اش صار في بناتنا ؟؟؟

[مارسيلا]

عادي وين المشكلة

[خــــالــد]

السلام عليكم و رحمة الله وبركاته

اختي مثل ما قال البعض ... ممكن وحده منهم ما تعرف عربي فعيب انها طالعة وياهم ويتكلمون بلغة ما تفهمها...


ولكن المشكلة بتكون اذا بالفعل كلهم قطريات ولغتهم الاولى العربية ويفهمونها عدل ...

لان بتكون عندهم عقدة ومشكلة بهويتهم... لانهم يحسون داخلياً ان العرب واللغة العربية شي يقلل من قدر الشخص والنقيض مع الانجليز واللغة الانجليزية... حيث محاولة مشابهتهم هي علو شأن ومصدر فخر سواء شكلاً، لبساً، كلاماً او تفكيراً... فهم يعتبرونه التطور والرقي !

مع الاسف هي مشكلة نفسية ...

هالناس يذكروني بالهنود...
وايد منهم معقدين من حياتهم ولغتهم وهويتهم وووو
فلما كنا نشوفهم برا ... اشكككككره هندي هو اللون وهو اللبس وهو الشكل وهي اللهجه بحروفها المحروقة المعروفه... تسأله من وين انت يقولك بريتن... او هيوستن !!

لالا ياخوي فاهم غلط اقصد اوريجينالي اوريجنالي من وين انت؟؟ يرد يقولك شوف اصلا اصلا امي يات من ديترويت وابوي ياي من كاليفورنيا

يا مـــــــعود !!

المصيبه ان هذول بعد لما يقعدون كللللهم هنود ولغتهم مكسرة شوي بالانجليزي ... كنا نشوفهم يتكلمون ويكلمون عيالهم واللي للحين ما تعدوا السنه سنتين.. بالانجليزي... قلنا معليه الهند فيها مليون لغه ولغه يمكن كل حد منهم له لغة غير وهذي لغة التفاهم بينهم... يوم سألناهم طلعوا كلهم من نفس الفريج

فبصراحة مسكين اللي مستصغر نفسه ومستقلل هويته الاسلامية اللي اساسها اللغة العربية لغة القرآن الكريم ورايح يدور على شي يسد به نقصه مثل اللغه الانجليزية !

[HENRY]

انا أقوول اذا جو شغلك يتطلب قلنا معلييه واذا كنتم شباب وبينكم اجنبي مافي مشكله تكلموون انجليزي
بس اتحدد يوم مع شباب تكلم انجليززي ماعنده سالفه الي بتلكم انجليزي مع رفيجه في مطعم او كوفي شوب
يعني واحد لابس الزي القطري مع رفيجه ويتكلموون انجليززي بعد, وذا كانت الطاوله الي بجنبهم قاعديين هنوود أو أمريكااان والله انهم راح يضحكوون بامباي ولاس فيغااس هههههههه
على النكتته والموقف الي شافووه
هذا مجرد راااي
شكرااا

[بوخالد911]

الحيين الانجليزي
مااال أول

الحيين الناااس تتكلم فرنسي




مسيوو/ بوخالد911

[حـــنـــان]

هذيلا اللى يسون شذي فيهم نقص يفكرون ان شذي احسن وارقى..والناس تنظر لهم نظرة اعجاب..مولت اقول..وفي ناس تعمد تتكلم مع بعضها لغة مايفهمها اللى مجابلهم كنوع من العقاار(الحش)..يعنى اذا يبون يتكلمون او يعقرون في شخص يتحجون مع بعضهم بلغة اجنبية..اشوفها سخافة

[الدمعه]

مساكين عندهم هاي تطور مايدرون انه تخلف وبدايه ضياع اللغه العربيه ..


ردود بعض الاعضاء الله يهديهم تنرفز يعني لااسلوب ولارقي في الرد ولايختارون الكلمات

المناسبه .. اولا المره ماجرحت حد عشان تهاجمونها اوكل واحد يقط له كلمه تعور

وتضايق .. عندكم كلمه زينه بدوها .. ماعندكم يسمح امركم لاتردون .. صح كل واحد

براحته وكل واحد حر في تصرفاته بس مومعناه انكم تردون بتعجرف ..

( من تواضع لله رفعه ) ..

ومن غيرتها على لغتها تكلمت بهالشي ,, وماغلطت في شي وصح وايد اللي

نشوفهم قطريات ويتكلمون بالانجليزي ..انزين ليش ؟؟شالحكمه من هالشي ؟؟..

يعني بتكلم وبدخل كلمه او كلمتين بالانجليزي احسه

عادي بس اني الغي لغتي عشان لغة الكفار .. هاي اللي مايدش العقل .. شوفو الاجانب

سنين عايشين في بلادنا ..وبعضهم خذ له 20سنه واكثر مايتكلم ولاكلمه عربيه ..

ولايحاول حتى ..

والمنتدى مب فاقد جوهريته من هالمواضيع اللي تتطلع تصرفات لااخلاقيه عند البعض ..