أقتـ ـــراح

[قـطـريـه]

السلام عليكم

الا اهنيكم على المنتدى المفيد
رغم اني مسجله من كم يوم
لكن استفدت من المنتدى كثير
اتقراح لرسم مساحه من الترفيه في المنتدى

عمل قسم للتصاميم
ويكون خاص لتصاميم الدعائيه
لشركات يختارها المصميم
ليس مهم شركات مشهوره
شركات وهيمه
لكن يجرب نفسه في التصاميم الدعائه
وخاصه انه منتدى اقتصادي,,,,,,

[FG]

والله انا معاج بس اشوي فيه نوع من الدعايه
على العموم فكره حلوووه

[قطري]

عليكم السلام
اهلا بيك اختي واشكرك على شعورك الطيب
اي القسم الي تقصدينه هل هو قسم خاص
بالتصاميم يعني شغل جرافكس
اذا كان هذا هو القصد انا في بالي اعمل قسم
بأسم "بعيداً عن الاسهم" يحتوي على اي شي ثاني غير الاسهم
شكراً لك

[قناص قطر]

فكرة حلوه بعيد عن الاسهم

يعني غرفة الاستراحه والاسترخاء (( استراحة المحارب ))

ما شاء الله عليكم افكار وسرعه من الادارة في تلبية مطالب المساهمين وينكم يالمجموعه شوفوا المعامله الزينه

الله الموفق باذن الله

[qatar_moon]

انا اقترح ان يكون القسم حق سوالف العضاء ومتنفس لهم الي يبي يشكي همه وش صار له اليوم اذا خسر لاقدر الله

او حتى مجرد سوالف وضحك وغشمره بس اهم شي يكون في قسم الواحد يكتب فيه الي بخاطره

[sulai6i]

ما شالله عليكم

صدقوني المنتدى ما راح يتطور الا بمثل هذي الإقتراحات

الله ايسّر اموركم يارب

[قـطـريـه]

تسلمون اخواني واخواتي على الردود الطيبه

اخوي قطر ي انا اقصد قسم الجرافيكس
وانا مستعده اقدم اي مساعده تحتاجونها للقسم,,,,,,,,,

[رحال]

فكرة القطرية حلوة بس متميزين وشاطرين فيها البنات أكثر


لكن فكرة qatar moon مشوقة وفيها اثارة وتبادل خبرات وسوالف وشغل وقت الفراغ

وأحلى وأحلى 000 ومشكورين على الطرح والا ثراء

[قطري]

السلام عليكم
شكراً لك على اهتمامك بالمنتدى
اختي الكريمة المنتدى متخصص بالأسهم ومانقدر نفتح المجال
يعني اليوم قسم للجرافكس وبكره للبرامج ....الخ
بنفتح منتدى يشمل جميع الامور ومانطلع من محور الاسهم
شرايكم اي اقتراح نمشي عليه
رأي الاخ قناص قطر : غرفة الاستراحه والاسترخاء (( استراحة المحارب ))
ورأي الأخت قطر مون والاخ بوعبد الرحمن
او بأسم منتدى بعيداً عن الأسهم
بالمناسبة نبي نفتح منتدى بالعقارات شرايكم
شكراً لك على التفاعل

[بورصة مان]

هذا منتدى اقتصادي وخاص بلبورصة القطرية فقط واتمنى يستمر كذالك ولا يشتت الافكار وكل ما كان هذا الموقع مخصص كل ما اثمر اكثر والي يبي جرافك مع احترامي للكل يروع منتدى فية جرافك والي يبي يسولف فيى اماكن خاصة للسوالف ....اتمنى ان يكون الموقع في صورتة الجادة والهادفة ...((((((بورصة قطر )))) ولا مانع من اخبار تجارية وعقارية واعتقد منتدى عام ومنتدى شرعي الاسهم والمتديات الاخرى في هذا الموقع انشائت بعد دراسة عميقة وهذا ما يميز الموقع وبارك الله في الاخوان القائمين علية ....ولا حد يزعل مني هذا رايي فقط ..وشكرا