&& هذي تجربتي مع المقاولين وأسعار البناء .. حياكم &&

[كاتم المواجع]

صدقت اخوي وبالتوفيق

[خليفـة]

أرحب بجميع المتابعين لهذا الموضوع
وحبيت اوافيكم باالعروض الي جاتني حتى هذه اللحظة


أستأذنكم في البداية أنني لن أذكر أسم المكتب وذلك التزاما مني
بقوانين وتعليمات المنتدى
وبنفس الوقت .. حتى لا تكون هناك دعاية لهذا المكتب أو ذاك على حساب مشاركتي

المكتب ( أ )
سعر العرض المقدم لي : 865.000 ريال
بواقع : 1525 ريال للمتر ( ماله أمل معاي طبعا )
وذلك عن : بناء عظم + بلاستر + سور + عمل التمديديات الكهربائية والبايبات من غير المواد .


المكتب ( ب )
سعر العرض المقدم لي : 696.000 ريال
بواقع : 1227 ريال للمتر ( لاحظوا الفرق بين أ وبين ب .. 169.000 ريال فرق )
وذلك عن : بناء عظم + بلاستر + سور + عمل تمديديات الكهربائية والبايبات من غير المواد .


المكتب ( ج )
جاري الانتظار
وذلك عن : بناء عظم + بلاستر + سور + عمل التمديديات الكهربائية والبايبات من غير المواد .


المكتب ( د )
جاري الانتظار

وذلك عن : بناء عظم + بلاستر + سور + عمل التمديديات الكهربائية والبايبات من غير المواد .

للتذكير يا أخوان .. كل مكتب مريت عليه .. عطيته نفس الخرايط الي أملكها
وذكرت له حرفيا : سأعين استشاري شاطر يوجع قلبك .. ويحاسبك بالملم في كل صغيره وكبيرة وسأحرص ان يكون هذا الاستشاري خبير قانوني بالاضافة الى حصولة على شهادة الهندسة المعمارية ههههههه ( ما صارت فله هذي ).. وذكرت لكل مكتب ان السيولة ستكون جاهزة في أي وقت يطلبها المكتب .. بمعنى : ليس عن طريق البنك .. او عن طريق بنك التنمية .. او او الخ الخ ..
وكما أنني طلبت من كل مكتب أن يأخذني في زيارة ميدانية لأي مشروع قام بتنفيذة ليتسنى لي رؤية ما أنجزة .. والحكم عليه لاحقا . ( طبعا هذا في حال كان ( له أمل ) أن يبني لي )

أخيرا .. وليس آخرا :
سأظل أبحث وأبحث حتى أصل الى المكتب الذي أقتنع فيه سواء من ناحية السعر .. او من ناحية نوعية العمل .. او من ناحية السمعة الطيبة له حتى أجده ان شاء الله .
ليست شطارة أن أكون في نظر المقاولين عبارة عن ( خروف ) يدفع أي مبلغ وبدون تردد .. ولكن الشطارة أن أجد من يكون سعره منطقي ومقبول ومعقول وبنفس الوقت : يكون عمله ممتاز .. والأهم .. توفير المبالغ الطائلة التي سيأخذها مني المقاول ( الطماع ) لعمل التشطيب منها ان شاء الله


وعلى الله التوفيق
اخوكم / مالكم أمل

[بويوسف]

عساك على القوة اخوي مالكم امل .. بودي ان اكتب تجربتي انا الاخر لكنها ماخلصت لي الحين .. البحث مازال جاريا ..

[خليفـة]

عساك على القوة اخوي مالكم امل .. بودي ان اكتب تجربتي انا الاخر لكنها ماخلصت لي الحين .. البحث مازال جاريا ..

شرفت الموضوع اخوي بويوسف بمرورك الكريم
وفي انتظار مشاركتك الي بنتعلم منها الكثير والكثير
موفق بأذن الله

[شبربوش]

الله يوفقك اخوي مالكم أمل في المقاول والاستشاري الممتاز

ممكن تظيف صورة لمخطط ، لاني اب حاجه للأفكار وادور مخطط قريب من مساحة مخططك

[الســـهم]

السلام عليكم ورحمة الله وبركاته أخوي مالكم أمل ..

