ممكن استشاره ،اشتري شقة في اللؤلؤة ولا فيلا في منطقة اخرى ؟؟

[راعي ال x5 الاسود]

السلام عليكم روحمه الله وبركاته
انا بصراحه محتار بين امرين الاول وهو شراء شقه في الؤلؤة بمقدار مليون وستميه الف (غرفتين وصاله) والامر الثاني بيت بنفس المبلغ وطبعا مساحه البيت اكيد راح تتراوح بين 400 لين 500 متر
من وجهة نظر الخبراء من من هاذين الامرين الاكثر ربحا ومنفعه
والله لايهينكم

[وحش قطر]

البيت طبعا

[Orion-Belt]

البيت ابرك للاسباب التاليه:
1- المساحه نفس ما تفضلت والحوش تقدر تستفيد منه للتوسعه و الكراج الخ
2- الشقه في اللؤلؤه على حد علمي بتكلفك مصاريف سنويه للصيانه والامن واعتقد الكراج بعد
3- تخيل نفسك شاري اغراض وايد من الجمعيه وجايب ثيابك من الدوبي مثلا ومطارات ماي...كل هاي اشلون بتوصله للشقه؟ وجع راس. اما البيت فيسهل عليك ويعطيك نوع من الخصوصيه.
4- اعتقد البيت آمن من ناحيه السلامه في حالة الحريق لا سمح الله.
5- هل تمتلك حصه في أرض البرج في حالة هدمه او سقوطه مثلا ايضا لا قدر الله؟
وأسباب صغيره أخرىز

عالعموم جرب تسكن في شقه لمدة شهر وانت بتعرف الفرق ين البيت الشقه (تجربه شخصيه).

نعم للبيت و لا للشقه الا اذا مضطر....

[الـخـور]

مايبيل كلام ... خذ بيت وانت مغمض

[راعي ال x5 الاسود]

جزاكم الله خير اخواني على الاطراءات بس انا قصدك في شراءي للبيت او الشقه من ناحية الاستثمار والربح وليس السكن يعني انا ناوي استثمر الشقه او البيت مو اسكن فيهم يعني باختصار من اللي اجاره اكثر

[bond007]

جزاكم الله خير اخواني على الاطراءات بس انا قصدك في شراءي للبيت او الشقه من ناحية الاستثمار والربح وليس السكن يعني انا ناوي استثمر الشقه او البيت مو اسكن فيهم يعني باختصار من اللي اجاره اكثر

اخوي الشقة كم مساحتها؟ ومن المطور؟
ترى في فرق كبير بين المطورين ..
من واقع تجربة ، الغرفتين يتراوح اجارهم من 13000 - 16000

[راعي ال x5 الاسود]

اخوي الشقة كم مساحتها؟ ومن المطور؟
ترى في فرق كبير بين المطورين ..
من واقع تجربة ، الغرفتين يتراوح اجارهم من 13000 - 16000

اخوي مساحتها 153sm والمطور هي شركه الصبان التجاريه

[خليفـة]

اخوي خذها نصيحة مني

خذ لك بيت أبرك مليون مرة من هالشقق الي طاحت في جبود أصحابها
على الاقل لو قلت بكرة للبيع .. بتلاقي تلفونك ما يسكت

اما هالشقق شوفة عينك .. الجرايد والمكاتب مليانه عروض ومحد يقول لهم : بكم ؟

جدي مناحي الرابع عشر قالها مرة :
لو فيها خير .. ما هدها الطير
وموفق ان شاء الله

[فتى الجود]

السلام عليكم


مثل ماقالوا لك الأخوان


خذ لك

بـــيـــت


والله يوفقك

[bond007]

اخوي مساحتها 153sm والمطور هي شركه الصبان التجاريه

الاستثمار في العقار طول عمره الملاذ الامن سواء في فيلا او شقة في اروع مناطق الدوحة ...

لو كان سعرك مليون وستمية للشقة والاجار ١٣ الف على اقل تقدير.. العائد السنوي 9.75% وهذا يعتبر سعر مناسب بالنسبة للعائد ..

مادري كم اجار الفلل هالايام .. بس تقدر تسوي نفس الحسبة تشوف الانسب لك ..

وفالك طيب