ليش المرأة دايماً عليها ان تتقبل اخطاء الرجل بصدر رحب؟؟؟؟

[opama]

اختي مشكووورة على طرح الموضوع :
اول شي حاب اقوووول الغلط غلط سواء اللي عمل الغلط رجال ولا حرمة

اما ان الرجال لاغلط محد يقولة شي فهذا اعتقد قليل جدا او محد يرضا بالغلط
ثانيا ليش ننظر للموضوع من هالجانب جالسين نقارن بما سيحث بعد الغلط بيعاقبونة او لا
ليش ماننظر للاسباب التي ادت للغلط
ونحاول نحلها او على الاقل نساعد في حلها
مشكوووورة اختي او موضوعج عجبني
بس مثل ماقلتلج نحاول ننظر لة بمنظووور اخر
يعني نقووول لية الرجال والمرة يغلطون شنهي الاسباب في رايكم

[المقهوره]

ممكن لان الزوجه تبي تحافظ على بيتها وعيالها من الضياع بس مستحيل تنسى خيانة او اخطاء زوجها الا من رحم ربي وبتم تجمعله اخطاء لين تبطها بوجهه وفي حريم ما يرضون اخطاء ازواجهم ويطلبون الطلاق ولا يفتكرون بتبعيات نظرة المجتمع للمطلقه

بالنسبه لنا المطلقه ماينظر لها المجتمع نظره سيئه عادي بالعكس

ماصار نصيب وكلن راح بحال سبيله

[رفيق الغيم]

ومن الي غير وضع المرأه

وضعها غير اقصد بالمجتمع اما بالنسبه للدين فعاقبه الخيانه واحده
لكن كنت ابي اول اقول لج شى على سبيل المثال لو حدث طلاق بين زوجين وكان سبب الطلاق خينتها لبعض فهل بيكون وضع المراه نفس الرجل بالمجتمع الريال كم شهر وبيتزوج اما البنت غير بيقولو وبيقولوا هاى الى قصدته بس وهاى رايى الشخصى واعتقد نظره المجتمع كذا بعد والله واعلم

[Mozanee]

بووووووه ياهنوده الحجي مب مخلص ’’ انزين انتي فاضية عشان أصك راسج من القرقة ’’’؟؟؟

اسمعي وانا أختج الكلام اللي تقولينه حيرنا وحير غيرنا ليش الريال من صوبه غفور رحيم

ومن صوبنا شديد العقاب ’’’ وهذا من صوب المجتمع طبعا اما رب العالمين ساوا بينا ’’’

وصدقيني الواقع هو الصحيح؛ شرف البنت غالي والله حماها بأشيا طبيعية ووما عطاها

الريال ’’’



لأن المرة عيبها كبير ومب حلوة تسوي اللي براسها’ وبعدين تقول ليش المجتمع ما يسامح ’’؟؟

والمرة اذا سوت اللي تبيه هي الخسرانة وهي اللي بتتعذب طبيعتها جذيه رقيقة ؛ فالعفة تحميها

ومن قال المرة تطوف غلطة الريال ’’ ما اطوفها الا تم تعايره وتنغص عليه بس ما بيدها

حيله غير الكلام ’’ ما تبي الطلاق ’’ وتقزر معاه وهو من ناحيته المفروض يقدر تضحيتها

وتسامحها معاه ’’’

وتسلمين على الموضوع ’’ وتقبلي مروري الثقيل ’’’

[OutLaw]

هند 88

أبعطيج مثال وابي منج المقارنة

لنفرض رجل سرق وعوقب بالجسن مدة قدرها سنه
وأمراة سرقت وعوقبت بالسجن مدة وقدرها سنه
هل وضع الرجل مثل وضع المرأة ؟؟

بعد فترة المجتمع بيقول عن الرجل أن تاب والله هداه ولكن المرأة التي انسجنت المجتمع ما راح يرحمها وراح ينظر لها نظرة سيئة تلازمها طول حياتها ،، صحيح ان حكم المجتمع كان جدأ قاسي لكن هذا الحكم يجعل المرأة تحافظ على نفسها اكثر وتدري ان المجتمع ما راح يرحمها وتفكر اكثر قبل لا تقدم على فعل اي جريمه اياً كان نوعها لانها تدري ان المجتمع مب راحمها ، لكن المجتمع حافظ على المرأة بحكمه القاسي عليها ،
بعكس المجتمعات الاخرى وحتى الاسلامية الغير خليجية ومثل ما احنا نشوف الفضايح والمشاكل الي تحصل وتنشر . فا تأكدي يا أختي الكريمه شدة قساوة المجتمع عليكم للحفاظ على مكانتكم وكرامتكم . ومن أمن العقوبة اساء الادب .

