تدري عاد كل اللي احنا فيه بسبتك لو انك ما سويت اللقاء المنحوس في دريمه اللي فتح علينا ابواب جهنم جان الحين احنا نسولف في قضايا عادية وتافهه وبعدين نرقد الله يسامحك نسيت اقولك عيدك مبارك.
بس تدري الزين اللي سويته بينت ان البنت القطرية كفو والله ... لا وعندها نضال بعد ..يقولك الدكتوره تكتب في الموضوع من 2006 لين الحين ما ايأست وما زالت تناضل وضوى انقطع قلبها وهي تقول ردوا ومحد يرد وعيزت وهي تقول وين العلاقات العامة في المؤسسة ما ترد..؟ واشوف شاهه مسكت عصا المارثون وواصلت المسيره ..والله كفو يا بنات اهل قطر شوف بس آآنا ما اشكك في قولك جنك تعرف شيء لما قلت ان هالموضع الظاهر ما ينحل..!
انا صحيح تمللت من هالسالفه بس ما ادري ما يئست لين الحين.
وبعدين بنات هالقطر بيصيرون ناشطات في حقوق الانسان مثل ذيج اللي اللي قالوا لها قومي من على الكرسي للرجل الابيض وبعد 45 سنه لما ماتت نكسوا الاعلام في امريكا. علشان هالشكل انا متفائله خير كل الخير نسيت اقول عيدك مبارك