جتني تقول شفيك عذبت روحي
قلت " قطري" وتجوز لي كل الارواح
قالت فديتك بس هذي جروحي
قلت " قطري" واكون للجرح جراح
قالت تقول الصدق ولا مزوحي
قلت اسمعيني مابه ضحوك ومزاح
انا " قطري " من دوحة العز بوحي
يوصل مداه لهامة الذوق مرتاح
انا " قطري" والبيرق اللي يلوحي
اسقيه من دمي تباشير وافراح
انا "قطري" والطيب مني يفوحي
طيبٍ ورثته من ثرى الارض فواح
انا " قطري" والعلم قمة طموحي
تلقين فكري بين الاوراق سواح
انا "قطري " يسبق خيالي جموحي
شاعر قصيدي ينتقل كيف الاشباح
انا " قطري" للمجد ترقى سفوحي
والمجد عندي ما سئل يوم مرواح
انا " قطري" للسلم قلبي جنوحي
لكن على سيف العدى سيف ذباح
انا " قطري" يبهر غموضك وضوحي
ما كنت عمري في دجى الغش سباح
انا "قطري" مكتوب في وسط لوحي
للخير للصلح لعنى الوقت مفتاح
هذا انا وان كان ودك تروحي
روحي تراك بناظري هم وانزاح
ولا عاد اشوف ارجوك عذبت روحي
{لجلي تهون فذمتي كل الارواح}
|
رد مع اقتباس