لكن المرأة اتقبل خطئ الرجل هذا شي راجع لها شخصيا بأنها اتقبل اخطائه وتسامحه أو ما تسامحه
والمراة مخلوق لين مستامح اكثر من الرجل .

[العلم الوكاد]

مرحبا اختي

انا راح اعلق على موضوعك بعيدا عن الخيانة

لانها امر غير مستساغ سواء من الرجل او المرأة

وان كانت نتائجها وعواقبها في حالة الرجل اقل كثيرا

فقد ذكرتي في عنوانك (اخطاء الرجل) وهذا معنى فضفاض

يعني في مفهومة المجازي كل ذكر

ولن اتكلم ايضا من الناحية الدينية

والتي اعطت القوامة للرجل

ولكن سأسئل لك سؤال واحد كم مرة يخطي الرجل

وكم مرة تخطي المرأة ؟ وانا هنا اتكلم عن الوضع الطبيعي

كزوجين حياتهم على ما يرام بعيدا عما يغضب الله

[امل الحب]

فكرت بالموضوع قبلج .. وقلتها بصراحة مجمتع متخلف بهذي النظرة لان الاثنين ساواهم الدين في العقوبات .. نجي نفرض عادات وتقاليد تقول الريال يشيل عيبه .. اسمحي لي انا ماقبلها حتى لو كان الخطأ بسيط لان الخطأ خطأ .. اما مشكلة المجتمع ان العادات والتقاليد تطغى على تعاليم الدين ..

تحية لج ..

[الشاااهين]

حبيت اسلم واقول الناس ماترحم سواء رجال أو امرأه .

[MaRuKoO]

انا الي يحز بنفسي من بهالموضوع هو مش الغطله الكبيره او الفضيحه بمسمى اخر لا الاشيا الاخرى المراه لو كانت مضايقه قال عنها نكديه لو فضفضت من هموم ما يسمعها او يحسسها بانه معاها عالحلوه والمره كلااام من قلنا روح جاهد عشانها الكلام يعني للمره كل شي كلمه وحده تكفي لو اطلبت قال عطيتها وجه في ايام معينه فالشهر او اثناء الحمل معرووف ان المراه تكون مضايقه ونفسيتها متغيره وحساااسه بزياده بسبب تغير الهرمونات الزايده فيها لا يقدر ولا يراعي اصلن الرجل الخليجي هالشي بكبره ما يهتمله ولا يدري عنه ولا يبي يدري عنه ..ما يدري انها تشووفه بالدنيا وخلت اهلها وابوها الي يعنيله الامان وتدوره فيه ..وامها الي تعنيلها الحنان وتدوره فيه...واخوانها الي يعنون لها الظهر والسند وتدووره فيه بدالهم... وخواتها وصديقاتها الي يعنون لها الصداقه والتسامح والشفافيه وتدووره فيه...

تخاف تتكلم او تقول عن اي شي مضايقها لانه بيقلب السالفه عليها وبيركبها الغلط وبيقلبها زعله وبتطيح على راسها وبتتحسف انها شكت


لكن تعالو له هو ..ان عصب او تضايق حط حرته فيها وتسكت وتقول اذا ما حطها فيني مسكين فمن بيحطها ووين بينفس عن الي فداخله ان اغلطت ا و ما اعرفت شي قال عنها هبله وماعندها الاسواد وجهها وباعها بثانيه وجرحها تجريح وهدم كل معنى حلو وكل معزة بقلبها له بسبب غضبه الي ما يعرف يتحكم فيه وفوق كل هذا قالت اصلن الرجال كلهم كذا مسكين وسامحت ونست مجرد ما يكلمها بس لو قالها السلام عليكم قاطها بالايام ويدور وانسته سفرات ورحلات وعنن وغيره وهي مكسورة الجناح حتى ما تقدر تقوله ليش او اهتم فيني وبوناستي ترى انا انسان واحب استانس وارفه عن نفسي مثل ما تحب انت ..كللللل شي كل شيييي من حق الرجال يعبر عنه اما المراه عييييب انها تعبر حتى عن شعورها ....ومع كل هذا منقوده وكل ما قالو مراه قالو رجالنا ((من ضلع اعوج))

اما للخيانه والعلاقات حدث ولا حرج حلال عليه يخون

[بوحارب]

احلى شي الأبتعاد عن المواضيع الاجتماعية والأتجاة الى المواضيع الفرفوشية