&& هذي تجربتي مع المقاولين وأسعار البناء .. حياكم &&

[خليفـة]

منزل مبارك
الدفعات 2-5 المفروض يكونون بعد العمل مو قبل
بالنسبة لغرامة التأخير المحكمة بتعطيك 1% بحد أقصى وإن شاء الله ماتحتاجه

يعطيك العافية يالغالي
ولكن اسمح لي اقول لك انك غلطان في ملاحظاتك الاولى والثانية :
الاولى :
اشلو بيوفر المقاول المواد اللازمة واشلون بيأجر البوكلين والعامل عليه قبل لا يستلم دفعة من المبلغ ؟؟

النقطة الثانية :
لو لاحظت في جدول الدفعات .. المبلغ المتبقي للمقاول 80 الف ريال .. وهذا المبلغ يستلمة المقاول بعد الانتهاء من العمل بالكامل .
معناتها ان شاء الله ما راح احتاج للمحكمة ولا لغير المكحمة في حال عدم التزامة بأي شرط من شروط العقد .. وفي حال تأخر التسليم بحاسبة من المبلغ الاخير ( 80000 ريال )


باختصار .. كل شي في الحسبان ان شاء الله

شكرا لمرورك الكريم اخوي

[bluelion]

طرح شيق ... الله يوفقك.

[صفقه]

اخوي ممكن اسم الشركه اللي وقعت معاها ورقم تلفونها ...

ورقم الشركه (( هــ )) واللي كنت على وشك انك توقع معاها واسمها

وهل هي شركات مصنفه ولا لا ؟؟

على الخاص الله يرضى عليك .

[bo_hamad]

السلام عليكم اخوي

أرسل لي رقمك ورايح اساعدك ان شاء الله

عندي مقاول ورايح اراويك عدة مشاريع له

وان شاء الله رايح يعطيك القيمة بعد اطلاعه للخرائط

وبالتوفيق يا الغالي

[خليفـة]

طرح شيق ... الله يوفقك.

جزاك الله خير اخوي
والله يوفقك انت بعد ويوفق الجميع يا رب
شكرا لمرورك الطيب

اخوي ممكن اسم الشركه اللي وقعت معاها ورقم تلفونها ...

ورقم الشركه (( هــ )) واللي كنت على وشك انك توقع معاها واسمها

وهل هي شركات مصنفه ولا لا ؟؟

على الخاص الله يرضى عليك .

دقايق اخوي وبرسل لك على الخاص ان شاء الله
شكرا لمرورك الكريم

السلام عليكم اخوي

أرسل لي رقمك ورايح اساعدك ان شاء الله

عندي مقاول ورايح اراويك عدة مشاريع له

وان شاء الله رايح يعطيك القيمة بعد اطلاعه للخرائط

وبالتوفيق يا الغالي

عليكم السلام اخوي بوحمد
بارك الله فيك وما قصرت يالغالي
انا خلاص .. وقعت العقد
ومب في حاجة لمقاول جديد
ويكن جزاك الله خير على عرضك الطيب
وفي ميزان حسناتك يالغالي
شكرا لمرورك الكريم

[الحاوي]

السلام عليكم
اخوي الله لايهينك اذا ممكن اسم الشركة او رقمها لان عندي بني هالايام

[الدوحة قطر]

يالله على البركه ان شاء الله

نبي عاد كل شي اول بأول من حجر الاساس على قولتهم ومن اول طابوقة تنحط لين ما تستلم ماتيح البيت انشاء الله

وكل شي نبيه بالصور

وربي يسهلك ان شاء الله

[خليفـة]

السلام عليكم
اخوي الله لايهينك اذا ممكن اسم الشركة او رقمها لان عندي بني هالايام

مرحبا الغالي
والله يالغالي في الوقت الحالي المقاول ما يقدر يستقبل طلبات جديدة لان ملتزم مع 4 مشاريع ومشروعي الخامس .
وهو ملتزم بمواعيد تسليم وما راح يقدر يفضي عمالة لبنيان جديد .
ولكن
أبشر .. اليوم بسأله عن امكانية استقباله لمشروع جديد وبرد عليك خبر ان شاء الله اخوي .
بالتوفيق الغالي .. وشكرا لمرورك الكريم

يالله على البركه ان شاء الله

نبي عاد كل شي اول بأول من حجر الاساس على قولتهم ومن اول طابوقة تنحط لين ما تستلم ماتيح البيت انشاء الله

وكل شي نبيه بالصور

وربي يسهلك ان شاء الله

جزاك الله خير يالغالي وما قصرت
أبشر وعلى خشمي .. بكون متواصل وياكم ان شاء الله من بداية الحفر الي بيكون يوم الاحد المقبل او الاثنين بالكثير .. وحتى دخول الماء والكهرباء للبيت ان شاء الله كما ذكرت من قبل .

شكرا يالغالي على المرور .. وعلى الدعوة الطيبة

[صفقه]

اخوي مالك امل ماطرشت لنا الطلب فديت خشمك ؟؟

[العنيد000]

السلام عليكم

اخوي لوسمحت اسم الشركه والرقم على الخاص