حرام عليك تسألني هالسؤال اخوي ممنوع اللمسالمشاركة الأصلية كتبت بواسطة ممنوع اللمس
الله يوفقك يارب بس بعرف كم مساحة البنا وكم طلع عليك البيت
وياليت رقم عمال الطابوق لو ماعليك امر
شكلك ما قريت المشاركات في اول الموضوع
عموما .. مساحة الأرض الأجمالية حوالي 670 متر مربع
ومساحة البنيان 568 متر
وطلع علي البيت عظم + بلاستر + سور : 640.000 ريال لا غير
رقم المقاول : بتواصل معاك على الخاص يالغالي
بس الحين بروح اتغدى لان توني داش البيت
& الَلهُمَ إنَكَ عَفوٌ تُحِبُ العَفوَ فَاعْفوا عَنِيْ &
سعر ممتاز تقريبا
فشركتي مساحة البنيان 568 بـ 624800
ياليت رقم المقاول لو ماعليك امر والله يوفقك لان محتاج كم عامل طابوق
طبعا كل شي يعتمد عالخريطه بس هذا رقم تقديري 90% تقريبا
راجع الخاص يالغالي
وبالنسبة لسعرك .. ما ادري .. هل هو شامل السور ؟ ام لا ؟
اذا كان شامل السور .. فسعرك اكثر من ممتاز .. وبيبقى عليك ان يكون المقاول ممتاز ايضا في تعاملة وشغله معاك .
الله يوفقنا جميع
& الَلهُمَ إنَكَ عَفوٌ تُحِبُ العَفوَ فَاعْفوا عَنِيْ &
بنيان موفق يالغالي ............ وبيت عمر دايم بأهله
ملاحظاتي على حسب ماأعرف من البنيان .............. الأستشاري والمقاول شكل الشغل تجاري
الحفر لازم 120 سم .... القواعد تنبني بخراسنة من شركة معروفة ويصب على الخرسانة صبغ
قار أسود ويتغطا بنايلون لمدة يومين ............ الدفان يتم على مراحل أفضل من دفان مرة واحدة
حسب اللوحة مكتوب دور أرضي فقط .... الأفضل بناء الأساسات من العمدان وبالتالي يتم عمل صبية
الدور الأرضي .... وبعدها يجي عمل الطابوق للدور الأرضي ......... من خلال الصور ماشفت الصبية
للخرسانة بعد الدفان ومرحلة عمل الدرج والحديد المستخدم الشبك للخرسانة ..... تقبل مروري
مرورك على العين والرأس يالغالي
الغالية .. انت حكمت انه تجاري لاني ما صورت لك كل الخطوات خطوة خطوة ؟؟
اذا حكمك مبني على هذا الأساس .. فهذا شي يرجع لك اخوي
المهم انا صاحب العقار والبنيان اكون واثق ومقتنع من ان جميع الخطوات كانت بالطريقة الصحيحة والسليمة وتحت اشراف استشاري خبرة ومعتمد .
وللعلم يالغالي
لو بقعد اصور لك كل خطوة في البناء
بتلوع جبدي وبكرة البيت قبل لا انتهي من بنيانه
ما يسوى علي والله ههههههه
عموما
لاهنت على المرور الطيب
التعديل الأخير تم بواسطة خليفـة ; 25-06-2010 الساعة 01:35 PM
& الَلهُمَ إنَكَ عَفوٌ تُحِبُ العَفوَ فَاعْفوا عَنِيْ &
الصراحه انا ابني حاليا وقريب بشطب ان شاءالله
ولكن قبل لا ابني مريت على كذا واحد من المقاولين
ياخي ناس كذابه ماتراعي الله في شي كلن يحط سعر من عنده اللى يقول المتر 2000 واللي يقول 1200 او 1500 لين 900 وصلنا في بعض المكاتب ولكن مب كل شركه تبني نفس الثانيه في اللى يشتغل بضمير وفي اللى يشتغل بكذب بس همه الدفع والكاش
ولا يدري عن الشغل ياخذ كذا طلب بناء و تعال دور دورك بينهم متى ينزلون العمال عندكم
وتعال لين كلمته او طرشة الاستشاري يحاسبه يطلع لك بالف عذر علشان مايتغرم
المفروض من الدوله اتنزل قانون حق بتحديد سعر البناء وسعر الحديد
حاليا يقولك مافي حديد بالسوق علشان يرفعون السعر على الناس
الله يعين اللى مابنا لحد الحين
والعوض على اللى انضربوا من المقاولين
العام خلّي يسمع القلب لاصاح ..
