ما الذي حدث للمجموعة يا جماعة الخير .. أصبحوا في قمة السوء

[عضو قديم]

ما اقول الا الله المستعان

[alkaabi]

هالوضع صاير في اغلب شركات الوساطة

وبالذات المجموعة

لان الضغط عليها كبير

واكثر من نص المساهمين يتعاملون معاها

وعليهم ضغط كبير من ادارة السوق ...!!!

لدرجة انهم اعملوا طلب خاص لبيع الناقلات للمساهمين الجدد ( اللي اول مرة يشتري في البورصة )

ويدخلون الطلب بعد يوم كامل من استلامه

وذلك لتعريف العميل واظهار رقم المساهم له

اما اذا كان عنده رقم مساهم يدخلون له الطلب

بس لهم لمت معين يبيعون ويشترون فيه وهاللمت محدد من قبل البورصة

..............

امس رحت قدمت طلب بيع في المجموعة عند واحد من الربع

وقالي بالحرف الواحد اذا تعرف حد في غير المجموعة روح له

عندهم ضغط كبير ومايبون يستقبلون طلبااااات

[al_lord]

هلا احسينوه وعضو قديم خلكم ريلاكس على قولة ابو الشباب ولا تحرقون اعصابكم

الله لا يهينكم روحوا للبروصه ودخلوا الطلبات انسوا عصر التلفون

واذا تبون التلفون لازم دهن سير وفهمكم كفايه

[سعد]

انا اقوللكم ان المجموعة افضل شركة وساطه موجوده حاليا (( افضل السيئين)) على الاقل يداومون العصر واللي ماعنده وقت الصبح يحط طلبه العصر وانتهت

اما اذا بغيت تبيع ،،، عادي
،
،
،
، راحت على اللي فرصته ماغتنمها

وتحياتي لكم

[الوهج القطرية]

أختي ريما أنصحج بشركة قطر لأني متعامله وياهم من قبل وإنشاء الله ما يفشلوني فيج

[عزيز]

السلام عليكم

اختي وهج شنو خدمات شركه قطر؟ ووين موقعهم بالضبط ؟ يعني فيه بيع وشراء بالتلفون ولا لا؟؟

والله المجموعه احرقو اعصابي دوامي انا مستحيل اطلع منه لو علي قص رقبتي والمجموعه مب مقصرين فينا

يعني مضروب علي راسي من الصوبين لحول ولا قوه الا بالله

بس بعد مب فاقد الامل وان شاء الله شركه دلاله تكون الخير يارب

[المخلب]

المجموعة .. كانت من أفضل شركات الوساطه .. تنفذ الأوامر سواء بيع أو شراء بسهوله وسرعه

وبمنتهى المصداقيه . ولكن منذ التاريخ ( المشؤوم ) 3/4/2005 .. وأنا ألاحظ أن الأمور إختلفت

قد يقول قائل : نتيجة للضغط .. طيب حتى التلفونات صاروا ما يردون عليها .. أتصل علشان أحط أمر . لا

أحد يرد . تخيلوا حتى في الفتره المسائيه أيضا ً لا أحد يرد .. جربت حتى على البداله أتصل 4444444

أيضا ً لا أحد يرد .. والأمـَر من ذلك .. أن جميع محاولاتي للإتصال يصادفها تحول للمكالمه .. تطلع عبارة

Call Diverted .. أي أن المكالمه تم تحويلها !!!!!!!!!

وبالأمس ضاعت علي فرص كثيره .. والسبب ثقتي بالمجموعه ! .. طيب وش يسوي اللي ما يقدر يطلع

من شغله يفنش يعني

واليوم من الساعه 7 ونص يعني مع بداية دوامهم وأنا أحاول أتصل لا أحد يرد .

معقوله كل هذا إستهبال

=================

إحترموا عملائكم يا المجموعه ..

وانت ليش زعلان هذا اسلوبهم من زمااااااااااااااااااااااااااااااااااااااااااااان .

[رحال]

لا تلومونهم 0000 شفايدت الاوردرات ومافي بيع وشراء !!!

آنه كل يو م احط الا وردر المغرب ولمت داون بسعر السوق وما يضرب 0000

[رعد]

T هذا صحيح و أنا تعرضت لمثل هذه المواقف

وحينما سألت الموظف لماذا لاتزيدون عدد الموظفين ليتمكنوا من الرد
رد علي :
أحنا ثلاثين موظف لكن شو بدنا نساوي فيكم كلكم تركتو أعمالكم واشتغلتوا في البورصة !!!!

[السهم الاخضر]

احسن حل حق هذي المشكله هن الواحد فينا لازم يكون عنده 3 ارقام موبايل ويسجلهم في المجموعه ويتصل بهم في وقت واحد مب احسن من يعتمد على تلفون واحد انا شخصيا مسجل عندهم رقمين حاليا وفكر في الثالث