يشرفني إني أشارك بموضوعك وأسدح الأسعار اللي حصلتها قدامك من مقاولين مصنفين ..

مقاول ( أ ) ..

عظم + بلاستر + سور + كهرباء + ماء + صرف صحي + عوازل + أعمال السيراميك للأرضيات والحمامات (تركيب فقط) + تنسيق الموقع العام ( تبليط الحوش بالكامل ) لمساحة بناء 930 متر مربع بسعر 1560 ريال للمتر المربع ..

__________________

مقاول ( ب ) ..

تسليم مفتاح لمساحة بناء 850 متر مربع بسعر 2800 ريال للمتر المربع ..

_________________

مقاول ( ج ) ..

عظم + بلاستر + تمديد بايبات الكهرباء لمساحة 850 متر مربع بسعر 1175 ريال للمتر المربع ..

_________________

أتمنى إني ماقصرت معاكم وإن شاء الله يكون هالموضوع مرجع للمقبلين على البناء , والله ييسر أمورك أخوي مالكم أمل وتتوفق بمقاول صاحب ضمير وخايف الله ..

[خليفـة]

الله يوفقك اخوي مالكم أمل في المقاول والاستشاري الممتاز

ممكن تظيف صورة لمخطط ، لاني اب حاجه للأفكار وادور مخطط قريب من مساحة مخططك

هلا اخوي
على خشمي
تامر أمر يالغالي
بعون الله بحاول انزل صورة للمخطط للفيلا في المشاركة
شكرا لمرورك الكريم

السلام عليكم ورحمة الله وبركاته أخوي مالكم أمل ..

يشرفني إني أشارك بموضوعك وأسدح الأسعار اللي حصلتها قدامك من مقاولين مصنفين ..

مقاول ( أ ) ..

عظم + بلاستر + سور + كهرباء + ماء + صرف صحي + عوازل + أعمال السيراميك للأرضيات والحمامات (تركيب فقط) + تنسيق الموقع العام ( تبليط الحوش بالكامل ) لمساحة بناء 930 متر مربع بسعر 1560 ريال للمتر المربع ..

__________________

مقاول ( ب ) ..

تسليم مفتاح لمساحة بناء 850 متر مربع بسعر 2800 ريال للمتر المربع ..

_________________

مقاول ( ج ) ..

عظم + بلاستر + تمديد بايبات الكهرباء لمساحة 850 متر مربع بسعر 1175 ريال للمتر المربع ..

_________________

أتمنى إني ماقصرت معاكم وإن شاء الله يكون هالموضوع مرجع للمقبلين على البناء , والله ييسر أمورك أخوي مالكم أمل وتتوفق بمقاول صاحب ضمير وخايف الله ..

جزاك الله خير يالغالي وما قصرت
شرفتني بمرورك الكريم
والاسعار المذكورة في مشاركتك لها أهميتها

[سوق واقف]

السلام عليكم ورحمة الله وبركاته أخوي مالكم أمل ..

يشرفني إني أشارك بموضوعك وأسدح الأسعار اللي حصلتها قدامك من مقاولين مصنفين ..

مقاول ( أ ) ..

عظم + بلاستر + سور + كهرباء + ماء + صرف صحي + عوازل + أعمال السيراميك للأرضيات والحمامات (تركيب فقط) + تنسيق الموقع العام ( تبليط الحوش بالكامل ) لمساحة بناء 930 متر مربع بسعر 1560 ريال للمتر المربع ..

__________________

مقاول ( ب ) ..

تسليم مفتاح لمساحة بناء 850 متر مربع بسعر 2800 ريال للمتر المربع ..

_________________

مقاول ( ج ) ..

عظم + بلاستر + تمديد بايبات الكهرباء لمساحة 850 متر مربع بسعر 1175 ريال للمتر المربع ..