.. واليوم مهما صاح ماهوب مسموع
الله يكون بالعون اخوي بوخالد
ولكن .. لو كل شخص فينا توجه لمقاول يتمتع بسمعة طيبة
ويكون مر بتجربة لهذا المقاول عن طريق اي حد من الاصدقاء او الاقارب
بتكون الامور واضحه بشكل افضل من التعامل مع مقاول ما نعرف عنه اي معلومة .
وفي جميع الاحوال وانا اخوك .. ما اعتقد ان الحل الأمثل ان الدولة تفرض على المقاولين اسعار معينه .. لان بالطريقة الحالية بتكون روح المنافسة موجودة .. والباقاء للأفضل وذو السمعة الطيبة .
اما في حال فرض سعر معين .. راح يكون الزين والشين بنفس الكفة .
شكرا لمشاركتك الكريمة اخوي
والله يوفقك ببنيانك وتخلص على خير
& الَلهُمَ إنَكَ عَفوٌ تُحِبُ العَفوَ فَاعْفوا عَنِيْ &
اخوي مالك امل
ممكن اعرف ماهي المواد المطلوبه للتشطيب
يعني انا راح ابني عظم وبلاستر مع تمديدات الصرف الحي والكهرباء مع السور
لكن ماهي المواد المطلوبه للتشطيب من اسمنت ومعجون مدري ايش
ياليت تذكر هالشي في موضوع منفصل كامل عشان الكل يستفيد
واسف على ازعاجك اخوي والله يوفقك
تحياتي لك
حياك الله اخوي سهوم المنايا
ومابه اي ازعاج يالغالي .. بالعكس شرفني مرورك كثيرا .
شوف يالغالي .. التشطيبات باختصار .. هي كل المواد الي يحتاجها المنزل
حتى يكون صالح للسكن مثل :
البلاط .. الرخام .. السراميك .. خلاطات واطقم الحمامات اعزكم الله .. كبتات واطقم المطابخ
الجبس والديكورات الداخليه لغرف والصاله والمجالس .. ابواب المداخل وابواب الغرف الخ الخ الخ ..
هذي كلها تعتبر من مواد التشطيب يالغالي .. وأُطلق عليها هذا الاسم لانك بمجرد تنتهي مرحلة العظيم والبلاستر والسور تكون انجزت المرحلة الرئيسية ودخلت في المرحلية النهائية حتى تتمكن انت وجميع افراد الأسرة الكرام من العيش في هذا المنزل وبراحة تامة ان شاء الله .
اتمنى تكون الصورة وضحت لك يالغالي .. وربي يكتب لي ولك وللجميع كل التوفيق بعون الله
& الَلهُمَ إنَكَ عَفوٌ تُحِبُ العَفوَ فَاعْفوا عَنِيْ &
هلا بك اخوي مالكم امل ومشكور على مساعدة الجميعحياك الله اخوي سهوم المنايا
ومابه اي ازعاج يالغالي .. بالعكس شرفني مرورك كثيرا .
شوف يالغالي .. التشطيبات باختصار .. هي كل المواد الي يحتاجها المنزل
حتى يكون صالح للسكن مثل :
البلاط .. الرخام .. السراميك .. خلاطات واطقم الحمامات اعزكم الله .. كبتات واطقم المطابخ
الجبس والديكورات الداخليه لغرف والصاله والمجالس .. ابواب المداخل وابواب الغرف الخ الخ الخ ..
هذي كلها تعتبر من مواد التشطيب يالغالي .. وأُطلق عليها هذا الاسم لانك بمجرد تنتهي مرحلة العظيم والبلاستر والسور تكون انجزت المرحلة الرئيسية ودخلت في المرحلية النهائية حتى تتمكن انت وجميع افراد الأسرة الكرام من العيش في هذا المنزل وبراحة تامة ان شاء الله .
اتمنى تكون الصورة وضحت لك يالغالي .. وربي يكتب لي ولك وللجميع كل التوفيق بعون الله
طيب السراميك مايحتاج الى اسمنت ورمل ومدري ايش وشنو افضل انواع الرمل لها
هذي الاشياء من اللي يجيبها انا والا اللي راح يعمل البلاط
هذي قصدي انا شنهي المواد اللي اجيبها اثناء مرحلة التشطيب
يعني شنو احتاج حق الصرف الحي اذا ماراح اسويها عند المقاول
وشنو احتاج حق السراميك
وشنو احتاج حق الديكور وشنو حق المكيفات
اتمنى انك فهمتني
تحياتي لك
ضوابط المشاركة
رد مع اقتباس