المشاركة الأصلية كتبت بواسطة مالكم أمل
هلا بك مسيو بوخالد
وشرفتني بمرورك الجميل
شوف الغالي
تقسيمك حلوا
وبالنسبة للحمامات اعزك والسامعين الله .. 3 * 3 مناسب جدا
و 3 * 2 بعد مناسب .. بس دام المساحه عندك كبيرة .. خلها 3 * 3 ابرك لك
بالنسبة طال عمرك لكيفية حساب المساحة لكل دور .. هذا الأمر لا تشغل بالك كثير فيه
فهذي وظيفة المكتب الاستشاري الي بيسوي لك الخرايط
كل الي عليك انك تقول للمكتب الاستشاري عن التفاصيل الرئيسية لكل دور
وتختار التصميم الي يناسبك .. طبعا مع المساحات لكل غرفة
ومسألة المساحة الأجمالية بيوجدها لك بطريقته الخاصة بالاستعانه ببرنامج الأوتوكاد الشهير
والخاص بالرسم الهندسي للمبنى .
بالنسبة للبنت هاوس .. ممكن توصل التكلفه لفوق المية الف ريال في حال كانت المساحة كبيرة جدا
اما لو افترضنا انك طلبت بنت هاوس مكون من غرفة بحمامها ومطبخ تحضيري صغير او غرفة غسيل مع الممر المؤدي لباب السطح .. استحاله يوصل للمبلغ الي ذكرته يالغالي
الا في حال كان المقاول الي تتعامل معاه اكبر حرامي في قطر
شد الحيل .. واربط حزامك مسيوا بوخالد
البنيان دوخة نوعاً ما .. وشر لابد منه
ولكن .. بمجرد تنتهي منه .. وتسكن بيتك .. راح تشعر بنشوة النصر الي لا يضاهيها
اي طعم اخر
بالتوفيق ان شاء الله