مل القلم تكرار بعـض العبـارات
اللي تزيد صدور الأوراق ضيقـه
الحبر ينزف والقلم فيـه زفـرات
ينحب نحيب وسمعت أذني شهيقه
معذور لأكن؟ ظالمه حي ما مـات
أستخدمه من شان يرضي فريقـه
ضغط عليـه وكرهـه بالعلاقـات
حتى نفذ صبـره بغـط الحقيقـه
ندم بعد رسمه طريـق المتاهـات
وصحا ضميره مع تغطرس رفيقه
صحوه ولأكن ؟ كم سلب؟ فالبدايات
أخلف مفاهيم ورسم لـه طريقـه
شطب كواكب عن محيط المجرات
سجل بدلها أسماءٍ وحـرر وثيقـه
حطم بعض لأنفس وحطم كيانـات
وغير بعد وجه الرضى مع شقيقه
أرشيف عمره تحتضنها الملفـات
المشكلة ماضيـه يمكـن يعيقـه
قرر يصحح منهجـه والمسـارات
متى ؟ بعد ما شب ذيك الحريقـه
ألآسن لهبها ذوبت وجه وأصوات
والعمر محسوب ٍ دقيقـه دقيقـه...
|
رد مع اقتباس
