واتقولون يا ادارة المرور ليش الناس تسرع !!

[السد]

لين متى تخطيط الشوارع ما قاعد ينرسم بالصورة المطلوبة؟؟

دوار الكهرباء ( كلية الطيران سابقا) حاليا الطريق الدائري الخامس
وانتوا جايين من اشارات سلاح الجو متجهين الى دوار الكهرباء
خطين ورصيف للمشاة مساحته اعلى من الشارعين !!
لماذا لا يتم تكبير الشارع
يا ناس زحمة لا تطاق وعلى سبيل الذكر لا الحصر
الكثير من المدارس هناك والتي اذكرها
1- مدرسة موزة بنت محمد المستقلة
2- مدرسة ام حكيم الثانوية للبنات
3- مدرسة علي بن ابي طالب الاعدادية
4- مدرسة رابعة العدوية للبنات
5- المدرسة الباكستانية
6- الحضانة الامريكية
7- المدرسة الاكاديمية الامريكية
8- مدرسة الوفاء النموذجية
9- مدرسة الخليج العربي المستقلة
10 - المجلس الاعلى للتعليم

كذلك هناك طريق آخر طريق المنصورة ( بن درهم ) طريق واحد رايح جاي
المنطقة مكتظة سكانيا
عشرات العمارات

بس حادث واحد بسيط شوف شنو يصير من عرقلة للشارع

الى متى هذه الزحمة
المرور يقولون تقيدوا بالسرعة
وهم ما سووا شي للزحمة في هذه المنطقتين !!

[عـ العبيدلي]

والله صادق انا ساكن بهالمنطقه

زحمه مب طبيعيه
وترى في مدارس ثانيه غير الي دكرتها مثل الوفاء ..

وغير انها بين منطقتين سكنيتين ..

[yosif1]

انا الف الدوحة كلها ولا اجي هذا الدوار
اصغر دوار في الدوحة ومن اكثر الدواوير زحمة بالوحة

[السد]

انا الف الدوحة كلها ولا اجي هذا الدوار
اصغر دوار في الدوحة ومن اكثر الدواوير زحمة بالوحة

واللي اخوي مجبور انه يمر شنو يسوي
المشكلة خطين ( مساريين للسيارات ) فقط
وعندك خط ثالث فقط للانتظار
وكذلك عندك رصيف للمشاة يسع لسياراتين

يعني المجموع انه الخط يسع لخمس سيارات !!

[السد]

والله صادق انا ساكن بهالمنطقه

زحمه مب طبيعيه
وترى في مدارس ثانيه غير الي دكرتها مثل الوفاء ..

وغير انها بين منطقتين سكنيتين ..

والله الدوار هذا يجمع اربع مناطق سكنية مكتظة سكانيا!!
1- منطقة النعيجة
2- منطقة المطار القديم
3- منطقة الروضة ( الثمامة )
4- منطقة 46

[jajassim]

سيتم تعديل دوار الثمامة ،، اسوة بدوار ابوهامور لحين البدء في مشروع الطريق الدائري الخامس ،

فصلى على النبي ،، ولاتحرق أعصابك ،،

[فتى الجود]

شنهى المشكلة ياخوى

خل يضيقون على الناس
ويكون هدر من الوقت والمال

اليوم يفتتحون شارع من حارتيين وتاخذ لها همجة
وبكرة تجي شركة وتوسع أشوى وتاخذ لها همجة
وبعديين تجي شركة وتحفر حق الصرف الصحي وتاخذ لها همجة
وبعديين تجي شركة وتعدل الخطيين وترتبهم وتساويهم وتاخذ لها همجة
ووبعديين تتهاوش أشغال مع المقاول


فتظطر الدولة أنه تروح مكان أخر يسون فية شارع جديد
وبعديين يسونه من حارتيين وياخذ المقاول له همجة
وبعد تصير التوسعه وياخذ له همجة
وبعديين يجي مقاول الصرف الصحي وياخذ مقاول الصرف الصحي له همجة
وبعدين تجي شركة وتكبر الشارع وتاخذ لها همجة
وتتهاوش مه أشغال ويوقف الشغل


ياخى أشبلاكم خلو الناس تترزق الله

والمواطن القطرى يهدر منه الوقت وخيرات البلاد تظييع عادى

[غناتي1]

انتوا لو تشوفون الزحمة على الدوار المايل من دوار بني هاجر

مب طبيعية --

يعني متاخرين على مدارس الثانوية اللي في منطقة بني هاجرالجديدة

ومتاخرين على كليات قطر فاونديشن وعلى الدوامات وكله ضغط

الزحمة من دوار الغرافه الى دوار النصرية الى الدوار المايل

ومافيه حلوووول

[PIX]

سيتم تعديل دوار الثمامة ،، اسوة بدوار ابوهامور لحين البدء في مشروع الطريق الدائري الخامس ،

فصلى على النبي ،، ولاتحرق أعصابك ،،

وهل إضافة اشارات ضوئية للدوارات هو الحل الانسب والحضاري

ام إزالت تلك الدورات التعيسه والمتخلفه مروريا ودوليا

واستبدالها بأشارات ضوئيه فقط هو الحل الحضاري والتقني

او الاستعانة بأشغال والدخول في مشاريع تعجز اشغال عن تنفيذها

ام الاستعانة بخبراء من الخارج يهبرون ويفشلون ويختفون هو الحل

وين الحل

وين الحل

وين الحل

شكل الحل راح بحر بحر راح بحر راح

طيب منو الحل وكم عمره ومتى الله بيفرجها علينا

[الجوكر90]

ابدعت اخوي السد
ترى انا ماقريت الموضوع بس قريت الروضه >>> اسم منطقتنا
لالا اتغشمر
اصلا انا كل ماطلع من البيت الشارع العام فويهي واشوف الزحمه لين مرور المطار
ولاتشوف الظهر الحمدلله ان انا ماخذ هالدوار ولا اقرب صوبه الظهر كله جاي من خط المحرقه ( سلاح الجو)
ولا حاطين لك رادار روحه بس الرجعه مافي رادار يعني ادعس ع كيفك بس هالرادار حاطينه زينه خلاص مدخل مدخول زين ومب محتاجين الصوب الثاني وراح يخلونه يمكن يطلع شي يعني راتب 4 موظفين