مطلوب سجل تجاري بس ماعندي خبره فهالمجال كلللش

[التجارةشطاره]

السلام عليكم ورحمة الله وبركاته

بصراحه انا حابه اطلع لي سجل تجاري

بس ماعندي خبره فهالمجال كلللش

ياليت حد يفيدني

شنهي الاشياء المطلوبه بالضبط؟؟

اتمنى محد يبخل علي .. والرد بأسرع وقت

وتسلمووووووون مقدما

[بويوسف]

كان في واحد رقمه بالجريدة يطلع السجل بـ 1000 ريال .. و 1800 ريال السجل مع الرخصة وكل المعاملة .. لا اعلم هل السعر مناسب ام لا ؟

[التجارةشطاره]

شكرا اخوي

بس المشكله مب فالسعر

المشكله في الاشياء المطلوبه هي اللي ابي اعرفها بالضبط ايش تكون ؟؟؟

[نبض الخفوق]

هلا اختي ايش نوع نشاط اللي تبينها
بغتي سجل تجاري فقط

[التجارةشطاره]

بغيت افتح محل

وبصراحه سمعت ان مايعطوني سجل تجاري الا اذا كان في رصيدي 200.000 الف وفوق

فهل هالكلام صحيح؟؟

[نبض الخفوق]

بغيت افتح محل

وبصراحه سمعت ان مايعطوني سجل تجاري الا اذا كان في رصيدي 200.000 الف وفوق

فهل هالكلام صحيح؟؟

الرصيد يكون في حالة طلب شركة واذا طلبتي مثل مطعم او خياط اوحلاق عادي بدون رصيد
انا فتحت خياط نسائي بدون رصيد في البنك

[التجارةشطاره]

اهااااا

تسلمين الشيخه ماتقصرين

والله يوفقج في محلج

[خذاني الشوق]

اختي شنو تبين تفتحين انا سمعت انج بتفتحين محل بالؤلؤه هل الكلام صحيح وبالنسبه للسجل التجاري اعتقد ان الوحده لازم ماتكون موظفه والله اعلم مادري اعتقد

[التجارةشطاره]

وييييييييي شدراج؟؟؟

سبحان الله صج الدوحه صغيره ماينخش فيها شي

ايييييييي خلاص انا حجزت المحل بس باقي لي اشياء بسيطه

وعلى فكره الواسطه والخصومات ممنوعه

وبعدين انا مب موظفه والا شرايج خخخخخخخخ

[سياتل]

السجل التجاري

اذا تبين شركة لازم يكون معاج شريك مب موظف مثلاً ولدج ولا أختج ولا حد من هلج حتى لو تحطينه بنسبة 1% وانتي 99% أما بالنسبة لراس المال فهو يعتمد على المشروع

أما بالنسبة للمؤسسة فتقدرين تدخلين بنفسج ومن غير رأس مال

في كل الأحوال شوفي التوقيع

وعندنا مناديب بيطلعون لج السجل في يوم واحد إن شاءالله

واذا تبين شي راسليني على الخاص وانا حاضر في اللي تبينه

وبالتوفيق إن شاءالله