السلام عليكم
عيدكم مبارك و عساكم من عواده
ياجماعة الخير ويا اهل الخبره في لبنان بغيت منكم مساعده
ان شاء الله رايحة لبنان بعد فتره وحبيت استفسر وين افضل مكان لحجز السكن فندق او شقق فندقيه ؟؟
وين تنصحوني .. انا افضل بشارع الحمرا
نصحوني في الكراون بلازا شرايكم او شي قريب منه
جزاكم الله خير
والله خيتوا الجو هسه هناك بارد وبدوا لبس كوى وتقيل
وان شاء الله الاخوان راحو يفيدونك ورحله موفكه فيها خيتوا
اختي فرحة كل عام وانتي بخير وعيدكم مبارك
انصحج اختي بفندق الموفنبيك .. ثم فندق فينيسيا .. ثم فندق الحبتور .. ثم هناك شقق قريبه من السوليدير اسمها المركزية مونرو (www.monroebeirut.com)
وفي شقق ايضاً اسمها فونيكس .. حلوه بعد قريبه من عين المرسيه والحمرا
وبالتوفيق اختي
أشهد ان لا إله إلا الله محمد رسول الله
سبحان الله وبحمده سبحان الله العظيم عدد خلقه ورضاء نفسه وزنة عرشه ومداد كلماته
جزاكم الله خير على الافادة
اذا انتي من النوع الي تبين الفندق بس حق النوم وتحبين تطلعين طول الوقت وتمشين يصلح لج هالفندق
هو حليو واسعاره اخبر حلوه بس مب فخم يعني اتوقع له 4 نجوم وعلى قولتهم فندق مش حالك تحته على طول شارع الحمرا قهاوي ومطاعم وتمشي
اذا تبين فندق غرفه واسعه وشرحه وحلوه مالج الا الحبتور وخذيه مع الفطور(الترويئه) في اخر دور فوق المطعم ومنظر حلو اما الفخامة كلها والوبي الحلو هو فنيسيا بس غرفه تعبانه السويتات والغرف العاديه اما الاجنحه مادري عنها
اتمنى فدتج والجو بارد حاليا عندهم
الله يجزاك خير اخوي عبدالرحمن
اكثر الظن كروان بلازا لان مهمتي اساسا في هالفندق - اريح لي وللوالد
يعطيك العافية
كراون بلازا حلو في الحمرا وكل شئ حولك .
واذا تبين شقق فيه شقق اسمها ،، اليجينت في الحمرا حلوه الشقق .
قال صلى الله عليه وسلم : « لئن أمشي في حاجة أخي حتى أقضيها، أحب إلي من أعتكف في مسجدي هذا شهرًا».
كل عام وأنتي بألف خير وعيدج مبارك اختي فرحه
اعتقد الاخوان ماقصروا دلوج على اكثر من فندق وشقق
لذلك انا مشاركتي بقتصرها وبدليج على مطعم اسمه منير في منطقه جبليه اسمها برمانا من افضل المطاعم في لبنان .. اكله ممتاز وخدمتة ممتازه والمنظر من المطعم يرد الروووح ... ان رحتيه ان شاء الله بتدعين لي دعوه بظهر الغيب .
تروحين وترجعين بالسلامة انتي والوالد وموفقه ان شاء الله في مهمتج
اخوج/ قطري33
التوقيع في التصليح حاليا
تسلم اخوي اكسبيرت
شاكرة لك اخوي قطري33
ضوابط المشاركة
رد مع اقتباس