_________________

أتمنى إني ماقصرت معاكم وإن شاء الله يكون هالموضوع مرجع للمقبلين على البناء , والله ييسر أمورك أخوي مالكم أمل وتتوفق بمقاول صاحب ضمير وخايف الله ..

يالغالي 2700تسليم مفتاح غالي وايد
رفيجي موقع عقد من كم يوم مساحة البناء 950 أو أقل شوي 930 تقريبا
تسليم مفتاح تشطيب سوبر ديلوكس
السعر مليون و400

[الســـهم]

يالغالي 2700تسليم مفتاح غالي وايد
رفيجي موقع عقد من كم يوم مساحة البناء 950 أو أقل شوي 930 تقريبا
تسليم مفتاح تشطيب سوبر ديلوكس
السعر مليون و400

فعلا اخوي كلامك صحيح , وياليت مصنف اولى او ثانية ..

ماشاء الله السعر اللي محصله رفيجك خيالي الله يبارك له ان شاء الله , بس اهم شي المقاول يكون ثقه ومش كلام على ورق , يعني يطلع يشوف مشاريعه واهم شي العمال على كفالته , مب يلقط من هني وهناك وعقب تعال دورهم وقت الترقيع وحاجتك لهم , وهذي اهم الاشياء اللي راعيتها في المقاول اللي راح اشتغل معاه قبل لا يطيح الفاس بالراس ..

الله يوفقه ويوفقك لأنك مقدم على البناء بإذن الله , وأهم شي الخرايط لا تستخسر فيهم وانا اخوك , ترى ياما ناس دوروا رخيص والحين مب عارفين اشلون يرقعون اخطاء المصممين , يعني ادفع اليوم ولا تضطر تدفع اضعافها بعدين وتقعد تندب حظك ..

[خليفـة]

فعلا اخوي كلامك صحيح , وياليت مصنف اولى او ثانية ..

ماشاء الله السعر اللي محصله رفيجك خيالي الله يبارك له ان شاء الله , بس اهم شي المقاول يكون ثقه ومش كلام على ورق , يعني يطلع يشوف مشاريعه واهم شي العمال على كفالته , مب يلقط من هني وهناك وعقب تعال دورهم وقت الترقيع وحاجتك لهم , وهذي اهم الاشياء اللي راعيتها في المقاول اللي راح اشتغل معاه قبل لا يطيح الفاس بالراس ..

الله يوفقه ويوفقك لأنك مقدم على البناء بإذن الله , وأهم شي الخرايط لا تستخسر فيهم وانا اخوك , ترى ياما ناس دوروا رخيص والحين مب عارفين اشلون يرقعون اخطاء المصممين , يعني ادفع اليوم ولا تضطر تدفع اضعافها بعدين وتقعد تندب حظك ..

قواك الله اخوي السهم
ولكن اسمح لي أعلق على كلامك الكريم أعلاه :
انا ما ادري ليش اغلبنا عنده مفهوم ان الشي الغالي ممتاز والشي الي سعره أقل هو سيء للغاية !!
هالقاعدة اخي الكريم تنطبق على اشياء كثيرة .. بس مو في كل شي وانا اخوك

اعطيك مثال صغير :
قطع غيار السيارات : مافي شي أفضل من شغل الوكالة .. لان عليها ضمان من الشركة ومصممة بطريقة تتناسب فنيا 100% لسيارتك .
مع ان التجاري أرخص بـ 35% على الاقل ولكن مشاكلة كثيرة .

مثال آخر :
صباغ محترف يعمل في شركة .. بيصبغ لي غرفتي عن طريق الشركة بـ 4000 ريال
ولكن لو تكلمت مع هذا الصباغ بطريقة شخصية .. ممكن يصبغا لي بـ 2000 ريال بالكثير والشغل بيكون بنفس الجودة .. وللعلم : فلوسة ما راح ياخذها الا بعد اتمام العمل .

وهناك مئات الامثلة اخوي لا داعي لذكرها الان .. واخيرا اخوي سهم .. كل شخص له نظرته وعقليتة وله قدراته وامكانياته .. والقناعة الشخصية تبقى هي سيدة الموقف .

موفق ان شاء الله اخوي