كلامك صح
لكن الناس يعرفون السعر الاستاندر
يعني من 1000-1200 ريال
وبعض الديكورات مثل ماتفضلت مثل القبب والارشات البارزة والوارش اللي فوق البارز
هذا كله يزيد عن المتر الاستاندر
واكيد كل الناس اللي بنو مرت عليهم هاي الشغلات مع مقاول محترم او فاشل
تحياتي
بارك الله فيك اخويالمشاركة الأصلية كتبت بواسطة moyen orient
مشكور على المرور الطيب وما قصرت
بو علاوي .. يعطيك العافية
وكلامك سليم
كل ما زادت التقويسات .. والقُبب والحركات الخارجية والداخلية .. كل ما زادت تكلفة قيمة البناء .
واتمنى انك تمر بنفس تجارب الناس الي تكلمت عنها
ولكن
مع مقاول محترم
& الَلهُمَ إنَكَ عَفوٌ تُحِبُ العَفوَ فَاعْفوا عَنِيْ &
كفيت ووفيت اخوي
ياريت الكل يعرف هالشي ويستفيد لاني والله تعبت من كثر الشرح للناس عندي بس اخر شي يسالني يعني كم بتاخذ على المتر ارجع اقسمهم على مساحت البنيان واقوله المتر طلع على سبيل المثال 2354 يرجع يقولي سعرك وايد غالي لقيت على المتر 1600 هههههههههههههه هذي احدا المواقف اللي ترفع الضغط
ولكم جزير الشكر
انه لقيت 1500
قوله له ياخوي تشطبيك وشو ؟
ممكن اسوي البيت فلين بعد بيطلع لك ارخص
وممكن يكون التشطيب 3000 ريال اذا البيت كله رخام وكشخة
جعله الله منزلا مباركاً....وعقبال ماتبني فلتك اللي بتسكنها
المشكله الي هالايام طايحين فيها المقاولين النصابين ان يجبرون صاحب البناء بشكل غير مباشر ان ياخذ استشاري من طريق معرفتهم الشخصيه ويقولون لصاحب البناء ان انت خلك في البيت ومايحتاي تعور راسك وتحضر وقت الصبيات واحنا بنسوي كل شي ههههههههههههههه
يعطيك العافيه اخوي على الموضوع المهم والي يجهله الكثر من الناس
وشكرا
رحبا اخوي جاسم قطر وشكرا لمرورك الكريم
فعلاً اخوي انا اتفق وياك ان كثير من الناس تجهل من أين أتت التكلفة الأجمالية للبناء ؟
وخصوصا لما يكون الزبون طالب مواصفات عاليه مثل عمل القُبب والتقويسات الهلالية داخل الفله .. وطالب كمية كبيرة من الأعمده والصبيات الخرسانه .
هنيه بتكون التكلفى اعلى بكثير من تكلفة البنيان ذات المواصفات الأستاندر العادية .
على كل حال .. المفروض على المقاول الذكي اخوي ان يوضح للزبون كل التفاصيل الي تتعلق بالتكلفة .. ويوضح له كل التفاصيل المتعلقه بالسعر حتى يكون في الصورة ويشرح له الفرق بين طلبة ذات المواصفات العالية .. وبين الطلب في حال كان بموافات استاندر .
بالتوفيق اخوي وجزاك الله خير على المرور الطيب
بارك الله فيك اخوي على المرور الطيب
رحم الله والديك اخوي
وماقصرت
انا ساكن بيتي من 10 سنوات ولله الحمد .. وما عدت افكر ببناء منزل للعمر غيره بصراحه .
المكان والموقع الي انا فيه ولله الحمد ممتاز .. وهذي الفله كما ذكرت هي للأستثمار
ولكني بنيتها بذمة وضمير على اعتبار انها بيت العمر
مشكور اخوي
كلامك صحيح يا بو جاسم وبمحله
ولكن
الزبون الذكي .. بمجرد يشوف المقاول يقول له : خذ الاستشاري من عندي ومش ضروري تحضر وقت الصبيات مع الاستشاري .. عليه ان يغادر مكتب هذا المقاول مباشرة .. ويعطيه اقنور طول العمر .
انا انصج وبقوة كل شخص يفكر يبني بيت للعمر .. ان يكون المقاول من جهة والاستشاري من جهة اخرى تماما .. وانصح وبنفس القوة ان يكون الاستشاري الذي سيشرف على عملية البنيان أجنبي الجنسية .. مثال : فلبيني .. هندي .. سيريلانكي
المهم ان لا يكون عربي الجنسية .. لان العربي المسلم للأسف الشديد انسان كسول ومهمل ويتقاضى عن كثير من الامور المهمه في البنيان ( الا من رحم ربي )
بارك الله فيك على المرور اخوي وما قصرت على اثراء الموضوع بملاحظتك المهمه
& الَلهُمَ إنَكَ عَفوٌ تُحِبُ العَفوَ فَاعْفوا عَنِيْ &
السلام عليكم ورحمة الله وبركاته
عوده من جديد .. ومتابعة لآخر التطورات التي وصلت لها في مرحلة البناء حتى الان
لنتابع الصور
هذه صورة تبين الواجهة الأمامية للمجلس الخارجي .
صورة تبين الواجهة الأمامية للفله .
صورة تبين احد جوانب الفلة ونلاحظ التقدم في الدور الثاني
والاستعداد حاليا للتجهيز لعملية الصبية بعد الانتهاء من صب الاعمدة ووضع الطابوق .
يتبقى وضع الخشب واعمدة الحديد طبعا.
في النهاية .. سأبقى على وعدي بأن اطلعكم كل المراحل اولا بأول اخواني واخواتي الاعضاء
حتى انتهي من كل عمليات التشطيب بعون الله .
دعواتكم جزاكم الله خير
وسلامتكم
& الَلهُمَ إنَكَ عَفوٌ تُحِبُ العَفوَ فَاعْفوا عَنِيْ &
يعطيك العافيه يالشيخ والله يبارك لك ويتمم لك على خير
وانا انشاء الله راح ابدى في القريب العاجل وحاليا اجهز الخرايط والله يعين ان شاء الله
[IMG][/IMG]
رحم الله والديك اخوي
والله يوفقك ان شاء الله
وأي شي اخوي تامر عليه انا حاظر وفي الشوفة ان شاء الله
& الَلهُمَ إنَكَ عَفوٌ تُحِبُ العَفوَ فَاعْفوا عَنِيْ &
ضوابط المشاركة
رد مع اقتباس