ممكن اعرف كم سعر المتر لديكور بانواعه وكلي شكر لك والله يبارك لك بالمنزل
واذا احد من الاخوان يعرف سعر المتر لديكور ياليت يذكر لنا
وكذالك اسعار العمل في الارضيات سواء سيراميك اوبورسلان او اجرانيت او رجام والبلاط الشعبي للغرف وللحمات اعزكم الله وكذالك الحوش الخارجي
رحم الله والديك اخوي خليفه .. هذا العشم فيكالمشاركة الأصلية كتبت بواسطة خليفـة
مرحبا اخوي المزن الرياني .. وشاكر لك هذا المرور الجميل
بالنسبة لمحل الديكور والجبسمبورد
هذا محل متواضع .. ولكن عنده ايدي عاملة ممتازة .. فنانين بمعنى الكلمة اخوي
انا جربت شغلهم في أكثر من 5 فلل لناس من جماعتي .. وكان شغلهم أكثر من ممتاز
والأهم من ذلك اخوي .. ان اسعارهم رائعة ومعقولة
انا لا اؤمن بضرورة فخامة وكبر حجم المحل الي اتعامل معاه بقدر اهتمامي بجودة وتجربة العمل .
المحل الكبير والمشهور تلاقي اسعارة جنونية .. وخيالية لمجرد ان يدفع اجار اكثر ورواتب أعلى للعمال .. ( وهذي طبعا مو مشكلتي ) بينما المحل المتواضع اجارة بسيط .. وعدد عمالة أقل .. بالتالي التكلفة الي يطلبها مني تكون أقل بكثير ومعقولة .
اذا حابب اي تفاصيل عن المحل الي اتعامل وياه .. انا حظر وتحت امرك اخوي
وكل الي عليك تقول لمدير المحل : انا من طرف خليفـة راعي فلة ام صلال محمد .. وبتلاقي السعر الي يطب خاطرك ان شاء الله .
اخوك / خليفـة
ياليت تفاصيل المحل على الخاص لا هنت
س : خرايطي جاهزة
ووزعتها ع 3 مقاولين
وعند الاختيار
هل لازم أسوي عقد مقاولة أولا؟
وبعدين اروح لبنك التنمية؟
ولا مو شرط العقد؟
بالانتظار
وشكراا
ead.php?t=284476"]اندونيسيا كما رأيت يوليو 2009 بقلم بوخالد911 وتصويره[/URL]
[/COLOR]
سفرتي الى سنغافورة + استراليا + بانكوك 2008
سفرتي الى بانكوك مارس 2009
ممكن لو سمحت رقم محل الجبس واسمه؟؟
هلا بك اخوي مسيو بوخالد
والله يوفقنا جميع ان شاء الله
شكرا لمرورك الجميل
مرحبا اخوي الوعد .. وشرفتني بمرورك الكريم
بالنسبة لتساؤلك اخوي .. انا عملت عقد شامل وكامل
بالنسبة لأمور الجبس : العقد يشمل الصبغ الداخلي والخارجي والكورنيش والجبسبورد و الترخيم و و و و الخ ..
بالتالي يصعب علي أجاوبك كم سعر المتر بالضبط .
ولكن انا خذيت كوتيشن اسعار من عدة محلات مختلفة .. ولقيت ان هذا المكتب هو افضلهم بالنسبة للسعر .. وخصوصا اني شفت شغله في اكثر من بيت من بيوت ناس من جماعتي .
بالنسبة لتشطيب الأرضيات : العقد نفس الشيء اخوي .. يشمل أرضيات الحمامات والمطابخ والبورسلان والسيراميك والدرج و و و الخ ..
بالتالي يصعب علي ايضاً ان اقول لك كم كان سعر المتر .. ولكن لك ان تتخيل احد الشركات أعطتني سعر التشطيب كأيدي عاملة وعلي المواد : 75.000 ريال
بينما مقاول التشيب الي يشتعل لي الحين خذ علي فقط : 50.000 ريال .. وشغله للأمانة سأسأل عنها يوم الدين : ممتاااااااااااااز للغاية .
ان شاء الله لو فيه حد من الأخون عنده معلومة عن الأسعار بالمتر من واقع تجربه مر فيها يقدمها لنا ولك اخوي .
اتمنى لك كل التوفيق ان شاء الله .. وشاكر لك مرورك الكريم
على خشمي يالمزن .. تامر أمر ان شاء الله
راجع الخاص بعد دقائق
مسيو بوخالد .. بالنسبة لي انا ابني الفلة من جيبي الخاص .. وليست عن طريق بنك التنمية .. ولكن حسب علمي لابد من عمل عقد مع المقاول قبل تقديمك للطلب لبنك التنمية .. والله اعلم
ان شاء الله الشباب ما يقصرون وياك ويفيدونك بشكل أفضل .
موفق يا مسيو
ان شاء الله .. على خشمي
شوف الخاص بعد شوي اخوي
وشاكر لك المرور الطيب
& الَلهُمَ إنَكَ عَفوٌ تُحِبُ العَفوَ فَاعْفوا عَنِيْ &
ما شاء الله ,, الله يتمم لك البنيان بخير
ويجعله بيت عامر بالطاعات’’
اخوي خليفة من سحبلك النحاس حق المكيفات السبلت,,
او لازم اشتري المكيفات من الحين,,, ويركبون التمديات النحاس ..!!! وعقب الصبغ المكيفات ,,
مرحبا اخوي بونايف
وسعيد بمرورك وتساؤلك الكريم
بالنسبة لتمديدات النحاس والوايرات الكهربائية الخاصة بمكيفات السبليت .. فامت بتمديدها وسحبها الشركة الي شريت منها المكيفات اخوي .
وهذا هو الصح اخوي .. انك تخلي الشركة الي شريت منها المكيفات تقوم بكل اعمال التمديد قبل عملية الصبغ النهائي للبيت .. وذلك لأمكانية التكسير في بعض الأماكن وسهولة عمل البلاستر لأماكن التكسير وصبغ هذي الأماكن من جديد من دون تشويه المنظر .
بالتوفيق يالغالي .. وشرفني مرورك الطيب
& الَلهُمَ إنَكَ عَفوٌ تُحِبُ العَفوَ فَاعْفوا عَنِيْ &
جزاك الله كل خير وبيض الله وجهك
اسمح لي اخوي صاحب الموضوع
جوابا على الأخ ابوخالد
س : خرايطي جاهزة
ووزعتها ع 3 مقاولين
وعند الاختيار
هل لازم أسوي عقد مقاولة أولا؟
وبعدين اروح لبنك التنمية؟
ولا مو شرط العقد؟
بالانتظار
وشكراا
المطلوب منك التالي:
عقد مقاولة بناء مختوم من شركة المقاولات وموقع منها وكذلك موقع من قبل الإستشاري ومختوم منه وهو الإستشاري الذي سيشرف على العمل وكذلك توقيعك الكريم
أتمنى اني أفدتك
توني جاي من موقع البنيان يابودعي والشغل ترتيييييب ما شاء الله
وعلى قولة تسليم مافيه فكر مافيه فكر ههههههههه
اللهم لك الحمد كما ينبغي لجلال وجهك وعظيم سلطانك
ضوابط المشاركة
رد مع اقتباس
