهر ,, والله إنه هم أكبر من هم العرس الي يقولون عنة
عن نفسي شكلي بروح صوب مكيفات ( كارير ) أو ( ويست بوينت )
أرخص بكثير وقليل إلي يذمونها
ومد رجيلك على قد لحافك
سويت مقارنت أسعار بالمكيفات إلي أحتاجها
أحتاج عدد 16 مكيف
7 حجم (3طن)
8 حجم (2طن)
1 حجم (1.5طن)
شوفوا الأسعار كيف طلعت علي :
الترتيب من الأغلا إلى الأرخص
مكيفات ترين 89,300
مكيفات دايكن 85,800
مكيفات أو جنرال 81,400
مكيفات توشيبا 78,030
مكيفات فوجي 76,400
مكيفات ويست بوينت 71,600
مكيفات الزامل 66,900
مكيفات باناسونيك 66,800
مكيفات كارير 62,200
مكيفات سامسونق 55,650
مكيفات إل جي 54,280
ميتسوبيشي طلعت من الحسبة لأنهم ماعندهم حجم 3 طن أو 2.5 طن
وأنا أحتاج حجم 3 طن أو على الأقل 2.5
وش رايكم في الأسعار لأني محتار